Fil-German Eichler, 3x-gold sa 44th SEA Group Swimming

ni VA / MC - @Sports | December 27, 2022

Pasok na sa Philippine junior team si Alexander Georg Eichler dahil sa triple-gold performance sa 44th Southeast Asian Age (SEA) Group Swimming Championships.

Ang 15-anyos na si Eichler, na Pinay ang ina at Aleman ang ama ay namuno sa 50-meter, 100-meter at 200-meter butterfly sa Boys’ 14-15 Group 2 category sa National Aquatic Center sa Kuala Lumpur, Malaysia noong Dis. 17 - 19.

Rumehistro siya ng 26.09 seconds sa 50-meter butterfly at ungusan si Jeremy Elyon Ganesha ng Indonesia (26.16) at Nusit Suwanhiranporn ng Thailand (26.38).

Sa 100-meter butterfly, naorasan si Eichler ng 56.62 seconds at talunin si Ibrahim Faqih ng Indonesia (57.53) at Muhammad Dhuha Zulfikry ng Malaysia (57.99). Nabura rin niya ang tournament record na 56.9 seconds na itinala ni Vietnamese Ngo Dinh Chuyen noong 2016.

Ang panalo ni Eichler sa 200-meter butterfly na naorasan ng 2:07.04 ay wagi vs. Ngoc Minh Hoang Tan ng Vietnam (2:09.37) at Wongsakorn Patsamarn (2:09.37).

Ang 5-foot-9 na si Eichler ay bahagi ng silver-medalist team sa 18-and-under 4x100-meter relay team kina Jamesray Misael Ajido, Ivo Nikolai Enot at Jalil Sephraim Taguinod.

Mayroon din siyang two bronze medals mula sa boys 4x100-meter freestyle relay kakampi sina Ajido, Santos at Juan Marco Alfonso Daos, at mixed 4x100-meter freestyle relay kina Enot, Amina Isabelle Bungubung at Filipino-British Heather White.

Si Eichler ay incoming Grade 10 student sa Elly-Heuss-Schule Wiesbaden, na may Sports Talent Promotion Program sa swimming. Pinakabata siya sa dalawang anak ni Pinay Caroline Paredes at Christoph Eichler, isang Information Technology consultant.

Ang 19-anyos na si Adrian Phillip ay miyembro ng Philippine team at sumagupa sa 2022 Vietnam SEA Games, 2019 World Junior Swimming Championships sa Budapest, Hungary, at sa SEA Age Group Swimming Championships sa Manila (2018) at Cambodia (2019).

Ang 2022 SEA Age Group Championships ang ikalawang international tournament ni Eichler matapos ang 8th FINA World Junior Championships sa Lima, Peru noong Setyembre.

Arago at Krog, bida gold sa BP Criterium

ni VA / MC - @Sports | December 19, 2022

Pamilya ng mga siklista, pinadyak nina Emmanuel Arago at Maritanya Krog ang gold medal sa criterium event ng PSC-Batang Pinoy National Championships - Cycling na nagsimula at nagtapos sa Provincial Capitol Diversion Road, Ilocos Sur.

Naghari si 13-yer-old Arago ng Batangas City sa Boys Under 13 matapos irehistro ang 36 minuto at 05 segundo sapat upang sikwatin ang ginto sa event na suportado at inorganisa ng Philippine Sports Commission (PSC) sa pamumuno ni chairman Jose Emmanuel "Noli" M. Eala.

Dominado ni Arago ang karera dahil malayo ang agwat nito sa pumangalawa at sumikwat ng silver medal na si Dashel Carmona ng General Santos na nakapagtala ng 38 minuto at 05 segundo, bronze naman ang kinalawit ni DJ Perez ng Pangasinan.

"Hindi ko inaasahan, nagulat ako sa panalo ko, umpisa pa lang kumawala na ako tapos noong malapit na sinasabihan na ako na hinay-hinay na kasi malaki ang agwat ko," masayang sabi ni Arago na idolo si former Ronda champion Ronald Oranza.

Hindi naman nagpadaig si Krog, 13, Grade 9 student ng Baesa High School sa Caloocan, hinablot nito ang gintong medalya sa Girls 13 and below sa nilistang 37 minuto at 43 segundo sa 30 minutes plus 3 laps.

Naka-silver si Maria Louisse Alejado ng Iloilo (00:39:12.067) habang bronze ang naiuwi ni Jhanah Abella ng Calapan (00:39:16.426).

Sina Jacqueline Joy De Guzman ng Quezon City at Chris Andreu Ferrer ng Cebu ang nanalo sa Girls, Boys 14 to 15 Under ayon sa pagkakasunod.

Samantala, ang ibang nakapitas ng gintong medalya sa day 2 ng grassroots development program ng PSC ay sina Sophia Angela Dela Vega ng San Jose Ciity, (long jump), Kristian Yugo Cabana ng Lucena City, (swimming), Kyla Louise Bulaga ng La Union (swimming), Ellaine Jane Calunsag (weightlifting) at Hannah Shene Cabalida (weightlifting).

Creamline, isa na lang sa bronze, homecourt ang desisyon ni Padilla

ni VA / MC - @Sports | December 2, 2022

Hindi na kailangang umasa ang Creamline kay import Yeliz Basa dahil mismong ang all-Filipino crew ay nagpasabog kontra Chery Tiggo, 25-22, 22-25, 25-5, 25-19 nang umusad ang Cool Smashers tungo sa bronze sa Premier Volleyball League Reinforced Conference sa Smart Araneta Coliseum kahapon.

Pinaupo ni Coach Sherwin Meneses si Basa sa bench dahil sa injury kaya namahala na ang locals tungo sa record grand slam bid.

Samantala, hindi naman daw nandaya si Manny Pacquiao, aniya noong Miyerkules ng gabi nang talunin niya si Australian fighter Nadal Hussein sa kanilang 2000 fight.

Nag-react si Pacquiao sa sinabi ni retired referee Carlos Padilla na siyang nag-officiate ng naturang laban sa Antipolo City noon at aniya, natulungan niya ang kababayan na magwagi nang "pahabain" ang standard 10-count nang bumagsak si Pacman at nahilo sa 4th round.

"Hindi man daya. Pinaboran lang tayo, pabor lang siguro siyempre home court. As a boxer ginawa ko lang naman 'yung tama," sabi ni Pacquiao sa ABS-CBN online habang nasa training sa General Santos City. "Ako naman boxer lang ako. Ginagawa ko lang yung trabaho ko sa taas ng ring. That's his problem, not mine," dagdag niya hinggil kay Padilla.

Sinabi naman ni Buboy Fernandez, ang long-time confidante at trainer ni Pacman na ang naturang insidente ay kargo ni Padilla at hindi sa kanila. "Alam naman ng tao kung sino may kasalanan diyan," saad ni Fernandez. "Kaya naman kami sa team namin wala kaming comment. Alam niya naman eh, siya naman ang referee.”

Edad 21 si Pacman at sumisikat na noon nang sumagupa siya sa 10 rounds kontra Hussein para sa WBC International super-bantamweight title sa Ynares Sports Center noong Okt. 14, 2000.