ni Nitz Miralles @Bida | June 3, 2025
Photo: Vincent Co at Bea - IG Circulated
Nakakatuwa ang mga netizens dahil nasa likuran sina Bea Alonzo at Vincent Co sa lumabas na photo, mukha lang ng dalawa ang kanilang nakita, pero sila na ang nag-interpret sa puwesto ng love birds.
Dahil nakita ang kamay ni Vincent sa balikat ni Bea, tiyak daw na nakaakbay ito sa aktres. Sure raw na naka-hug si Vincent kay Bea at marami ang kinilig sa ini-imagine nilang back hug ni Vincent.
Pinuri rin ng mga netizens na may effort si Vincent to meet Bea’s friends dahil birthday pala ‘yun ng road manager ng aktres. Hindi raw nagpupunta sa public spaces si Vincent, hindi mahilig sa party, pero dahil kay Bea, nagpapaka-public na siya nang slight.
Pinansin din ang kakaibang kislap ng mga mata ni Bea at magandang ngiti, patunay daw na masaya ito sa estado ng love life niya ngayon. Masaya ang mga fans, hindi na raw single, kundi ‘in a relationship’ na ang status ng aktres.
ANG post ni Claudine Barretto sa Instagram (IG) patungkol sa mga gustong mag-adopt, willing siyang tumulong sa couple na gustong mag-adopt nang legal at hindi ‘yung idinadaan lang sa social media.
In bold letters ang post ni Claudine, kaya magaan at mabilis basahin.
Sey nito, “I was browsing my FB and stumbled across I think parents who are willing to give up their children for adoption, I am not sure if it is legit. ‘Wag naman kayo magloko if hindi kayo serious kasi I’m willing to help the parents sa legal na process through DSWD. Thank you & God bless. PM (private message) me if you need help.”
Ang daming sumagot sa post na ‘yun ni Claudine, marami ang gustong mag-adopt, hindi lang nila alam ang tamang proseso. Ngayon, sa tulong ni Claudine, magiging madali na sa kanila kung paano makakapag-adopt.
Pinuri si Claudine ng mga netizens by adopting 3 beautiful children na malalaki na at single parent pa siya niyan. Given the chance, siguradong gugustuhin pa rin ni Claudine na mag-adopt at hindi siya hihindian dahil maayos ang mga bata na nasa kanyang pag-aalaga.
Samantala, nagkita na naman sina Claudine at Katrina Paula at may isine-celebrate. May binanggit na mayor si Claudine na nanalo raw at ‘yun ang selebrasyon nila.
ANG mga viewers na ng Pinoy Big Brother (PBB) Celebrity Collab Edition ang nagsabing the best houseguest sa Bahay ni Kuya si Bianca Umali.
Dahil dito, siya raw ang may pinakamaraming ambag habang nasa loob ng Bahay ni Kuya at may pinakamaraming natutunan sa kanya ang mga housemates at ang viewers.
Ilang linggo nang nakalabas sa PBB house si Bianca, pero hanggang ngayon, usap-
usapan pa rin siya at siya ang naging benchmark sa mga naging houseguests. Sana raw, kung may susunod pa kay Jane de Leon na magiging houseguest, kagaya ni Bianca.
Nagustuhan din ng mga viewers ang pagse-share ni Bianca ng story of her life at marami ang na-touched sa nai-share niya kung bakit kahit may mga kapatid siya, naiwan siyang mag-isa sa poder ng lola niya. Ang lola niya ang nagpalaki at nag-
alaga kay Bianca.
May mga kapatid si Bianca sa dad at sa mom niya at solong anak siya ng mga magulang. Sama-sama raw sila sa isang bahay, kaya lang, nang mamatay ang dad niya, umuwi ang mga kapatid niya sa ama sa mom nila. Nang mamatay ang mom niya, umuwi naman ang mga kapatid niya rito sa dad nila, kaya naiwan siyang mag-isa sa lola niya.
Anyway, nagpasalamat si Bianca sa positive feedback sa pagiging houseguest niya, “This is the most that I have ever felt love in my life from the outside world. All my life, from being an orphan to discovering life alone, I thought the only love I would ever have, deserved and will never lose was my Lola’s. I was content and whole. But now? Oh wow...”
May binanggit si Bianca na may mga naiyak.
Aniya, “This is a version of the love I thought I would never have... this is the love of my Mommy and my Daddy being showered upon me through all of you and words aren’t enough to express the state I am experiencing. This is surreal. I am over the moon...
“Salamat po, for having the time to listen to my story.”
Dahil sa Bahay ni Kuya, nakilala ng Kapamilya fans si Bianca at may iba sa kanila ang nangako na susuportahan ang Sang’gre ng aktres na June 16 na ang pilot. Gusto nilang mapanood si Bianca Umali sa labas ng PBB.
