Lady Bulldogs, nanlapa, swak sa Final ng women's basketball

ni VA - @Sports | December 1, 2022

Ginapi ng National University (NU) Lady Bulldogs ang Ateneo de Manila University, 83-64 sa kanilang Final 4 match kahapon sa UAAP Season 85 women's basketball tournament sa Araneta Coliseum.

Dulot ng nasabing panalo, naitala ng Lady Bulldogs ang kanilang ikawalong sunod na finals appearance bukod sa pagkakataong makamit ang ikapitong sunod nilang titulo.

Ngayon na lamang ulit nakaranas ang NU na makalaro sa Final 4 mula noong 2013 matapos mabigong makumpleto ang elimination round sweep nang matalo sila sa De La Salle sa second round. Umiskor ang Gilas Women's standout na si Clarin ng 19 puntos na kinabibilangan ng limang triple upang pamunuan ang nasabing panalo.

Nagsimulang kumalas ang NU sa kalagitnaan ng third canto kasunod ng pagdikit ng Blue Eagles sa iskor na 54-48.

Nagsalansan ang NU ng 17-2 run sa pagitan ng third at fourth quarters, upang itayo ang 72-50 bentahe na hindi na nila binitawan upang siguruhin ang panalo.

Fuels, nanambak ng 51 points 11-yr old Pinay climber, pa-India

ni VA / MC - @Sports | November 27, 2022

Hindi binigyan ng tsansa ng Phoenix Super LPG ang Terrafirma Dyip sa halip tinambakan pa ang all-Filipino team ng 51 puntos, 135-84 paras magka-tsansa pa ang kampanya sa PBA Commissioner’s Cup kagabi sa Philsports Arena sa Pasig City.

Wala nang inaksayang oras ang Fuel Masters sa panlulunod sa Dyip iniwanan na halos sa 67-30 lead na maituturing na pang-5 sa all-time most lopsided first half sa league history.

Samantala, paiigsiin ng Philippine Basketball Association (PBA) ang 2023 Governors’ Cup upang mabigyan ang Gilas Pilipinas ng preparasyon para sa 32nd Southeast Asian Games sa Cambodia sa May.

Hindi pa naisasapinalisa ang iskedyul pero ayon kay Commissioner Willie Marcial na ang season-ending conference ay may five game days a week pareho sa Philippine Cup, at posibleng may triple-headers na rin.

Samantala, napatalsik ang host nation na Qatar sa World Cup noong Biyernes na may isang laro pa sa Group A matapos hawakan ng Ecuador ang Netherlands sa 1-1 na tabla.

Nauna nang bumagsak ang Qatar sa ikalawang sunod na pagkatalo sa torneo, natalo sa 3-1 sa Senegal na nangangahulugang kailangan nila ng Ecuador upang talunin ang Dutch upang manatili sa contest.

Samantala, maliwanag ang kinabukasan ng PHL sports ang pagpasok sa listahan ng batang 11-anyos na climber na si Praj dela Cruz.

Si Praj, na ang mga magulang ay climber din, ay nakilala sa kompetisyon at kasalukuyang naghahanda para sa Asian Youth Cup sa India. Nagustuhan ni Praj ang sport climbing tulad ng kanyang mga magulang na climbers din. “Sa Pilipinas kasi, ‘pag umaakyat ‘yung mga bata, sinasaway, ‘Uy mahuhulog,’ Pinagbabawalan agad.

Dahil pareho kaming climber ng wife ko, hinahayaan namin siya, kami na sa likod,” ayon sa ama ni Praj na si Bidz.

Lady Archers, pinalaso ang 108- game winning streak ng Bulldogs

ni GA /VA - @Sports | November 25, 2022

Nagwakas na ang pinakamahabang record winning streak sa kasaysayan ng University Athletic Association of the Philippines.

Naputol ang 108-game winning streak ng National University Lady Bulldogs nang gapiin sila ng De La Salle University,61-57 sa overtime sa pagpapatuloy ng second round ng UAAP Season 85 Women's Basketball Tournament sa UST Quadricentennial Pavilion sa Manila.

Ang kabiguan ang una rin ng NU ngayong season matapos ipanalo ang unang 12 nilang laban. Huli silang natalo noong Oktubre 5,2013 sa kamay din ng De La Salle Lady Archers ,69-61 sa Game 3 ng Seàson 76 finals.

Nang sumunod na taon, 2014 nagsimula ang kanilang record winning run hanggang magkamit sila ng anim na titulo. Nanguna sa nasabing panalo ng Lady Archers si Fina Tchuido na nagposte ng 14 puntos, 19 rebounds at 2 steals.

Ang panalo ang ikapitong sunod na panalo para sa La Salle na nag-angat sa kanila sa markang 11-2 at nagpalakas ng tsansang magkamit ng twice-to- beat-incentive sa semifinals. Dahil sa kabiguan ng NU, tiyak na ang pagkakaroon ng Final 4 round na huling nairaos noong Season 76.

Samantala, mas pinalawig pa ng DLSU Green Archers ang winning streak nito sa tatlo kasunod ng mainit na laro ni Penny Estacio para talunin ang Final 4-bound na NU Bulldogs, habang nakabawi ang defending champion UP Fighting Maroons nang kawawain ang kulelat na Santo Tomas Growling Tigers, 78-60, sa magkasunod na laro ng quadruple-header ng UAAP men’s basketball tournament sa MOA Arena sa Pasay City noong Miyerkules ng hapon.

Mas lalo pang pinag-igihan ng DLSU ang kanilang laro upang umangat sa 6-6 kartada para sa solo 4th place, habang bumagsak naman sa 9-4 marka ang NU Bulldogs na naputol ang apat na sunod na panalo.