6 tips para 'di tamarin sa gawaing-bahay

ni Nympha Miano-Ang - @Life and Style | April 24, 2021

Nasa quarantine period tayo at marami ang work-from-home at marami rin ang napirmi na lamang sa bahay, nawalan ng trabaho o naging caretaker. Paano kung hindi mo nakasanayan ang maglinis ng bahay, naku napakahirap nitong gawin at napakaraming dapat ayusin, lalo na kung iniisip mo kung paano ka magsisimulang kumilos. Heto ang ilang tips para hindi ka tamarin at mamotiba na tumayo, gamitin ang mga kamay, paa at tuhod, anumang parte na kailangan ng katawan para matapos ang gawaing-bahay.

1. Ipasilip sa kapitbahay para makita ng iba at masaksihan nila kung paano ka maglinis ng iyong sariling mga kalat, iyan ay isang mainam na paraan para mamotiba ang sarili na maglinis ng bahay.

2. Tumingin sa mga larawan sa social media ng bahay na malinis at maayos, sa magasin, sa television home shows para mas mainspira ka na dapat magkaroon ka rin ng kaparis nilang bahay na masinop at organisado.

3. Humingi ng tulong sa kasambahay sa paglilinis. Ang magkaroon ng kasamang maglilinis ng bahay o ang may kasama sa bahay na masipag na maglinis ay nakahihikayat na maging masipag ka rin. Hindi lang sa nababawasan ang bigat ng iyong gawain sa paglilinis ng bahay, at least masaya kang may kasama kang naglilinis. Ang makita mong may katulong ka sa paglilinis ay isang mainam ding paraan upang kahit na mag-isa ka na lang na naglilinis ng bahay ay masasanay ka na sa ganitong gawain.

4. Isiping may malaking benepisyo ang paglilinis ng bahay dahil nae-ehersisyo rin ang iyong katawan.

5. Akala mo ang paglilinis ng bahay ay parang mahirap. Ang maganda ay hati-hatiin ang gawain sa buong maghapon. Magpahinga pagkaraan ng isang mabigat na ginawa at saka muling maglinis sa kabilang kuwarto matapos magpahinga. Kung hirap kang tapusin sa isang araw ang gawain, ipagpabukas na ang ibang gagawin. May iskedyul pa naman ng araw na maaaring maasikaso ang iba pang gawain. Kahit na umabot pa ng isang linggo bago matapos ang lahat ng gawaing bahay ay ayos lang, basta iskedyul na lamang ang trabaho.

6. Idiin sa sarili ‘Kaya Ko Ito’ attitude at kailangang magawa ko. Kung minsan kasi parang napapagod ka na kung iisipin pa lang na gawin at wala kang sigla para umpisahan. Sa halip na isiping para kang mahihirapan, palitan ang iniisip at gawin ito. Just do it ika nga. Ibigay mo na ang iyong lakas at tsansa para maging malinis at maayos ang loob ng bahay. Mas masarap kasi sa pakiramdam at maginhawang tingnan kapag nakita mong maayos na ang lahat. Kapag tapos ka na, makikita mo ang maayos na resulta. Matutuwa ka dahil nagawa mo nang tagumpay ang paglilinis at pag-oorganisa.

Tips para magkaroon ng kaalaman ang bata sa mga current events sa bansa o mundo

ni Nympha Miano-Ang - @Life and Style | April 23, 2021

Maaaring gusto na talaga ng bata na humusay sa current events dahil sa ito ang madalas niyang problema tuwing may class discussions sila sa subject na iyon. Heto kung paano matutulungan ang anak hinggil sa current events at magkaroon ng malawak na kaalaman hinggil sa world events.

1. Sabihin sa kanya na ang isang balita ay iyong walang halong mga nagigimbal na larawan o bayolenteng mga eksena. Ang mga pampublikong programa sa telebisyon, sa social media man o pahayagan ay iyong mga tipo na angkop para sa mga bata na panoorin, hindi peligrosong basahin at hindi nakaka-shock at nakasisira ng kaisipan ng isang bata.

2. Ipaliwanag sa regular na paraan ang current events sa bata. Palagiang mahalaga na matulungan ang bata na isipin ang hinggil sa mga istorya na kanilang naririnig. Magtanong ng maraming bagay gaya ng: a. Ano ba ang naiisip mo hinggil sa naturang pangyayari? b.Bakit ito nangyari? c.Paano mo ba naisip na ito ay nangyari? Ang pagtatanong ng ganito ay nakahihikayat sa anumang talakayan ninyong dalawa ang tungkol sa nangyari bagamat hindi man hinggil sa balita ang paksa ng inyong pag-uusap.

3. Ilagay ang news stories sa tamang pagkakataon. Upang matulungan ang bata na magkaroon ng kabuluhan ang kanyang mga naririnig, ipakita sa kanya na ang isang pangyayari ay puwedeng may kaugnayan sa iba pang bagay at sikaping maipaliwanag nang mabuti sa kanya, ayon sa abot ng iyong pagkakaunawa sa balita.

4. Manood ng balita na kasama ang bata sa lahat ng oras at sikapin mong salain ang mga kuwento na angkop lang sa kanyang nauunawaan at malayo sa kanyang katatakutan.

5. Magkaroon ng gabay kung nararapat at iwasang ipakita ang mga palabas na hindi angkop para sa edad ng isang bata o antas ng kanyang paglago.

