ni Nitz Miralles - @Bida | March 11, 2022
Tama nga si Karla Estrada, may demokrasya at respetuhan sa bahay nila dahil habang siya ay ang UniTeam nina Bongbong Marcos at Sara Duterte ang sinusuportahan sa pagka-presidente at bise-presidente, ang anak na si Daniel Padilla, si VP Leni Robredo naman ang sinusuportahan at iboboto.
May nakita kaming larawan ni Daniel kasama si Direk Mandy Reyes at nasa likod nila ang SUV na may poster ni Leni.
Sabi ng caption ni Mr. Reyes, “Aba, ewan ko sa inyo. Basta kay #LiderLeni kami ng tropa kong gangster.”
Nag-post muli si Karla ng family photo nila at sinabing, “In my family, we strongly believe in democracy” at sinundan ng “I raised my children to have their own opinion, stand their ground not because they are swayed by the public. They have an independent mind rooted in their own beliefs. But in the end We Talk, We Love and Live Harmoniously.”
Kabilang sa mga nag-comment si Mariel Rodriguez na ang asawang si Robin Padilla ay tumatakbong senador at ang sabi, “Tama.”
At si Ruffa Gutierrez naman na ang boyfriend na si Herbert Bautista ay tumatakbo ring senador under UniTeam, nag-comment ng “Amen!!! You are their anchor and ROCK.”