Archers sa overall 13 golds, Lim at Johnson may 8 ginto

ni Christina Cla-or (OJT) @Sports | July 9, 2026

Photo:WAP Updates & Livestreams - Philppine Embassy in Singapore

Umani sina Abigail Jane Lim at Mateusz Vaughn Johnson ng 8 gintong medalya upang pangunahan ang kampanya ng Pilipinas sa 2026 Singapore Archery Youth Championships, kung saan nagtapos ang bansa na may kabuuang 13 ginto, 10 pilak at pitong tanso. 

Nag-uwi ng tig-4 na medalya ang dalawang Davao-based compound archers at dahil dito, higit sa kalahati ng lahat ng gintong medalya ng Philippine team ay nagmula sa ipinakitang mahusay na performance. Nasungkit ni Lim ang kampeonato sa Compound U18 Women individual event. Nagwagi siya sa women's Team kasama sina Jianna Rae Delos Reyes at Jaztin Maegan dela Cruz, gayundin sa U18 Mixed Team katuwang si Johnson. 

Nangibabaw si Johnson sa Compound U18 Men individual event at kampeon din U18 men's team kasama sina Zac Zayco at Rokai Timothy Tacudog, tagumpay din sa mixed team competition.  May golds din sina General Marc Bangoy, Leila Jell Cano at Mariano Matteo Medina sa individual recurve events. Nagkampeon ang Recurve U21 men's team, recurve U18 men's team, Recurve U18 women's team, Compound U21 men's team at Recurve U15 Mixed. 

Nagdagdag pa ang Pilipinas ng 10 pilak at 7 tanso.   Muling pinatunayan ng mga batang manunudla ang lumalakas na puwersa ng Philippine archery sa international youth competitions at ang magandang kinabukasang naghihintay sa susunod na henerasyon ng mga pambansang atleta. 

4 foreign teams magpapasigla sa SSL National Invitationals

by MC @Sports News | July 8, 2026

Photo: Dumalo at nagsalita sa PSA Forum para sa Shakeys Super League Invitational Conference sina (gitna) ACES Athletic Events and Sports Management Inc. President Dr. Ian Laurel kasama sina Ginio Panganiban at Allen Reyes at coaches na sina  oberto Javier ng Arellano U., Olips Clavacio ng Pusong Azul na ginanap sa PSC Media Room. Sisimulan ang kompetisyon na may dalawang kategorya ngayong Hulyo sa FilOil EcoOil Centre San Juan ang High school habang sa Ninoy Aquino Stadium ang Collegiate. (Reymundo Nillama)  

Apat na dayuhang koponan ang nakatakdang magpasigla sa nalalapit na 2026 Shakey’s Super League (SSL) National Invitationals.

Lalahok ang Ho Chi Minh City Volleyball Club ng Vietnam at ang Southern Storm Melbourne ng Australia  ngayong taon sa preseason tilt (collegiate level), gaya ng isiniwalat ni ACES president Dr. Ian Laurel sa Philippine Sportswriters Association (PSA) kahapon sa media center ng Rizal Memorial Sports Complex.

Sa juniors level lalahok ang California, Perfect Set Dream Makers ng USA at ang Pacific Volleyball Academy ng Guam.  "Iba ang taong ito, napakaespesyal. Ito ay isang bagay na aming isinabay sa pagsusulong ng butihing chairman ng Philippine Sports Commission, chairman Pato Gregorio, tungkol sa sports tourism. Sa pagkakataong ito, mayroon kaming mga dayuhang koponan na darating upang makipagkompitensiya sa aming mga lokal na koponan," sabi ni Laurel.

Lalahok din sa kompetisyon ang mga lokal na koponan na University of Santo Tomas (UST), Enderun Colleges, Colegio de San Juan de Letran, at College of St. Benilde.

Sa dibisyon ng hayskul, ang mga maglalaro sa Pilipinas ay ang Pusong Azul ng Ateneo, ang Arellano University HS, ang St. John’s Institute, ang One La Salle, at ang UST.                                

Ang mga torneo ay tatakbo mula Hulyo 11 hanggang 26, at ang mga laro ng juniors ay gaganapin sa Filoil Centre sa San Juan, habang ang mga college squad ay makakakita ng aksyon sa Ninoy Aquino Stadium sa Maynila.

Eala out sa Wimby, pero angat sa standing ovation

by Gerard Arce @Sports News | July 8, 2026

 Photo: IG / Alex Eala

Itinuturing na panimulang ningning sa pag-angat sa pandaigdigang kompetisyon ni Filipina tennis star Alexandra “Alex” Eala ang nakuhang tagumpay sa  2026 Wimbledon Championship, kasunod ng 4th-round exit kontra Italian tennister at World No. 17 na si Jasmine Paolini sa iskor na 4-6, 6-4, 3-6 na ginanap sa All England Lawn Tennis and Croquet Club (AELTC) sa Wimbledon, London.

Tuloy ang pagsikat ng 21-anyos na Pinay champion nang maging unang Pinoy na pumasok sa 4th round ng Grand Slam grass tournament na tumanggap ng standing ovation sa fans na nagawang pataubin ang mga dekalibre at mataas na ranggo sa World Tennis Association (WTA) tulad nina Mexican Renata Zarazua sa first round, Maya Joint ng Australia sa 2nd round at World No.3 Iga Swiatek ng Poland sa round-of-32.

Sa pagtatapos ng kampanya nakatuon ang pansin ni Eala sa hard court tourney, kung saan haharapin ang mga bigating katunggali sa huling Grand Slam tourney na US Open sa Agosto 23-Set. 13 sa USTA Billie Jean King National Tennis Center sa Queens, New York. 

“I think this week in general will add to my confidence. I mean, if this week doesn’t… It’s been one of my best results, right? Of course, it will add confidence. I think it’s important that in every match I played this week and every match that I play, I go in with self-esteem and the thought that I’m able to win. I don’t think that, necessarily, because of one week or the other, that will change,” pahayag ni Eala.

“Of course, there are things that I would have liked to do differently. But in the end, I think that’s just tennis. That’s also what’s beautiful about tennis, is that every match, it’s different in a sense. You’re always finding solutions, the opponent is always finding ways to make you uncomfortable,” eksplika ng tubong Quezon City.