Kalsada sa Pasig City, isinara dahil sa mahabang bitak

ni Ronalyn Seminiano Reonico | August 23, 2021

Isinara ang ilang bahagi ng Topaz Road, Bgy. San Antonio sa Ortigas District, Pasig City dahil sa tumambad na mga bitak sa kalsada noong Linggo.

Saad ng lokal na pamahalaan ng Bgy. San Antonio, “Bilang initial preventive measure, ating isinara ang Topaz Road at tinakpan ang lahat ng mga bitak upang hindi mapasukan ng tubig.

“Tayo’y naglagay ng caution lines at nag-deploy ng Barangay San Antonio Security Force upang siguradong mabantayan ang lugar.”

Magsasagawa na rin umano ng imbestigasyon at assessment sa insidente ang LGU, Pasig City Engineering Department, Pasig City DRRMO, utility providers, construction company, at mga building administrators.

Ayon pa sa LGU, “Nakipag-ugnayan na rin ang ating pamahalaang lungsod sa Civil Defense PH at Philippine Institute of Volcanology and Seismology (PHIVOLCS-DOST).”

SoKor, bibigyan ng 7.01M doses ng Moderna

ni Ronalyn Seminiano Reonico | August 23, 2021

Bibigyan ng 7.01 million doses ng bakuna kontra COVID-19 ng Moderna ang South Korea simula sa unang linggo ng Setyembre, ayon sa health ministry ng naturang bansa.

Inaasahang darating na sa Lunes ang 1.01 million doses ng Moderna sa Incheon Airport, South Korea, ayon sa ministry nito at ang natitirang 6 million ay paunti-unting isusuplay sa bansa.

Saad pa ni Second Vice Health Minister Kang Do-tae, "In response to our request to speed up and expand the vaccine supply, Moderna informed us that it will supply 7.01 million doses by the first week of September."

Samantala, noong Sabado, umabot na sa 50.4% ng populasyon ng South Korea ang nakatanggap ng unang dose ng bakuna at 22.5% naman ang fully vaccinated na laban sa COVID-19.

Nakapagtala rin ang South Korea ng 1,628 bagong kaso ng COVID-19 noong Sabado at sa kabuuang bilang ay umabot na ito sa 236,366. Pumalo na rin sa 2,215 ang death toll sa bansa.

Magsayo, wagi vs. Julio Ceja ng Mexico

ni Ronalyn Seminiano Reonico | August 22, 2021

Panalo via knockout ang Pinoy boxer na si Mark "Magnifico" Magsayo laban kay Julio Ceja ng Mexico sa featherweight match sa undercard ng Pacquiao vs. Ugas fight ngayong Linggo sa T-Mobile Arena sa Las Vegas.

Umabot sa round 10 ang sagupaang Magsayo at Ceja. Samantala, dahil sa pagkawagi ni Magsayo, umangat na sa 23-0 ang kanyang record na may 16 panalo sa pamamagitan ng knockouts.