13 Kanong sundalo, patay... Mga nambomba sa Kabul airport, ipinahahanap ni Biden

ni Ronalyn Seminiano Reonico | August 27, 2021

Ipinahahanap ni President Joe Biden ang mga nasa likod ng pag-atake sa Kabul airport sa Afghanistan noong Huwebes na naging dahilan ng pagkasawi ng ilang tropa ng United States.

Saad ni Biden, "We will not forgive, we will not forget. We will hunt you down and make you pay.”

Pinaniniwalaang ang ISIS group ang nasa likod ng naturang pambobomba sa airport.

Saad pa ni Biden, "I have also ordered my commanders to develop operational plans to strike ISIS-K assets, leadership and facilities. We will respond with force and precision at our time, at the place we choose and the moment of our choosing.”

Samantala, nangako si Biden na magpapatuloy pa rin ang evacuations sa mga nais umalis ng Afghanistan.

18 sugatan… 13 American troops, patay sa pambobomba sa Kabul

ni Ronalyn Seminiano Reonico | August 27, 2021

Labing-tatlong miyembro ng American troops ang nasawi sa suicide bombings sa Kabul airport kamakailan habang 18 ang sugatan, ayon sa US Defense Department.

Saad ni Central Command Spokesman Captain Bill Urban, "A thirteenth US service member has died from his wounds suffered as a result of the attack on Abbey Gate.”

Kabilang sa mga nasawi at sugatan ay miyembro ng US Marines, ayon kay Marine Corps Spokesman Major Jim Stenger.

Saad naman ni Stenger, "We mourn the loss of these Marines and pray for their families.

"Our Marines will continue the mission, carrying on our Corps' legacy of always standing ready to meet the challenges of every extraordinary task our Nation requires.”

Samantala, hindi pa inilalabas ang detalye tungkol sa naganap na pag-atake sa Kabul airport ngunit pinaniniwalaang ang Afghanistan branch ng Islamic State jihadist group ang nasa likod nito.

Ang Afghanistan ay kasalukuyang nasa ilalim ng pangunguna ng grupong Taliban at mahigpit na binabantayan ng mga awtoridad ang airport upang mailikas ang mga nais umalis ng bansa.

Ayon kay Commander of the US Central Command General Kenneth McKenzie, kailangan nilang higpitan ang pagbabantay sa airport upang ma-examine muna ang mga evacuees at malaman kung mayroon silang sapat na mga dokumento katulad ng travel papers bago mailikas.

Saad pa ni McKenzie, "We have to check people before they get onto the airfield.

"We can't do that with standoff. You ultimately have to get very close to that person.”

Kasama sa 116 positive… Ricardo Jalad ng NDRRMC, positibo sa COVID-19

ni Ronalyn Seminiano Reonico | August 27, 2021

Nagpositibo sa COVID-19 si National Disaster Risk Reduction and Management Council (NDRRMC) Executive Director Ricardo Jalad, ayon kay Spokesperson Mark Timbal ngayong Biyernes.

Aniya, mild ang nararanasang mga sintomas ni Jalad at maayos naman umano ang lagay nito.

Saad pa ni Timbal, “Usec. Jalad po tested positive kahapon [Thursday] and is part of the 116 [staff ng Office of Civil Defense na nagpositibo].

“He has mild symptoms and is currently in isolation. He is fully vaccinated and [he] informed me that he's alright.”

Aniya, ito ang unang pagkakataon na marami sa OCD Central ang tinamaan ng COVID-19 kaya pansamantalang isasara ang gusali para makapagsagawa ng disinfection ngunit nilinaw din ni Timbal na tuloy pa rin ang serbisyo ng NDRRMC.

Nakatakda na rin umanong isailalim sa COVID-19 test ang mga may close contact sa mga empleyado ng OCD kabilang na ang pamilya ng mga ito.