Ayuda sa mahihirap nating kababayan, larga!

ni Nancy Binay - @Be Nice Tayo | June 16, 2022

Sisimulan ng Department of Social Welfare and Development ang pagbibigay ng ayuda sa mga naghihirap na pamilya sa katapusan ng buwan ng Hunyo.

Ayon kay DSWD spokesperson Irene Dumlao, bago matapos ang buwan ay ibibigay ang financial aid na P500 sa tinatayang 12.4 million households sa buong bansa.

Dagdag pa niya, kasama sa mga makatatanggap ay mga 4Ps beneficiaries, social pension beneficiaries at iyong mga tumanggap ng unconditional cash transfer mula 2018 hanggang 2020.

Matatanggap ang nasabing ayuda sa loob ng anim na buwan at maaari itong ma-claim sa pamamagitan ng cash cards. Mahahanap naman ng mga beneficiary na walang cash card ang kanilang pangalan sa listahang ilalabas ng pamahalaan na naglalahad ng alternatibong paraan para makuha nila ang ayuda.

Ang naturang ayuda ay ipamimigay alinsunod sa direktiba ni Pangulong Rodrigo Duterte na mag-roll-out ng P500 monthly subsidy upang matulungan ang mahihirap na pamilya sa gitna ng epekto sa mga bilihin ng patuloy na pagtaas ng presyo ng langis.

Umaasa tayong sisiguruhin ng DSWD na malinis ang listahan ng mga benepisaryo at maiiwasan ang mga double entry, maging ang pagbilang sa mga taong hindi naman kuwalipikadong tumanggap ng ayuda.

Nawa’y sa lalong madaling panahon ay maipaabot natin sa ating mga kababayan ang tulong.

☻☻☻

Ibayong pag-iingat ang kailangan sa kabila ng pagtaas muli ng kaso ng COVID-19 sa bansa.

Nitong Linggo ay nagtala ang bansa ng 308 bagong kaso ng COVID-19, na siyang pinakamataas na bilang sa loob ng dalawang buwan.

Ayon sa Department of Health, bagama’t tumataas ang bilang ng kaso, hindi pa naman ito nagresulta sa mas mataas na hospitalization at intensive care unit utilization rates.

Patuloy nating obserbahan ang mga health protocols upang maiwasan ang pagkalat ng virus.

Hinihikayat din natin ang mga eligible na magpaturok ng booster shot para sa dagdag-proteksyon.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Mabuhay ang kalayaan, mabuhay ang Pilipinas

ni Nancy Binay - @Be Nice Tayo | June 12, 2022

Isang mainit na pagbati sa ating lahat sa ika-124 anibersaryo ng ating kalayaan!

Mahigit 100-taon na ang lumipas mula nang tayo ay tumindig at ipinaglaban ang ating mga karapatan.

Ngayon, tayo ay nahaharap sa mga hamon, lalo na sa ekonomiya, na susubok sa ating kakatagan bilang isang bansa.

Ngunit tayo ay nananalig na magiging tapat at nagkakaisa tayo sa ilalim ng ating bandila at Konstitusyon upang buong loob na harapin ang mga pagsubok na ito.

Nawa’y huwag nating sayangin ang mga sakripisyo ng ating mga ninuno at hayaang magkawatak-watak ang ating bansa.

Sa tulong at gabay ng Maykapal, umaasa tayong patuloy na mamamayagpag at magtatagumpay tungo sa mas maunlad, mapayapa at progresibong Pilipinas.

Mabuhay ang kalayaan! Mabuhay ang Pilipinas! Mabuhay tayong lahat!

☻☻☻

Bagama’t unti-unting niluluwagan ang mga paghihigpit na isinasagawa sa ating bansa dahil sa COVID pandemic, naniniwala ang inyong lingkod na hindi pa panahon upang tanggalin ang state of public health emergency ng Pilipinas.

Patuloy pa tayong nakadidiskubre ng subvariants ng Omicron COVID-19 variant, lalo pa at may ilang nagkasakit nito na wala namang record na umalis ng bansa.

Ayon pa sa health department, maaapektuhan din ng pag-aalis ng state of emergency ang ibinigay na emergency use authorization (EUA) sa mga bakuna at iba pang gamot na ginagamit laban sa COVID-19.

Ang mungkahi ng inyong lingkod ay pabilisin pang lalo ang pagbabakuna habang patuloy na sinusunod at ipinatutupad ang minimum public health standards.

Ito ay upang mapanatili natin o kaya’y umangat pa tayo sa COVID-19 Recovery Index ng Nikkei Asia, na kung saan ay nasa ika-33 na puwesto tayo mula sa 57th place noong Nobyembre 2021.

Ito rin ay upang maiwasan natin ang muling pagbulusok ng bilang ng mga kaso, lalo ngayong maraming lugar sa ating bansa ang nasa Alert Level 1 o ang pinakamaluwag na estado.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng mga kamay, bigyang-halaga ang kalusugan at huwag kalimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Aprub ang “flexi-work”

ni Nancy Binay - @Be Nice Tayo | June 10, 2022

Pinapayagan na ng Civil Service Commission ang “flexi-work” sa mga opisina ng pamahalaan kahit pagkatapos ng pandemya.

Ayon sa CSC Resolution No. 2200209 na ipinroklama noong May 18, pinapayagan ang mga opisina ng pamahalaan na magpatupad ng flexible work arrangement basta’t masigurong patuloy na nakapagbibigay ng serbisyo mula alas-8: 00 ng umaga hanggang alas-5: 00 ng hapon.

Sinabi ng CSC na magkakabisa ang flexi-work sa June 15, o 15 araw mula publikasyon ng resolusyon nitong May 31.

Nasa 1.7 milyong government employee ang maaapektuhan ng bagong polisiyang ito.

☻☻☻

Kasama sa mga pinapayagang flexible work arrangements ang “flexiplace,” kung saan maaaring magtrabaho ang mga opisyal at empleyado sa labas ng opisina; compressed work week, kung saan maaaring paiksiin ng 4-araw mula 5-araw ang 40-hour work week; at skeleton workforce, kung saan may minimum na bilang ng empleyado na kailangan pumasok kung hindi posible ang full staffing.

Pinapayagan na rin ang work shifting para sa mga ahensiyang may mandatong mag-operate 24/7 o mga opisinang kailangang sumunod sa mga workplace health and safety protocol; flextime na pinapayagan ang mga empleyadong mag-report mula alas-7: 00 ng umaga hanggang alas-7: 00 ng gabi sa kondisyong makumpleto ang required 40-hour work week.

Maaari ring lumikha ang ahensiya ng kombinasyon ng flexi-work arrangement ayon sa naaangkop na mandato at tungkulin nito.

☻☻☻

Binago na ng pandemya ang work landscape, kung kaya’t nararapat lamang na matuto rin tayong mag-adjust.

Saludo tayo sa CSC sa pagpapatupad ng polisiyang para sa kapakanan ng mga empleyado.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay