Senyales na uunlad at sasagana ang negosyo

ni Estrellia de Luna @Panaginip gabay ng buhay | January 4, 2024

Analisahin natin ang panaginip na ipinadala ni Lauro ng Bataan.

Dear Maestra,

Napanaginipan ko na uminom ako ng wine habang nakadungaw sa aming bintana, at Natanaw ko ‘yung kaibigan kong naglalakad sa kalsada na malungkot at para bang maysakit. 

Ano ang ibig sabihin ng panaginip ko?

Naghihintay,Lauro

Sa iyo, Lauro,

Ang ibig sabihin ng panaginip mo na nakadungaw ka sa bintana ay labis kang nag-aalala sa mga kaibigan mo. Iniisip mo na hindi sila tapat sa iyo at akala mo ay puro pagkukunwari lang ang kanilang ipinapakitang kabutihan sa iyo. Pero sa katunayan, mali ang iniisip mo, sila ay handang tulungan ka sa iyong mga pangangailangan.

Ang umiinom ka ng wine ay nagpapahiwatig ng kasaganahan at kaunlaran sa buhay.

Sasagana at uunlad na rin ang mga negosyo mo. Ang wine ay simbolo din ng magandang kalusugan at kaligayahan. Maliligtas ka sa anumang sakit o karamdaman, at lahat din ng mga alalahanin mo sa buhay ay matatapos na.

Samantala, ang natanaw mo ang friend mo sa kalsada na malungkot at para bang maysakit ay nangangahulugan na kailangan niya ang tulong mo. Lalapit siya sa iyo upang humingi ng pabor. Huwag kang mag-atubili, at tulungan mo siya sa abot ng iyong makakaya. Tandaan mo, ang taong mapagmahal sa kapwa ay pinagpapala.

Matapat na sumasaiyo,Maestra Estrellia de Luna

Tanda na magiging mayaman

ni Estrellia de Luna @Panaginip gabay ng buhay | January 3, 2024

Analisahin natin ang panaginip na ipinadala ni Teresa ng Pasig.

Dear Maestra,

Napanaginipan ko na ang payat-payat ko at para bang kulang sa sustansya ang aking katawan. 

Payo ng best friend ko, dapat uminom daw ako ng maraming tubig, malaki umano ang maitutulong sa katawan ko kung marami akong iinuming tubig.

Dapat daw ay 8 glasses o higit pa ang iinumin ko araw-araw, at sinunod ko naman ang payo niya. 

Ano ang ibig sabihin ng panaginip ko?

Naghihintay,

Teresa

Sa iyo, Teresa,

Napanaginipan mo na ang payat-payat mo at para bang kulang ka sa sustansya, ito ay pahiwatig na magiging maganda ang kapalaran mo sa darating na mga araw, at magtatagumpay ka sa lahat ng iyong binabalak.

Ang sinunod mo ang payo ng best friend mo na dapat kang uminom ng maraming tubig ay gaganda ang kapalaran mo, susuwertehin at sasagana rin ang iyong buhay. 

Samantala, ang 8 glasses of water ay nagpapahiwatig na makakamit mo rin lahat ng iyong pinapangarap. Kung emotional side naman ang pag-uusapan, ito rin ay senyales na maraming kang trials na pagdaraanan sa unang bahagi ng iyong buhay, ngunit malalagpasan mo rin ito. Magiging isa ka rin sa pinakamayamang tao sa lugar n’yo.

Matapat na sumasaiyo,

Maestra Estrellia de Luna

Sign na yayaman at sisikat

ni Estrellia de Luna @Panaginip gabay ng buhay | December 30, 2023

Analisahin natin ang panaginip na ipinadala ni Lorry ng Masbate.

Dear Maestra,

Napanaginipan ko na nagluluksa kami dahil sa biglaang pagkamatay ng daddy ko. Iyak ako nang iyak dahil ako ang favorite daughter niya. Nang ilibing siya, hindi lahat nakaitim gaya ng nakaugalian ng pamilya namin tuwing may patay, at karamihan sa kanila ay nakaputi.

Ano ang ibig sabihin ng panaginip ko?

Naghihintay,Lorry

Sa iyo, Lorry,

Ang napanaginipan mo na nagluluksa kayo dahil sa pagkamatay ng daddy mo, ito ay nangangahulugan na lahat ng magagandang bagay na minimithi mo ay mapapasaiyo.

Gaya ng kayamanan, katanyagan at mabuting kalusugan. Magsaya at magalak ka dahil paparating na ang suwerte mo.Ang iyak ka nang iyak dahil ikaw ang paboritong anak ng daddy mo ay nagpapahiwatig ng kaligayahan sa piling ng mga mahal mo sa buhay. Ito rin ay senyales na lahat ng problemang gumugulo sa isip mo ay magkakaroon na ng kalutasan. Dahil dyan, iimbitahan mo ang mga kaibigan mo upang makisaya sa isang masaganang salu-salo na ihahanda mo.Samantala, ang kulay itim na suot ng mga nakipaglibing ay sign ng kaligayahan. Ang puti naman ay nagpapahiwatig na gusto mo nang magpahinga dahil pagod na pagod ka na. Ito rin ay tanda na may busilak kang kalooban at minsan ay sumagi na sa iyong isipan na maglingkod sa simbahan.

Matapat na sumasaiyo,

Maestra Estrellia de Luna