Putol-kuryente, suspendido sa MECQ areas

ni Ronalyn Seminiano Reonico | August 21, 2021

Sinuspinde ng Manila Electric Co. (Meralco) ang disconnection activities sa mga lugar na nasa ilalim ng modified enhanced community quarantine (MECQ) hanggang sa katapusan ng Agosto.

Ayon sa Meralco, wala munang disconnection activites sa National Capital Region (NCR) at Laguna simula ngayong araw, August 21 hanggang sa Agosto 31.

Saad pa ng Meralco, “With the government’s announcement of MECQ in NCR, Bulacan, Cavite, Laguna, Lucena City, and Rizal until August 31, 2021, we are suspending disconnection activities in these areas as we prioritize your safety.”

Samantala, ayon sa Meralco, naka-skeleton workforce ang kanilang mga business centers (BCs) ayon na rin sa IATF guidelines.

Mga ospital, puno na… Sri Lanka, ini-lockdown dahil sa pagtaas ng kaso ng COVID-19

ni Ronalyn Seminiano Reonico | August 21, 2021

Isinailalim sa nationwide lockdown ang Sri Lanka noong Biyernes matapos lumobo ang kaso ng COVID-19 at napupuno na rin ang mga ospital, ayon sa awtoridad.

Pahayag ni Health Minister Keheliya Rambukwella, “Nationwide lockdown in effect from 10 PM today (20/08) to Monday (30/08).

“All essential services will function as normal. I sincerely request all citizens to adhere to the law and #StayHome.”

Ayon sa ulat, noong Miyerkules, umabot sa 3,793 ang naitatalang bagong kaso ng COVID-19 sa isang araw lang at sa kabuuang bilang ay pumalo na sa 372,079 ang Coronavirus cases sa naturang bansa. Nakapagtala rin ang Sri Lanka ng 6,604 bilang ng mga pumanaw.

Nilinaw naman ni Rambukwella na hindi maaapektuhan ng lockdown ang vaccination drive sa Sri Lanka at aniya pa, “It remains the only way we can stem the #COVID19SL spread & protect the population whilst giving the hospitals a chance to recover. The best vaccine is the first vaccine. Don't delay.”

Samantala, sa ilalim ng lockdown, ipinagbabawal ang mga religious at social gatherings at ang operasyon ng mga restaurants, hotels, cinemas, at spas. Bawal ding magsagawa ng mga village fairs at sports festivals.

Korup — PACC… NEA chief, sinibak ni P-Duterte

ni Ronalyn Seminiano Reonico | August 21, 2021

Sinibak sa puwesto ni Pangulong Rodrigo Duterte ang hepe ng National Electrification Administration (NEA) dahil umano sa korupsiyon.

Saad ni P-Duterte sa kanyang taped briefing ngayong Sabado, “We’ve been talking about corruption. Alam mo, may bago akong… the name is Edgardo Masongsong of NEA. I dismissed him from public service.”

Aniya, ang Presidential Anti-Corruption Commission (PACC) ang nagrekomenda na sibakin si Masongsong bilang hepe ng NEA dahil umano sa isyu sa katiwalian.

Saad pa ng pangulo, "We do not claim to maybe really, totally clean government at this time, not even with another president.

"Endemic ang corruption (corruption is endemic), but from time to time, ito, I’m given the opportunity to show the people that we are not bragging about it, but we are trying our best to cope up with situation regarding graft and corruption in our government."