Sotto, Ravenas, Ramos at Clarkson sa World Cup

ni VA / MC / Gerard Arce - @Sports | August 11, 2022

Inanunsiyo ng Samahang Basketbol ng Pilipinas (SBP) na pangungunahan ni Utah Jazz guard Jordan Clarkson ang mga manlalaro ng Gilas Pilipinas para sa fourth window ng FIBA World Cup qualifiers, habang hihintayin pa ang pagtatapos ng semis ng 2022 PBA Philippine Cup bago ilabas ang listahan ng pro-players mula sa 10 koponan.

Makakasama ng 6-foot-4 Fil-Am sa FIBA window sina Dwight Ramos, Ray Parks Jr., Kiefer at Thirdy Ravena, Carl Tamayo, Francis Lopez, at Kevin Quiambao, ang pagtatapos ng PBA semis upang ma-finalize ang line-up. “Hindi muna natin ire-release yung pool until after the semis para hindi ma-distract ang mga naglalaro pa. PBA players ang nakakarami sa pool na tinitignan. Yan ang sa ngayon ang pinagtutuunan natin ng pansin,” ayon kay SBP spokesperson Renaud “Sonny” Barrios Martes ng umaga sa virtual PSA Forum sa zoom na tumatayo ring SBP executive director, sa lingguhang forum. Nakatakdang sumabak ang Gilas Pilipinas sa Lebanon sa Beirut sa Aug. 25 habang haharapin ang Saudi Arabia sa 29th sa MOA Arena.

Samantala, pagkaraan ng mahabang pakikipag-uusap sa SBP, muling nagdesisyon si Sotto na maglaro para sa Gilas sa 4th window ng 2023 FIBA World Cup Asian qualifiers. Nag-commit ang 7'3 center para katawanin ang bansa. Darating si Sotto sa Manila sa Agosto 18.

Nakatuon ang pansin ng 20-anyos na 2022 NBA undrafted na ibigay ang kanyang serbisyo sa bansa at nakatakdang bumalik si Sotto sa koponan nito sa National Basketball League sa Australia na Adelaide 36ers para sa second season sa Oktubre hanggang Pebrero 2023.

Makakasama ng 2022 NBL Fans MVP si Utah Jazz guard at Filipino-American Jordan Clarkson na maglalaro laban sa Lebanon na gaganapin sa Beirut at Saudi Arabia sa Mall of Asia Arena sa Pasay City.

Benedicto at Santiago, hari sa Ironman 70.3 Phls sa Cebu

ni VA / MC - @Sports | August 10, 2022

Makaraang hindi maidaos ang event ng dalawang sunod na taon dahil sa pandemya, nagbalik ang Ironman Philippines 70.3 race at idinaos sa Cebu.

Nilahukan ng 2,000 triathletes ang Megaworld Ironman 70.3 Philippines sa Mactan Newtown na isang endurance competition noong Linggo. Pagdating sa dulo, dalawang Pinoy ang naghari sa overall men’s and women’s categories bukod sa nakatiyak na ng slot sa Ironman 70.3 World Championships sa Finland.

Naghari si August Benedicto sa men's race sa oras na 4:29:16 at iwanan ang second-placed na si Mark Jansen ng 7 minuto sa karera. Ikinagalak ni Benedicto na muling makipagkompetensiya mula pa noong huling 2019 niya na event. Nanatili siya sa Europa sa panahon ng pandemya.

"So happy. So good. I'm enjoying. That's why I keep on going back in Cebu. Because the people here are so good and friendly," aniya matapos magwagi sa kompetisyon.

Samantala, 3rd place si John Alcala, nang lampasan ang unang lider na si Satar Salem na naiwan sa 4th. Naging pride din ng Pilipinas si Ines Santiago nang mag-reyna sa women's competition, nakatawid sa finish line matapos ang 5:23:15 sa orasan, halos 10 minuto na nauuna kay kabayan Leyann Ramo.

Ang triathletes mula sa 46 bansa sa mundo na lumahok sa Mactan ay tumahak ng 1.9-km swim, 90-km bike, at 21-km run. Sumabak ng 6.20 a.m. gunstart ang mga kalahok sa Mactan Newtown sa isang beach doon. Pagkaraan ng ulan bago ang kompetisyon, magandang panahon ang bumati sa mga kalahok at tagasuporta.

Isang araw bago ang event noong Linggo, naunang bumanat ang mga kabataang 6-14 taong gulang para sa mas maigsing bersiyon ng Ironman Philippines.

Pole vaulter Obiena, 3rd place sa Silesia Leg Wanda Diamond

ni VA / MC - @Sports | August 8, 2022

Nagtapos sa ikatlong puwesto si Filipino pole vaulter EJ Obiena sa Silesia leg ng 2022 Wanda Diamond League ngayong Linggo (PH time).

Na-clear ni Obiena, sariwa pa sa panalo ng bronze medal sa World Athletics Championships, ang 5.73-m sa kanyang ikalawang pagsubok na makapasok sa podium.

Hindi naman nito nagawang i-clear ang 5.83-m sa kanyang tatlong ulit na pagtatangka.

Nakuha ni Sondre Guttormsen ng Norway ang 2nd place ng ma-clear nito ang 5.73-m sa unang pagtatangka.

Naibulsa naman ni world champion Armand Duplantis ng Sweden ang gold medal ng lundagin ang bagong meet record na 6.10-m. Ang susunod na leg ng Diamond League ay sa Miyerkules, Agosto 10, sa Monaco.

Samantala, patuloy ang pagpapalakas ng Ateneo de Manila University Blue Eagles kung saan ipinakilala nito ang kanilang bagong recruit na pambato na si Fil-Am guard Kyle Gamber.

Ito ang ibinida ng Katipunan-based squad na nakuha nila ang 6-foot-4 Fil-Am guard Gamber at magiging kwalipikadong maglaro para sa Season 86. Inilarawan ni head coach Tab Baldwin si Gamber bilang isang “all-purpose guard.”

“Si Kyle mismo ay isang all-purpose guard. Siya ay isang malaking bantay sa 6-foot-4, siya ay isang tao na napaka-komportable sa bola sa kanyang kamay,” sabi ni Baldwin, na naglalarawan kay Gamber din bilang isang manlalaro “na may mahusay.

Court vision, marunong magpasa ng bola, at isang mahusay na taga-baril.”

“Siya ang taong sa tingin ko, naiintindihan kung ano ang ibig sabihin ng pagpapahusay ng kanyang mga kasamahan sa koponan dahil bilang isang lead guard, nasa kamay niya ang bola at alam niya kung paano paandarin ang koponan,” dagdag ni Baldwin.