6. Kung dama mo na hindi ka komportable sa nilalaman ng balita o hindi ito ayon sa antas ng bata, i-off na ito.

7. Pag-usapan lamang ang magagawa para umasiste. Sa ilang kaso gaya ng mga nagaganap na kalamidad, magkakaroon ang bata ng kontrol at higit na dama niya ang seguridad lalo na kung hahanap ka ng ibang paraan upang makatulong sa mga taong apektado.

Tips para sumaya at mahalin ang sarili kung na-bully

ni Nympha Miano-Ang - @Life and Style | April 22, 2021

Ang paghahanap ng sariling kaligayahan ay nagsisimula at nagtatapos din sa sariling paraan. Pero nahaharap ka sa matinding pang-iinsulto at binu-bully ka, basahin at alamin kung paano magkaroon ng higit pang maligayang buhay.

MAKINIG SA MGA NANG-AAPI. Kung maliit na bagay lang ang iyong narinig tulad ng, “Ngii, hindi bagay sa iyo ang kulay na iyan,” o isa namang marahas na komento na gaya ng, “Ang tamad mo naman!” Ang ganito kaliliit na komento ay parang isang lamok na kumagat sa braso mo, kailangan silang iwasan pero ang mga marahas na komento kahit na maliit ay kailangan mong magbago o mag-adjust sa sarili.

1. TANUNGIN ANG SARILI KUNG ANG MARAHAS NA KOMENTO AY TOTOO. "Tamad ba talaga ako?” Kung alam mo na agad ang sagot, huwag nang pansinin ang komento (maliban na lang kung paulit-ulit, at isa pa ay iwasan na ang naturang tao, kausapin siya hinggil dito o sabihin sa boss o teacher kung kailangan).

2. TANUNGIN ANG ISANG MAPAGKAKATIWALAANG KAIBIGAN KUNG INIISIP NILA NA ANG KOMENTO AY TOTOO, O TANUNGIN NANG DIRETSAHAN ANG TAO KUNG TOTOO ANG SINABI NIYA AT BAKIT NIYA NASABI IYON. Ang isang mabuting kaibigan ay konstruktibo at nakatutulong hangga’t kaya nila. AYUSIN NA AGAD ITO KUNG INIISIP MO NA INIINSULTO KA NG TAO. Walang taong perpekto, pero ang pagiging aktibo ay tiyak na mag-iibayo sa lahat ng aspeto ng iyong sarili. Sobrang mahina? Ayusin ang sariil. Humugot ng lakas ng loob o magsanay na magsalita sa harap ng publiko. Mataba? Ngayon ka na magsimulang magdiyeta at mag-ehersisyo. Hindi mo kailangang gawin ito nang sapilitan pero sa maliliit na bagay lang nagsisimula ang pambu-bully o pang-aapi ng iba at maaari mo nang maipag-ibayo nang buung-buo ang sarili maging ang iyong ugali.

3. MATUTONG DEDMAHIN ANG MGA WALANG KUWENTANG KOMENTO. Ang kanilang opinyon na para lang makasakit ng damdamin at hindi naman lahat totoo. Tandaan na ang mga taong madalas na uminsulto ay dahil sa galit, inggit o selos nila. Ang ilang tao ay sadyang ipinanganak nang masakit kung magsalita. Pero anupaman ang iba pa niyang sasabihin ay dapat na lamang na kalimutan.

4. TAWANAN NA LAMANG ANG LAHAT. Hindi naman isang malaking bagay ito, hindi mo na dapat pang seryosohin ang isyu. Pero tandaan, ang pagtawa sa isang bagay na nakasasakit sa iyong tiwala sa sarili ay hindi dapat. Nagbibigay lamang ito sa pakiramdam ng iba na malaya nila itong magagawa nang palagian sa iyo. Kailangang harapin siya paminsan-minsan.

5. ALAMIN kung ano ka at kung ano ang iyong gusto. Kung ikaw ay komportable sa sarili mong balat, ang pagmamahal sa sarili ay natural nang nangyayari.

6. GUMAWA ng listahan ng mga bagay kung saan ka magaling o anong gusto hinggil sa sarili. Halimbawa, “May maganda akong ngiti” o “Ako ay magaling na manlalangoy.” Ang magkaroon ng listahan ng magagandang kalidad ay para maipadama sa sarili ang kahalagahan.

7. Kailangang maglaan ng maraming oras na mag-isa para makilala ang sarili. Tanungin ang sarili, “Ano ba ang aking gusto?” Anong bagay ang nagpapasaya sa akin?” Ano ang hindi ko gusto?” "Ano ba ang handa kong gawin upang mapanatag ang sarili?” Ang pagsulat sa isang notebook ay inirerekomenda.

8. Kapag alam mo na kung sino ka, at kung ano ang iyong gusto, masisimulan mong makaakit ng ng mga taong magugustuhan ka. "Birds of a feather flock together" ay HINDI lamang isang kasabihan, totoo na iyan.

9. Ang pagkakaroon ng mapagsuportang kaibigan ay makatutulong upang ‘di na mapansin ang malilit na bagay.

10. Tandaang magsisimula ang lahat ito kapag sinusuri muna ang sarili at magustuhan na ito. Hanggang sa magawa na adjustment, huwag magtaka kung marami na ang maaakit sa iyo.

11. Good luck sa masayang daan na tatahakin.

12. LAGING TANDAAN AT HUWAG NA HUWAG KALIMUTAN NA IKAW AY ISANG MAGANDANG NILALANG. ISANG MABUTING TAO AT MAY LUGAR SA MUNDONG ITO AT WALANG SINUMAN ANG HUHUSGA SA IYO.