Ravena, Kouame at Ramos, pasok sa Gilas Pilipinas

ni MC / Gerard Arce / VA - @Sports | February 10, 2022

Nagbalik na sa Pilipinas si San-En NeoPhoenix guard Thirdy Ravena upang lumahok sa Gilas Pilipinas pool para sa nalalapit na upcoming FIBA World Cup Asian qualifiers sa huling bahagi ng buwan na ito.

Kinumpirma ni SBP executive director Butch Antonio ang balita kahapon. Isang source na malapit kay Ravena ang nagsabi na nasa bansa na ang guard noong Martes.

Makakasama niya ang national team pool sa training para makapaghanda na sa qualifiers ng FIBA na sisimulan sa Peb. 24-28 sa Araneta Coliseum.

Bahagi rin ng pool sina dating Ateneo de Manila University teammate Ange Kouame at Will Navarro, maging sina Dwight Ramos, Juan Gomez de Liano, Tzaddy Rangel, at Jaydee Tungcab. Makakasama ng team ang TNT Tropang Giga at coach si Chot Reyes. Ito ang unang paglahok ni Ravena sa FIBA event mula sa first window ng FIBA Asia Cup qualifiers noong Pebrero 2020.

Ang 25-anyos na si Ravena ay may current average na 12.7 points, 4.4 rebounds, at 2.5 assists kada laro para sa NeoPhoenix sa 2021-22 season ng B.League. Pang-11 sila sa West na may kartadang 4-27 win loss record.

"We want to keep our options open dahil we still have a few days before we’re ask to submit our line-up, so ayaw naman nating itali ang ating kamay,” pahayag ng 58-anyos na 9-time PBA champion sa PSA Forum nitong Martes, na idinagdag na malaki ang panghihinayang na hindi mapapabilang sa line up sina Carl Tamayo ng UP, Justine Baltazar ng DLSU at 3 pang Ateneo players na nais nilang makuha dahil sa 84th season ng UAAP basketball events sa Marso. “Although it’s unfortunate some of the guys na talagang hinihintay natin, I was really looking forward for having Carl and Justine, talagang nanghihinayang ako, but we have to respect that it is, what it is. Still hopefully in the next few days meron pa.”

Malugod na inamin ni Reyes na naging maganda ang simula ng pagsasanay ng mga batang miyembro ng Gilas sa kanyang sistema at rapport sa mga beteranong international players mula TNT.

Gilas at TNT players sa World Cup Qualifiers

ni Gerard Arce / VA - @Sports | February 06, 2022

Pormal ng inanunsyo ng PBA at Samahang Basketball ng Pilipinas (SBP) ang pagkatawan ng ilang players ng TNT Tropang Giga para sa Gilas Pilipinas kasama ang ibang miyembro nito sa February window ng 2023 FIBA Basketball World Cup qualifiers.

Sasabak muna sa apat na laro ang TNT players sa PBA bago ang World Cup Asian qualifiers sa Pebrero 24-28 sa Smart Araneta Coliseum. “The PBA once again will adjust its schedule to allow some players from TNT to be with Gilas not only during the window but also during practices. It was a unanimous decision by the board to support that stint,” pahayag ni PBA chairman Ricky Vargas matapos ang special board meeting nitong Biyernes. “We also discussed a little bit about not only the February support for Gilas but also we're looking forward to continuing the support up to World Cup 2023.”

Nagpasalamat naman si SBP President Al Panlilio sa PBA board sa pagbibigay basbas upang katawanin ng TNT ang bansa kahit na kababalik pa lang ng komperensiya.

Mamanduhan ni TNT coach Chot Reyes ang team kasama ang national mainstays na sina Dwight Ramos, Juan Gomez de Liano, SJ Belangel, Tzaddy Rangel, Will Navarro, Jaydee Tungcab at naturalized player na si Ange Kouame. Hindi naman umano pinayagan ng UP si Carl Tamayo at ng DLSU si Justine Baltazar dahil sa pagpasok sa bubble camp para sa opening ng UAAP season 84 sa Marso.

Ayon din sa reports, wala rin sa listahan si PBA top scoring Fil-Am rookie Mikey Williams dahil hindi ito sakop ng FIBA rules nang mabigong makakuha ng Philippine passport bago mag-16-anyos. Ilan sa mga may ganitong kalagayan sina Fil-Foreigners Stanley Pringle at Christian Standhardinger ng Brgy. Ginebra, Chris Ross at Mo Tautuaa ng San Miguel.

Chot, balik coach ng Gilas Pilipinas

ni VA / MC - @Sports | February 02, 2022

Muling itinalaga si Chot Reyes bilang bagong head coach ng Gilas Pilipinas na una niyang ginabayan ang team noong 2014 FIBA Basketball World Cup.

Ito ay matapos na lisanin ni Tab Baldwin ang naturang posisyon at agad ipinalit si coach Reyes. Inanunsiyo ito ng Samahang Basketbol ng Pilipinas (SBP) noong Lunes kung saan siya na muli ang gagabay sa national team simula Peb. 1.

Ipinaliwanag ng federation na nagpasya si Baldwin na bitiwan na ang kanyang posisyon bilang Gilas Pilipinas coach para aniya, "to focus on his responsibilities to the Ateneo Men's Basketball Team."

Bukod sa pagiging program director ng Gilas Pilipinas, hawak din niya ang pagiging coach ng Blue Eagles na inakyat niya sa tatlong sunod na kampeonato sa UAAP.

Ayon sa SBP, ang pagkakaantala dahil na rin sa COVID-19 pandemic ang nagresulta sa mga nasirang iskedyul ng mga collegiate basketball season at paghahanda para sa FIBA Basketball World Cup 2023 qualifiers.

Inaasahan na ang UAAP ay magsisimula sa Marso habang ang Pilipinas ay sasagupa sa World Cup qualifiers sa huling bahagi ng Pebrero.

"Chot is the sensible choice to take over Gilas coaching, because he is very familiar with the program," saad ni SBP chairman emeritus Manny V. Pangilinan sa isang statement.

"He also has solid experience in international competition and FIBA games."

"Considering the high-level performance expected of Gilas, we decided to go with the coach who brought the country back to the FIBA World Cup in 2014," dagdag ni SBP President Al Panlilio.