Pati boobs, lumaki raw… SARAH, MUKHANG 3 MONTHS PREGGY SA LAKI NG TIYAN

ni Nitz Miralles @Bida | July 27, 2026

Photo: IG _justsarahg

Pinagtatalunan kung buntis ba si Sarah Geronimo o hindi. Dahil ito sa napansin ng mga fans sa latest photos nito na kasama ang asawang si Matteo Guidicelli na parang may baby bump siya. Pati nga raw puwit ni Sarah ay lumaki at pinansin din ang mabagal nitong paglalakad.

Kaya mababasa ang mga comments na, “HBD, SG (Happy birthday, Sarah Geronimo). Wow! Buntis ba s’ya? So happy for her,” “Mukha s’yang 3 months preggy here, pati ‘yung lakad, jusko! Kaka-pressure naman. Mommy Sarah G? Ang dream n’ya, dapat 32, eh, 38 na s’ya. ‘Kaloka! Pray na sana okay lang s’ya,” “Baka nga buntis s’ya. ‘Di s’ya tumuloy nu’ng Aurora Festival last May. Baka ‘yan ‘yung reason, buntis s’ya,” “OMG, teka lang! So happy for you, Sarah,” at ang nakakatuwang “Hala, nagka-chest na rin si ateh.” 

Ang ibig tukuyin ng mga fans, pati boobs ni Sarah ay lumaki na.

Kaya lang, may kumontra sa inakalang preggy ang misis ni Matteo at nag-comment ng “Maka-assume naman mga tao. Labo ng photo. But if she is, happy for her.” 

May nag-comment pa ng “‘Di ba puwedeng naparami lang ng food? Buntis agad,” at “Sorry to burst your bubble but she’s not preggy. Busy s’ya with her new album and concert soon.”

May pelikula pang gagawin si Sarah sa Viva Films at mukhang tuloy na ang reunion movie nila ni John Lloyd Cruz. Paalala pa ng ibang Sarah G. fans, hintayin ang announcement kung buntis nga siya para hindi mapahiya.

---

TINANGGAP ni Kim Atienza ang pagso-sorry ni Fr. Jowell Jomarsus P. Gatus na nag-comment ng “Ang daming taong may sakit sa ospital, lumalaban sa hamon ng buhay. Ikaw na pagkalusug-lusog, nade-depress.”

Sagot ni Kuya Kim na ipinost sa Facebook (FB), “Depression is a sickness, a medical condition. Ang taong may mental illness ay lumalaban sa hamon ng buhay at ayaw magpaospital dahil sa ganitong stigma, sa ganitong pag-iisip, Father.”

Mixed ang reaction ng mga nakabasa sa post ni Kuya Kim. May kumampi sa kanya at may kumampi rin kay Fr. Jomarsus. Maganda ang naging palitan ng point of view ng dalawang kampo at maraming matututunan ang mga nakabasa.

Later on, sinagot ni Fr. Jomarsus si Kuya Kim. Mahaba ang sagot niya, kaya inilagay na lang namin ang ilang parte ng kanyang post. Sa una pa lang, nag-sorry na ito.

Aniya, “I have been reflecting on the words I said in one of my homilies, and after learning that they caused you pain, I felt the need to write to you personally.

“From the bottom of my heart, I am truly sorry.

“It was never my intention to hurt you or your family, nor was it my intention to discredit the experiences of those who suffer from depression. I realize now that my words may have sounded as if I was diminishing a pain that is very real. For that, I sincerely ask for your forgiveness.”

Sagot ni Kuya Kim, “I am sorry as well that some took it personally because they themselves are depressed or have lost loved ones because of depression.

“I know you mean well. Take care, Father. All the best.”

Mabilis na naayos ang isyu at may dahilan ang reaksiyon ni Kuya Kim dahil ang bunso nila na si Emman Atienza ay nawala dahil sa depression.

---

MAY Instagram (IG) Story si Bea Alonzo na nasa harap siya ng balikbayan boxes at may caption na ‘Moving Day’. Sa tabi niya, makikita ang shelf na walang laman, pero hindi malinaw kung parte ba ng bahay niya iyon o opisina.

Ang malinaw ay naglilipat o nakalipat na ang aktres at gustong isipin ng mga fans nito na sa sariling bahay na nila ng asawang si Vincent Co. Request ng mga fans, mag-update si Bea kung nakalipat na siya at kung sa bahay man nila ni Vincent, sana raw ay magpasilip man lang siya ng ilang bahagi.

Busy si Bea, tinatapos ang taping ng drama-political series ng GMA na Whispers from Heaven (WFH) at busy din sa collab project nila ni Anne Curtis. Isa pang nagpapa-busy sa aktres ang bago niyang role bilang Mrs. Vincent Co. Curious ang fans nito kung paano siya bilang misis ni Vincent.

Anyway, may mga naghihintay din kung kailan magkikita-kita sina Bea at mga kaibigan para sa isang after-wedding party. Wala silang reception ni Vincent nang sila’y ikasal kaya hindi siya personal na na-congratulate ng mga kaibigan. Masaya raw sigurong magsama-sama sila nina Anne, Heart Evangelista, Dimples Romana at iba pang close sa kanya.

Aktor, habang may kargang bata… DONNY AT BELLE, PINE-PRESSURE NA GUMAWA NA NG BABY

ni Nitz Miralles @Bida | July 26, 2026

Photo: IG _belle_mariano

Nakakaaliw ang comment sa Instagram post ni Donny Pangilinan na karga ang pamangkin (anak ng sister niyang si Ella) at may caption na: “Tito is homeee” habang nakatitig siya sa baby.

Paano ka naman hindi maaaliw sa mga comments na “Cute ng baby ni Belle” na ang tinutukoy ay ang ka-love team ni Donny na si Belle Mariano? 

May comment pa na “Pauwi na si Mommy” na si Belle pa rin ang tinukoy. 

“Okayy! After 2 years, feel ko magpapakasal na kayo ni @belle_mariano, tapos magka-baby na kayo. Yieee! Chaaar!”

May comment pa na “Daddy Donato NEXT!” na para bang pine-pressure si Donny na mag-asawa para magka-baby na.  

May comment ding “Plot twist, kasama si Belinda sa bahay tapos siya kumuha ng pic.” 

At ang mas nakakatawa pa ay “Anak natin ‘yan Donny, sana maamin mo na sa mundo. Huhuhu!”    

‘Katuwaan lang naman ng mga fans nina Donny at Belle ang mga comments, hindi dahilan para magalit ang ibang fans sa fans na gusto nang magka-baby si Donny sa kanyang ka-love team.

Pero, tama ang nag-comment na paano raw ba magkaka-girlfriend si Donny at paano rin magkaka-boyfriend si Belle kung tutok sa kanila ang kanilang mga fans? 

Paano raw kung ma-in love sa iba ang dalawa at hindi sa isa’t isa?

‘Yan ang aabangan nating lahat. But for now, hayaan muna nating i-enjoy ni Donny ang pagiging tito sa una niyang pamangkin.

---

Piktyur, kumalat… 

BEA, LIPAT-BAHAY NA PARA MAKASAMA ANG MISTER NA SI VINCENT

BONGGA ang collaboration nina Anne Curtis at Bea Alonzo ng kani-kanyang ine-endorse na product. 

Anne with her BLK endorsement of make-up line and Bea with her Bash Manila products. 

Sa photos, makikitang nakalagay sa Bash pouch ang BLK make-up line. Kapag lumabas na sa market ang collab na ito, siguradong papatok.

Ang Bash Manila ay travel lifestyle essentials gaya ng luggages, bags, tote, packing cubes at ngayon, make-up pouch. Unexpected daw ang collab na ito at maganda kung sino ang nakaisip dahil mabilis tatanggapin sa market.

Speaking of Bea, mula nang ikasal kay Vincent Co, hindi pa uli sila nakitang magkasama in public. Nang manood sa PETA ang aktres, mga kaibigan ang kasama nito. 

Nagtatanong ang mga fans kung kailan uli makikitang magkasama ang mag-asawa.

Samantala, may kumalat ding picture ni Bea na napapalibutan ng mga boxes at mukhang handang-handa na ito sa paglilipat-bahay.

Hindi naman kataka-taka kung magsasama na sila sa bahay ni Vincent dahil mag-asawa na nga sila.

---

INIHALINTULAD ni Director Roman Perez, Jr. kay Amanda Page si Alecca Adarna, ang bida sa pelikula niyang Todo Kayod2.

Amanda Page raw ang datingan ng VMX star, mula sa mukha, tindig at aura. Pareho rin daw maputi, makinis at inglesera ang dalawa at isa ito sa mga mapapansin ng mga fans at subscribers ng VMX kapag napanood ang dalaga sa movie. 

Grateful si Alecca sa mga papuri ni Direk Roman at lalo raw siyang inspiradong magtrabaho kung ganitong malaki ang paniniwala sa kanya ng kanyang director. 

Pinasalamatan din nito ang mga nagiging co-stars sa VMX movies na nagawa na niya, very welcoming at mabilis siyang tinanggap.

Kuwento ni Alecca, matagal na siyang ine-encourage ng mga kaibigan na pasukin ang showbiz at ang sabi pa ng mga friends niya, bagay siya sa VMX dahil nga maputi, makinis at sexy. Ginawa nga ito ng dalaga at heto siya ngayon, magsasabog ng kaseksihan sa VMX.

