Lockdown sa New Zealand, extended

ni Ronalyn Seminiano Reonico | August 22, 2021

Pinalawig pa ang national lockdown sa New Zealand dahil sa patuloy na pagtaas ng kaso ng COVID-19 sa Auckland at Wellington.

Ayon kay Prime Minister Jacinda Ardern, ang inisyal na tatlong araw na lockdown ay palalawigin ng apat pang araw. Saad pa ni Ardern, "We just don't quite know the full scale of this Delta outbreak.

All in all, this tells us we need to continue to be cautious.” Samantala, ayon sa ulat, 2,992 ang kabuuang bilang ng kaso ng COVID-19 sa New Zealand at 26 ang death toll. Umani ng papuri ang New Zealand dahil sa “COVID zero” response ng naturang bansa noong mga nakaraang buwan ngunit naging mabagal ang vaccination rollout kung saan 20% lamang ng populasyon ang nakakumpleto na ng bakuna.

Higit 4.6 M sa NCR, nakatanggap ng ECQ ayuda — DSWD

ni Ronalyn Seminiano Reonico | August 22, 2021

Umabot sa mahigit 4.6 million indibidwal sa National Capital Region (NCR) ang nakatanggap ng financial aid nang isailalim ang rehiyon sa enhanced community quarantine (ECQ), ayon sa Department of Social Welfare and Development (DSWD).

Ayon kay DSWD Assistant Secretary Glenda Relova sa isang panayam, noong August 19 ay umabot na sa 4,643,201 beneficiaries ang nakatanggap ng cash aid sa NCR.

Samantala, isinailalim ang Metro Manila sa ECQ noong Agosto 6 hanggang 20 dahil sa banta ng COVID-19 Delta variant at niluwagan sa modified ECQ ang quarantine classification hanggang sa katapusan ng buwan.

Higit 149K violators sa ECQ sa MM, sinita, pinagmulta

ni Ronalyn Seminiano Reonico | August 22, 2021

Umabot sa mahigit 149,000 violators ang naitala ng Philippine National Police (PNP) sa Metro Manila nang isailalim ang rehiyon sa enhanced community quarantine (ECQ).

Ayon kay Chief Police General Guillermo T. Eleazar noong Sabado, base sa datos ng Joint Task Force COVID Shield, simula noong August 6 hanggang Agosto 20, may 149,963 violators sa mga ipinatutupad na quarantine protocols sa Metro Manila ang napagmulta, nasita at pinag-community service at kabilang umano sa mga ito ay ang mga non-authorized persons outside of residence (APORs). Umabot sa 98,971 violators ang nasita, 43,328 ang pinagmulta at, 7,664 naman ang pinag-community service sa Metro Manila, ayon sa PNP.

Saad pa ng PNP, “In Metro Manila, our Task Force sanctioned 100,946 violators for minimum public health standards (MPHS) (e.g. not wearing/improper wearing of facemask, face shield, mass gathering, non-observance of social/physical distancing, and RA 11332 otherwise known as the ‘Law on Reporting of Communicable Diseases’) while 40,705 violators were accosted in relation to the implementation of uniform curfew hours. “Moreover, a total of 8,312 were documented claiming to be authorized persons outside of residence or essential persons but were not able to show proof hence, were denied entry in Metro Manila. By average, a total of 9,998 ECQ violators were arrested each day for the past two weeks.”