Tips para maka-survive kahit hindi kumain

ni Nympha Miano-Ang - @Life and Style | September 29, 2020

May mga tao sa mundong ito na kayang mabuhay nang walang pagkain. Ang iba sabi nila ay nabuhay nang isang beses lang kumain sa isang araw. Sila ay mga taong tinatawag na “Breatharians” dahil parang ang mahalaga lang sa kanila ay nakakahinga at sa hangin kumukuha ng lakas. Kung gusto mo itong subukan para magkaroon ka ng tsansa na maka-survive sa anumang delubyong darating, heto ang mga dapat mong gawin upang mabuhay nang walang makain.

1. Ngayon pa lang simulan mo nang limitahan ang pagkain, unti-unti mo itong gawin, matinding konsentrasyon ang kailangan dito. Huwag magplanong ihinto ang pagkain nang biglaan dahil hindi ito epektibo. Kailangan pa rin ito ng iyong katawan ng panahon para makagamay sa paggamit ng cosmic energy sa halip na hanapin ang pagkain.

2. Maging vegetarian ka muna bago mo ayawan ang kumain. Sila ang mga taong hindi na kakain ng anumang karne, keso, gatas o itlog.

3. Isipin na mahaba-haba ring panahon ang kailangan para sumuko sa pagkain nang tuluy-tuloy. Sadya kasing dumarating ang oras na takaw na takaw ka. Wala namang pumupuwersa sa’yo na gawin ito, sumige ka lang at kumain kahit na kaunti lamang. Maaaring sinasabi ng iyong katawan na kailangan nito ng higit pang panahon para makagamay.

4. Gamayan muna ang pakiramdam habang nasa proseso ka ng ilang linggo o buwan nang walang pagkain. Magpa-medical check up para malaman mo kung malusog ka pa.

5. Pagpasyahan kung gusto mong isuko ang tubig kung kaya pang pahabain ang panahon nang walang pagkain. Iyong mga walang tubig ay sinasabing nakakakuha ng tubig mula sa kanilang baga mula sa hangin na kanilang hinihingahan.

6.Wala namang katibayan na puwede kang mabuhay nang walang pagkain at tubig sa mahabang panahon. Kung susubukan mo ito, pinapahamak mo lang ang iyong buhay. Konsiderahin mo na lang ang artikulo na ito na isang uri ng impormasyon. Hindi naman inirerekomenda na sumubok kang mabuhay nang walang pagkain at tubig. Ang pagkagutom at dehydration ay puwedeng maging sanhi ng shock, permanenteng pagkainutil at kamatayan.

Ano ba ang good manners sa paggamit ng social media

ni Nympha Miano-Ang - @Life and Style | September 28, 2020

Habang nasa social media ka kung minsan ang tao ay nakakalimutan ang ugali na kailangan. Nagpo-post sila ng mga kakaiba at sobrang masasakit na komento sa araw-araw.

1. Umayos ka gaya ng ginagawa mo sa totoong buhay.

Sa totoong buhay, marami ang sumusunod sa rules at ayaw na makasakit sa damdamin ng ibang tao. Gayunman, para sa iba ay parang nawawala ang rules pagdating sa cyberspace dahil sa kakulangan ng konsekuwensiya. Pero ang mainam na manners sa social media ay tulad din sa isang tunay na buhay. Ang kakulangan sa konsekuwensiya ay hindi dapat na huminto mula sa pag-uugali ng pagiging level headed at nasa ayos ka.

2. Respetuhin ang oras ng ibang tao.

Ang tamang ugali sa social media ay dapat respetuhin ang oras ng ibang tao. Huwag lagyan ng spam websites ang inboxes ng iba. Kung magpapadala ng dose-dosenang kopya ng pare-parehong mensahe, sinasayang mo ang oras ng tao dahil babasahin niya isa-isa ito at buburahin. Bilang dagdag, huwag nang padala ng junk, spam o iba pang nonsense na alam mong ayaw makita ng isang tao. Kung pinagtitiwalaan ka ng tao na mabuksan ang kanyang email address, huwag mong abusuhin ang tiwala na iyon.

