‘Pag nakapaglabas si Zaldy Co ng resibo na ‘masterminds’ sa flood control scam sina PBBM at Romualdez, Marcos admin, lagot!

ni Pablo Hernandez @Prangkahan | November 15, 2025

MATATAPOS NA ANG MARCOS ADMIN, KAPAG NAKAPAGLABAS SI ZALDY CO NG MGA RESIBO NA ANG MAGPINSANG PBBM AT ROMUALDEZ ANG ‘MASTERMINDS’ SA FLOOD CONTROL PROJECTS SCAM -- Sa inilabas niyang video, isinangkot ni former Cong. Zaldy Co sina Pres. Bongbong Marcos at Rep. Martin Romualdez sa flood control projects scam, na aniya ay may mga ebidensya at resibo raw siyang pinanghahawakan laban sa magpinsang ito.

Naku, kapag may nailabas ngang mga ebidensya at resibo si Zaldy Co laban sa magpinsang PBBM at Romualdez, malamang diyan na matatapos at babagsak ang Marcos administration, abangan!

XXX

MALAMANG SAKIT-ULO NA SI SEN. ESCUDERO, DAHIL KAPAG NAPATUNAYANG GUILTY SA MGA ALEGASYON, TANGGAL NA SA PAGKA-SENADOR, KULONG PA SIYA -- Tatlong sakit-ulo ang inabot kahapon ni Sen. Chiz Escudero. Una, sa Senate Blue Ribbon Committee ay dinikdik siya nang husto ni former Dept. of Public Works and Highways (DPWH) Usec. Roberto Bernardo sa pagtanggap ng 20% kickback sa mga flood control projects. Pangalawa, sinampahan siya ni Atty. Marvin Aceron ng mga kasong graft, malversation, falsification of public documents at gross misconduct noong gobernador pa siya ng Sorsogon; at pangatlo, sinampahan din siya ng grupo ni Atty. Jesus Falcis sa Comelec ng paglabag niya sa Omnibus Election Code kaugnay sa pagtanggap niya ng P30 million campaign fund sa kontraktor na si Lawrence Lubiano.

Sakit-ulo talaga ang abutin ni Sen. Escudero dahil kapag napatunayan na guilty siya sa lahat ng alegasyon na iyan laban sa kanya, tanggal na siya sa pagka-senador, kulong pa siya, period!

XXX

GRACE POE IDINAWIT NA RIN SA FLOOD CONTROL KICKBACK KAYA KUNG NAGKATAONG BUHAY PA SINA FPJ AT SUSAN ROCES MALAMANG SERMON ANG ABUTIN SA THE KING AT THE QUEEN -- Sa nakaraang hearing ng Senate Blue Ribbon Committee ay idinawit na nina former DPWH Usec. Bernardo, former DPWH-Bulacan 1st District Officials Henry Alcantara, Brice Hernandez at JP Mendoza sa flood control projects sina Sen. Jinggoy Estrada, Sen. Joel Villanueva, Sen. Escudero, former Sen. Nancy Binay at former Sen. Bong Revilla, pero kahapon ay idinagdag na ni Usec. Bernardo si former Sen. Grace Poe sa kickback sa flood control scandal.

Kung totoo nga na dawit sa anomalyang ito at nagkataong buhay pa ang parents niya na sina Fernando Poe, Jr. at Susan Roces, malamang sermon abutin niya sa The King and Queen ng Philippine cinema, boom!

XXX

DAHIL AYAW MAGLUBAY SA PAGPU-PROMOTE NG ONLINE GAMBLING, MALAMANG MGA VLOGGERS MAKULONG NG 6-TAON HANGGANG 20-TAON SA BILIBID -- Inirekomenda na ng Cybercrime Investigation and Coordinating Council (CICC) sa PNP-Anti-Cybercrime Group (ACG) na imbestigahan at kasuhan ang mga vloggers na kinabibilangan nina Whamos Cruz, Toni Fowler, Christian Grey at Nica Llamelo dahil ayaw maglubay ng mga ito sa pagpu-promote ng mga illegal online gambling sa social media.

Binalaan na noon ng CICC ang mga vloggers na tigilan na nila ang pagpu-promote ng mga online illegal gambling pero dahil sa ‘pagkagahaman’ sa perang kikitain ay hindi sila nagsipaglubay, at dahil isinumite na ng CICC ang mga nakalap nilang ebidensya sa PNP-ACG, at kapag napatunayan ng korte na sila (Cruz, Fowler, Grey at Llamelo) ay guilty, kulong sila mula 6-taon hanggang 20-taon sa Bilibid, period!