Nabanggit nito na gusto rin niyang makatawid sa mainstream at alam na tutulungan siya ng Viva na matupad ang pangarap niyang ito. 

Sa ngayon, masaya siya sa mga ginagawa niya sa VMX and she’s willing to bare more.

Related kay Ellen Adarna si Alecca at taga-Cebu rin siya. Nakakatuwa na hindi niya ginagamit si Ellen para siya makilala at magkaroon ng more projects. 

Magsisipag daw siya para mas gumaling pa at para mas mabigyan ng more sexy projects sa VMX and later on, sa Viva Films.

Matapang daw, puring-puri ni Harry Roque… JOSHUA, AFTER MA-BASH SA PAGIGING DDS, TAMEME

ni Nitz Miralles @Bida | July 25, 2026

Photo: IG _garciajoshuae

Hindi lahat ay galit kay Joshua Garcia dahil DDS (Duterte diehard supporter) siya. May nag-thank you sa kanya, may pumuri at may nagpahayag ng patuloy na suporta sa kanya.

Mas naging active pa nga ang comment section ng Instagram (IG) niya dahil marami ang nag-comment, supporters and bashers alike.

Mga positive comments na, “Don’t mind the bashers. They were never your supporter anyway kung ganyan sila,” “You gained a new follower (smile emoji). Don’t mind the bashers na mga private profiles/dump accounts naman,” at “Mas maraming DDS, Joshua. Don’t worry,” ang mababasa. 

Ibig sabihin, may bumitaw man siyang fans, may mga pumalit naman.

Pati nga si Harry Roque, napa-comment din sa isyu ng aktor.

Sey niya, “Kakampinks, ‘wag na kayong ma-stress kay Joshua Garcia. In an industry where showing support to Inday Sara Duterte could invite cancellation, Joshua refuses to hide his political convictions. Daghang salamat, Joshua, for choosing integrity over manufactured image. Such conviction as yours is rare and such courage as yours, too, deserves respect.”

Ipinagtanggol din si Joshua nina Pokwang at Meryll Soriano nang mag-guest ang dalawa sa Fast Talk with Boy Abunda (FTWBA).

Ipinaalala ni Meryll na ang lahat ay may right to free expression, celebrity man o hindi.

“His social media is his platform at kung du’n s’ya naniniwala, kaya nga tayo may freedom of speech.

“We are free to express our own opinions and voices sa sarili nating platform. It just so happens na merong opinyon ang mamamayan, ang audiences natin,” pahayag ni Meryll.

Sabi naman ni Pokwang, “Nagkataon lang kasi na artista si Joshua, pero kapag ordinaryong tao ba ‘yan, papansinin mo ba? Nagkataon lang na artista s’ya. Karapatan n’ya ‘yun, hayaan natin s’ya.

“Marami akong kaibigan na magkaiba kami ng mga sinusuportahan. Nu’ng isang araw, kasama ko, nag-dinner kami. Wala kaming sumbatan.”

Nananatiling tahimik si Joshua Garcia sa isyung ibinabato sa kanya, na nakatulong para hindi na lumaki pa ang isyu.

---

SI Alden Richards ang host ng education special ng GMA Public Affairs na Rebuilding Broken Rooms (RBR) na ipapalabas ngayong Agosto.

Susuriin ng documentary ang current situation ng edukasyon sa bansa. Ipapakita ang mga challenges na hinaharap ng napakaimportanteng sektor ng lipunan.

Bibisita si Alden sa iba’t ibang lugar sa bansa at makikipagkita sa mga estudyanteng struggling with literacy and academic skills. 

Makikipag-usap din siya sa mga guro na patuloy na nagtuturo at gumagabay sa mga mag-aaral kahit humaharap sa matitinding challenges.

Bagay kay Alden ang mag-host ng documentary special about education dahil sa advocacy niya sa education. May AR Foundation siya na nagbibigay ng scholarship sa mga estudyanteng gustong makatapos ng pag-aaral pero walang kakayahan.

Ang objective ng docu, “More than presenting the realities faced by the education sector, Rebuilding Broken Rooms aims to raise public awareness and encourage collective action. Through the documentary, Alden calls on society, stakeholders, and policymakers to take meaningful, inclusive, and lasting steps toward educational reform.”

And speaking of Alden, magkakaroon ng exclusive screening ang series nila ni Nadine Lustre na Love, Siargao (LS) sa Sunday, July 26, 2026 sa Robinsons Galleria. The series is streaming on Viu at malapit na ring mapanood sa GMA-7.

Busy din si Alden sa taping ng medical series na Code Grey (CG) kung saan, sa unang pagkakataon, gaganap siyang doctor. Ipapalabas din ito sa GMA-7.