3. Maging mapagpatawad.

Maging mapagpatawad sa ibang tao sa cyberspace. Hindi naman makokontrol ang mga taong adik sa internet. Kaya kung may nagkamali man, kailangan mong magpatawad at tapat na ituwid sila. Bilang dagdag, ituwid mo lang ang isang tao sa pribadong pagpapadala ng mensahe. Huwag mo nang i-post ang pagkakamali ng iba sa public forum. Dinadaan mo sa kahihiyan ang tao at kabastusan ito sa ganitong pagtawag mo sa naturang tao.

Ang isa pang ehemplo na kailangang maging mapagpatawad ay ang mga website errors o incorrect links. Kung minsan ang websites ay hindi umuubra sa paraan na kailangan. Hindi iyan ang dahilan para mag-send ng webmaster hate mail. Mahinahon at konstruktibong mag-email sa webmaster hinggil sa problema at magbigay ng impormasyon hangga’t kaya mo.

4. Gumamit ng tamang Ingles.

Ayon sa "Etiquette and Manners for the Contemporary Woman" website, kapag magtitipa ng mensahe sa social media, kinokonsiderang good manners ang paggamit ng tamang Ingles. Gumamit ng tamang sentence structure, grammar at spelling para mas madaling mabasa at maunawaan ang inyong impormasyon. Huwag ding magsusulat ng all capitals, na para bang sumisigaw ka o lahat ay lowercase letters, dahil mukha ka namang tamad sumulat.

Gumamit ng tamang capitalization para maipakita na may oras ka at diskarte sa iyong pagsusulat.

Paano mare-relaks matapos makarinig ng masamang balita

ni Nympha Miano-Ang - @Life and Style | September 27, 2020

Kung tulad ka ng maraming tao, ang malampasan ang stress ay napakahirap. May mga karanasan sa buhay na nakaka-stress at hindi maiiwasan. Ang paraan para makalampas sa stress ay kung paano babalansehin ang stress at matapos mag-relaks matapos na marinig ang stressful news. Ang paghahanap ng paraan para maiwasan ang stress ay mahalaga sa pangkabuuan mong pisikal na kalusugan. Heto ang ilang hakbangin para matulungan ka na marelaks matapos makarinig ng masamang balita.

1. Magdahan-dahan na huminga ng malalim. Habang pigil ang iyong hininga at mababaw lamang ang paghinga ay masama iyan sa iyong kidney at maaaring maging dahilan ng hypertension. Habang mabagal pero malalim ang mga paghinga, nare-relaks nito ang iyong mga ugat at napapakalma nito ang iyong sympathetic nervous system.

2. Mag-ehersisyo. Ang relaxation exercise ay mahalaga na mapawi ang stress na humihigpit mula sa iyong balikat, leeg, iba pang masel at pagsakit ng ulo.

3. Tumawa, ang araw-araw na pagtawa ay nakatutulong sa iyong isipan at makarerelaks sa iyong isipan. Masosorpresa ka kung gaano ka ka-relaks matapos makapanood ng nakatatawang palabas at makinig sa mga biruan ng iba.

4. Kumain ng isang bagay na gusto mo pero hindi mo normal na kinakain. Halimbawa, iyang napakasarap na piraso ng chocolate cake o kaya ay banana split ay para mas gumanda ang iyong pakiramdam.

5. Mag-relaks sa isang bath tub o batyang may maligamgam na tubig. Habang nagwa-warm bath ka, magpatugtog ng nakarerelaks ng musika at habang nakahiga, ipikit ang mga mata at makinig sa musika.

6. Bumangon at simulan nang kumilos. Maglakad at makinig sa mga huni ng ibon, enjoy ang pagtingin sa mga ulap, amuyin ang mababangong mga bulaklak, hayaang maarawan ka sa mukha at pinakamahalaga sa lahat kausapin ang Diyos na makapangyarihan sa lahat.