Mga kasabwat ng mag-asawang Discaya sa Customs, dapat pangalanan

ni Pablo Hernandez @Prangkahan | November 14, 2025

DAHIL SA PONENTE NI ASSOCIATE JUSTICE JHOSEP LOPEZ, PUWEDENG MAIPAGPALIBAN ULI ANG NAKATAKDANG BSKE SA NOV. 2, 2026 -- Ang naunang desisyon ng Supreme Court (SC) noong July 2023 na pinonente ni Associate Justice Antonio Kho na labag sa Konstitusyon ang pagpapaliban sa Barangay at Sangguniang Kabataan Elections (BSKE), ay nakontra sa bagong desisyon ng SC na pinonente naman ni Associate Justice Jhosep Lopez na nagsasaad na nasa kapangyarihan ng Kongreso ang ipagpaliban at magtakda ng termino sa mga barangay officials kung kaya’t kinatigan niya na ipagpaliban ang nakatakda sanang halalang pambarangay sa Dec. 1, 2025, at sa halip ay inaprubahan niya na sa November 2, 2026 na magaganap ang BSKE at ang mga magwawagi ay apat na taong manunungkulan sa posisyon.

Dahil nga ang desisyon ng SC na ang Kongreso lang ang may kapangyarihan na magpaliban at magtakda ng termino ng mga barangay officials, posible pa rin na ang nakatakdang BSKE sa November 2, 2026 ay maaaring hindi rin matuloy kung magkakaisa uli ang mga senador at kongresista na ipagpaliban ito at dagdagan ang termino ng mga barangay officials, kasi nga majority ng mga sen. at cong. ay parang ayaw nang magkaroon ng halalang pambarangay sa bansa, at napatunayan na iyan, on the record na maraming beses nilang ginawa na pagpapasa ng panukalang batas na nagpapaliban sa mga nakatandang BSKE sa ‘Pinas, period!

XXX

DAHIL FAKE NEWS PALA ANG STATEMENT RAW NI SC GESMUNDO, LUMALABAS NA HINDI PROTEKTADO SI SEN. DELA ROSA SA BAGONG EXTRADITION RULES NG KORTE SUPREMA -- Sinabi ng SC na fake news umano ang kumalat sa social media na kesyo sinabi raw ni SC Chief Justice Alexander Gesmundo na dahil sa bagong extradition rules ay hindi puwedeng dakpin at i-turnover sa International Criminal Court (ICC) si Sen. Ronald Dela Rosa hangga’t walang desisyon ang mga korte sa Pilipinas.

Dahil sa statement na iyan ng SC ay malamang mas lalong kinabahan si Dela Rosa dahil lumalabas na hindi pala siya protektado sa bagong extradition rules ng SC, boom!

XXX

SA KAPAPABIDA NI REP. BARZAGA SA SOCIAL MEDIA, MALAMANG KULONG SA BILIBID ANG ABUTIN NIYA -- Sinampahan na ng PNP-Criminal Investigation and Detection Group (CIDG) si Cavite 4th District Rep. Kiko Barzaga ng mga kasong inciting to sedition at rebellion.

Iyan ang napapala ng masyadong pabida sa social media, kasi kapag napatunayang

guilty si Rep. Barzaga, kulong siya sa Bilibid, period!

XXX

MGA KASABWAT NG MAG-ASAWANG DISCAYA SA CUSTOMS DAPAT HUBARAN NG MASKARA -- Sinabi ni Customs Comm. Ariel Nepomuceno na nasa 10 Customs officials daw ang naging kasabwat sa pagpapasok sa bansa ng mga smuggled luxury cars para sa mag-asawang Curlee at Sarah Discaya.

Dapat hubaran na ni Nepomuceno ng maskara ang 10 Customs officials na ito para makilala ng publiko ang mga kasabwat ng mag-asawang Discaya sa Adwana, boom!

