ni Nancy Binay - @Be Nice Tayo | January 20, 2022
Dahil sa patuloy na pagtaas ng bilang ng kaso ng COVID-19 dahil sa Omicron variant, binigyan ng Department of Education ang mga lokal na opisina nito ng awtoridad na suspendihin ang pasok sa mga paaralan sa kanilang lugar.
Iginiit ng DepEd na hindi sila magdedeklara ng nationwide “academic health break”.
Ang paggawad ng awtoridad sa mga regional at schools division offices, maging sa mga private school ay tugon sa panawagang magdeklara ng break upang mabigyan ng sapat na oras ang mga estudyante at guro na maka-recover sa sakit.
☻☻☻
Muling nagpatuloy ang session ng Senate at Lower House noong Lunes, January 17.
Subalit sa araw ding iyon, napagpasyahang suspendihin din muna ang session dahil sa dami kaso ng COVID-19 sa mga miyembro at staff.
Magbubukas ulit ang session sa January 24.
☻☻☻
Suportado natin ang plano ng pamahalaan na gawing partner ang mga pharmacy at private clinic sa vaccination efforts.
Ayon kay vaccine czar Carlito Galvez, Jr., magsisimula ngayong January 20 ang rollout ng booster shots sa mga piling pharmacy sa Metro Manila.
Sa mga susunod na araw ay inaasahan din ang pagpapalawak nito sa ibang lugar sa Metro Manila at maging sa iba pang rehiyon.
Malaki ang maitutulong ng ganitong plano upang maging mas accessible sa mga kababayan natin ang bakuna.
Nawa’y magtagumpay ito at sisikapin pa ng pamahalaan na madaliin ang pagbakuna sa sambayanang Pilipino.
☻☻☻
Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.
Malalagpasan din natin ito.
Be Safe. Be Well. Be Nice!
Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.
Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay