FIBA 3X3 Manila Masters larga na, Gilas pa-Lithuania

ni Anthony E. Servinio / VA @Sports | May 20, 2023

Mga laro ngayong Sabado – Glorietta Makati

3:00 PM Manila vs. Ub

7:00 PM Manila vs. Utsunomiya

Makakasaksi muli ng pinakamataas na antas ng 3x3 sa ikalawang edisyon ng FIBA 3x3 World Tour Manila Masters ngayong Mayo 20 at 21 sa Glorietta Activity Center. Isang dosenang koponan mula sa 10 bansa ang magtatagisan para sa $40,000 (P2.245M) sa pangunguna ng defending champion Ub Huishan NE ng Serbia at host Manila Chooks ng Pilipinas.

Maraming pagbabago sa Manila at lumipat sa kanila ang numero unong Pinoy sa FIBA 3x3 World Ranking na si Mark Jayven Tallo mula sa Cebu Chooks at mga bagong pirmang sina Paul Desiderio at Calvin Payawal. Tanging si Dennis Santos ang babalik sa koponan.

Kabaligtaran ang sa Ub at babalik ang parehong apat na naghari noong nakaraang taon na sina Strahinja Stojacic, Marko Brankovic, Dejan Majstorovic at Nemanja Barac na kasalukuyang unang apat sa World Ranking. Si Majstorovic ang napiling MVP ng unang Manila Masters at itinuloy nila ang magandang porma hanggang magwagi sa 2022 World Tour Grand Finals sa Abu Dhabi.

Samantala, kasunod ng naging matagumpay nilang pagbawi sa gold medal para sa men's basketball sa nakaraang 32nd Southeast Asian Games, naka-focus na ngayon ang Gilas Pilipinas sa paghahanda sa gagawin nilang pagsabak sa darating na FIBA World Cup sa Agosto kung saan isa sa co-host ang Pilipinas.

Sang-ayon kay Samahang Basketbol ng Pilipinas (SBP) deputy director Butch Antonio magtutungo ang Philippine men's basketball team sa Lithuania para sa isang training camp sa Lithuania. "That's where we are headed, in Lithuania, maybe last week of June but we will still sit down and discuss things with coach Chot," pahayag ni Antonio.

Pinag-uusapan din aniya ang posibleng pagsama ni NBA Sixth Man of the Year Jordan Clarkson sa Gilas Pilipinas sa Lithuania.

5 ginto pa sa last day ng SEAG Cambodia

ni VA / MC / Clyde Mariano @Sports | May 18, 2023

Kumamada pa ng limang gintong medalya ang Pilipinas sa huling araw ng kompetisyon sa 32nd SEA Games sa Cambodia para sa ika-58 gold si Claudine Veloso sa Kickboxing Female -52kg laban sa Vietnam. Pagdating sa ika-57 gold ay nakuha ito Gretel De Paz para sa -56kg Kickboxing low kick.

Naunang naka-ginto para sa 55th gold si Ronil Tubog sa Men's freestyle 61kg wrestling category habang nasa 54th si Crisamuel Delfin sa arnis sa Individual Anyo Non-Traditional Open Weapon. Habang ang ika-53 gold na naitala ang nakaungos sa gold medal finish ng Pilipinas noong 2021 Hanoi SEA Games nang sungkitin ng Pinay arnisador na si Trixie Lofranco ang karangalan sa Women's Individual Anyo Non-Traditional Open Weapon category.

Silver medalist naman sa Women's Epee Team sina Ivy Dinoy, Hanniel Abella, Andrea Matias, at Alexa Larrazabal sa Fencing, pilak din ang arnis women's team nina Jeanette Agapito, Mary Allin Aldeguer, at Ma. Crystal Sapio sa Women's Team Anyo Non-Traditional Open Weapon event.

Sa men's freestyle -92kg wrestling ay silver si Jefferson Manatad maging ang National Men's Floorball Team ay silver din habang pilak din si Chino Sy Tancontian sa Men's Freestyle -97kg class ng Wrestling.

Sa kickboxing-men's lowkick -67 kg ay silver si Jeremy Pacatiw, maging ang cricket National Women's team ay nakapilak sa Women's T10. Hindi nagpahuli si Gina Iniong sa silver medal ng Women's Kick Light -55kg class ng Kickboxing.

Sa larangan ng jetski ay bronze si Billy Joseph Ang sa runabout 1100 Stock class ng Jet Ski competition, bronze din ang Philippine Fencing Men's Foil Team maging ang Arnis Men's Team nina Jeric Arce, Mark Puzon at Mack Pineda sa bronze medal ng Men's Team Anyo Non-Traditional Open Weapon tournament.

Kickboxing, Arnis at Wrestling, 4 gold pa

ni VA / MC / Clyde Mariano @Sports | May 17, 2023

Golden finish ang kinubra para sa ika-52 gintong medalya ni Alvin Lobreguito sa Wrestling Men’s Freestyle 57kg sa huling isang araw bago magsara ang 32nd Southeast Asian Games sa Cambodia ngayong Mayo 17.

Siya ang sumunod sa ika-51st gold ni Kickboxer Jean Claude Saclag sa Men’s Lowkick -63.5kg event kung saan ito ang ika-3 straight gold medal ni Saclag.

Nagtala para sa ika-𝟓𝟎th gold si Dexler Bolambao sa Arnis Men's Full Contact Live Stick ng Bantamweight competition. Ang Pinay arnisador na si Maria Ella Alcoseba ang kumuha ng ika-49th gold sa Women's Full Contact Live Stick (Bantamweight).

Bronze medalist si Laila Delo sa Women's -67kg class ng Taekwondo, bronze din si Baby Jessica Canabal sa Taekwondo Women's -53kg category. Naka-tanso rin Dave Cea sa Men's -80kg Taekwondo.

Humabol din sa bronze si Abdul Barode sa PUBG Mobile - Mixed Individual maging si Joseph Chua sa Men's -63kg class ng Taekwondo. Hindi rin nagpahuli sa bronze si John Viron Ferrer sa Men's -90kg Judo event.

Matikas din sa silver medal si Jean Mae Lobo sa wrestling women's 72kg Class, maging si Jiah Pingot sa Women’s Wrestling 50kg class. Bronze si Jomar Balangui sa Men’s 57kg Lowkick event ng Kickboxing.

"I am proud of our athletes. I saw their hardwork with my own eyes during the SEAG and while preparing for it. Each moment our flag was raised in honor of a win is a proud moment for every Filipino. We reaffirm our support to our national athletes. The PSC will continue to work as hard as you train. Salamat sa lahat ng inyong sakripisyo," pahayag ni Philippine Sports Commissioner Chairman Richard Bachmann bago ang closing ceremony ngayong gabi. .