Bonoan, kung gagayahin si Zaldy Co, malamang ‘mastermind’ sa flood control scam

ni Pablo Hernandez @Prangkahan | November 13, 2025

KUNG ITINULOY NI SEN. BONG GO ANG PAGTAKBONG PRESIDENTE NOONG 2022 AT NAGWAGI, ‘DI SANA NA-SCAM ANG P1.3T UMANONG FLOOD CONTROL PROJECTS, AT NAGAMIT ANG PERA NG BAYAN SA SERBISYO PARA SA MAMAMAYAN -- Sa kuwentada ni Sen. Bong Go, ang na-scam ay P1.3 trillion flood control projects sa panahon ng Marcos administration mula year 2022 hanggang 2025, na ang halagang ito (P1.3T daw) ay puwede na sanang makapagpatayo ng 300K hanggang 600K classrooms, 60K evacuation centers, 80K health centers at 800 tertiary hospitals.

Sayang, kung itinuloy lang sana ni Sen. Bong Go ang pagtakbo niya noong 2022 election matapos na iendorso ni former Pres. Rodrigo Roa Duterte (FPRRD) ang kanyang kandidatura for president at siya ang pinalad na nagwagi at naging pangulo ng Pilipinas, hindi sana na-scam ng mga kurakot na politician, Dept. of Public Works and Highways (DPWH) officials at mga kontraktor ang umano’y P1.3T pera ng bayan, na sana ay napunta ito sa mga pangangailangang serbisyo ng mamamayan. 

Ang problem lang noon, naobliga siyang (Bong Go) umatras sa laban sa 2022 presidential election dahil nga ayaw ng noo’y Davao City Mayor Sara Duterte-Carpio na kumalas sa pakikipag-tandem sa private citizen noon na si Bongbong Marcos, kaya nang manalo ito (PBBM) sa pagka-presidente, sa nakalipas lang na tatlong taon ng Marcos administration, ang kaban na ito ng bayan (P1.3T daw) ay napunta sa bulsa ng mga “buwaya” sa pamahalaan, kasabwat ang mga “sindikatong” construction firms, tsk!

XXX

MATIGAS ANG ULO NI VP SARA, AYAW SUMUNOD SA AMA, AT ANG KATIGASAN NA ‘YAN ANG NAGING DAHILAN KAYA NAGING PRESIDENTE SI PBBM -- Kung hindi lang naging matigas ang ulo ng noo’y Davao City Mayor Sara Duterte at sinunod niya ang kagustuhan ng ama (FPRRD) na huwag makipag-tandem kay PBBM, at pagka-presidente ang takbuhan niya (Sara) at gawing ka-tandem sa pagka-VP si Sen. Bong Go noong 2022 election, hindi sana nakulong sa International Criminal Court (ICC) jail ang ex-president, hindi sana nabibiktima ng political persecutions ang pamilya Duterte, at wala rin sanang naganap na flood control projects scam.

Ang nais nating ipunto rito ay walang iba na puwedeng sisihin kung bakit naging presidente si PBBM kundi si VP Sara, period!

XXX

‘WEAK LEADER’ SI PBBM KAYA MAY NAGANAP NA P1.3T DAW NA PANG-I-SCAM SA FLOOD CONTROL PROJECTS -- Kung totoo man ang sinasabi ni Presidential Communications Office (PCO) Usec., spokesperson Claire Castro na walang kinalaman si Pres. Bongbong Marcos (PBBM) sa naganap na malawakang flood control projects scam sa bansa, lumalabas ngayon na true ang sinabi ni FPRRD na weak leader umano si PBBM.

Kasi kung hindi ‘weak leader’ si PBBM at may political will siya, sana ang P1.3T umanong kaban ng bayan na inilaan sa flood control projects ay hindi na-scam, boom!

XXX

KUNG TUTULARAN NI EX-DPWH SEC. BONOAN SI EX-CONG. ZALDY CO NA HINDI NA UUWI NG ‘PINAS, MALAMANG KABILANG SILA SA ‘MASTERMIND’ SA FLOOD CONTROL SCAM -- Matapos hilingin ng Independent Commission for Infrastructure (ICI) noong Nov. 4, 2025 kay Ombudsman Boying Remulla na isama na sa imbestigahan at sampahan ng kaso si former DPWH Sec. Manuel Bonoan, kamakalawa (Nov. 11, 2025) ay lumabas ito ng bansa patungong Amerika.

Kaya kapag si Bonoan ay ginaya na si former Cong. Zaldy Co na ayaw nang umuwi sa ‘Pinas, ibig sabihin niyan na silang dalawa ay kabilang sa mga arkitekto o ‘masterminds’ sa naganap na P1.3T umanong flood control projects scam sa bansa, period!