Nancy Binay 23/155

Agresibong aksyon ng Chinese Coast Guard sa Ayungin Shoal, nakababahala

BULGAR

ni Nancy Binay @Be Nice Tayo | 6, 2024

Pumutok ang Bulkang Kanlaon sa Negros nitong nakaraang Lunes.

Dahil dito, napilitang lumikas ang ilang pamilya at nagsara rin ang mga negosyo sa Canlaon City.

Ayon sa Phivolcs, umabot ng anim na minuto ang pagputok ng Kanlaon. Nasa 5,000 meters ang pluma na ibinuga nito. Dagdag pa nila, nagpakita ng increased earthquake activity ang bulkan sa nakaraang buwan, at nagbubuga ito ng mataas na lebel ng sulfur dioxide na nasa 1,273 tonnes kada araw ngayong taon.

Ayon sa National Disaster Risk Reduction Management Council, 1,888 indibidwal o nasa 588 pamilya sa 20 barangay sa Western at Central Visayas ang naapektuhan ng pagputok.

☻☻☻

Umaasa tayong agaran at tuluy-tuloy ang suporta ng pamahalaan para sa mga naapektuhang kababayan natin.

Mahalaga rin na matulungan ang mga magsasaka sa mga apektadong lugar, kasama na ang mga sugar farmer.

Nananawagan din tayo sa pamahalaan na magbigay ng mga face mask at iba pang proteksyon para masiguro ang kalusugan ng mga kababayan natin doon.

☻☻☻

Tunay tayong nababahala sa mga kamakailang agresibong aksyon ng Chinese Coast Guard sa Ayungin Shoal.

Ang ganitong mga aksyon ay nagpapakita ng tahasang pagwawalang-bahala sa mga pangunahing prinsipyo ng makataong pagtrato at malasakit, na lumalabag sa mga napagkasunduang protocol ng Geneva Convention, kung saan nagtatakda ng makataong pagtrato o humane treatment sa mga sugatan at may sakit.

Handa ang Pilipinas na iakyat ang usaping ito sa pinakamataas na pandaigdigang mga forum, kabilang ang United Nations, upang makamit ang katarungan at masiguro ang proteksyon ng mga karapatan ng ating mga mamamayan.

Patuloy tayong titindig para ipagtanggol ang ating mga kababayan at soberanya.

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Karapatan ng mga mangingisdang Pinoy, ipaglaban!

BULGAR

ni Nancy Binay @Be Nice Tayo | June 2, 2024

Nitong Biyernes ay ipinagdiwang natin ang National Fisherfolks Day. Idineklara ang ika-31 ng Mayo bilang National Fisherfolks Day sa bisa ng Presidential Proclamation No. 261 upang bigyang pagpupugay at pagpapahalaga ang mga mangingisda.

Kinikilala din nito ang pangingisda bilang isa sa mga pangunahing hanapbuhay ng mga Pilipino at ang kontribusyon nito sa ating bansa.

Napapanahon ang pagdiriwang na ito dahil sa namumuong tensyon sa West Philippine Sea.

Nagdeklara kasi ng fishing moratorium ang Tsina sa South China Sea at ilang bahagi ng WPS.

Sa direktibang ito, inutusan ng Beijing ang kanilang coast guard na ikulong ang mga itinuturing nitong “trespassers” ng South China Sea nang walang paglilitis.

Bagama’t iprinotesta na ito ng Department of Foreign Affairs (DFA) at Philippine Navy, hinihimok natin ang pamahalaan na gawin ang lahat ng kanilang makakaya para protektahan ang mga Pilipinong mangingisda.

Kailangang ipaglaban natin ang karapatan at kaligtasan ng mga mangingisdang naghahanap buhay lalo na iyong mga nasa loob ng exclusive economic zone kabilang ang Bajo de Masinloc na malapit sa Zambales at Pangasinan.

Iparamdam natin sa kanila ang ating suporta at bigyan silang kasiguruhan na nariyan ang pamahalaan na handang umalalay sa kanilang pangangailangan.

☻☻☻

Nais ko ring batiin ng Happy 354th Makati Day ang ating mga kapwa Makatizens. Tuwing June 1 kasi ay ipinagdiriwang ng lungsod ng Makati ang kanyang foundation day.

Mula noon at hanggang sa hinaharap, patuloy kayong makakaasa sa serbisyong Binay na laging handang maglingkod at makinig sa pangangailangan ng mamamayan ng ating lungsod.

Sama-sama tayo tungo sa mas maunlad na lungsod ng Makati!

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

Makiisa sa pagdiriwang ng mga ‘Araw ng Bandila’

BULGAR

ni Nancy Binay @Be Nice Tayo | May 30, 2024

Gigugunita ng ating bansa ang May 28 hanggang June 12 bilang mga National Flag Days.

Sa mga araw na ito ay hinihikayat ang permanenteng pag-display ng bandila sa lahat ng tanggapan ng pamahalaan at pribadong sektor, paaralan, at maging mga tahanan.

☻☻☻

Unang naideklara ang May 28 bilang National Flag Day sa pamamagitan ng Presidential Proclamation No. 374 na pinirmahan noong March 6, 1965.

Ito ay bilang paggunita sa unang araw na naiwagayway ang bandila ng Pilipinas pagkatapos ng Battle at Alapan sa Imus, Cavite, nang magtagumpay ang hukbo ng mga Pilipino laban sa Espanya.

Nailabas naman ang Presidential Executive Order No. 179 noong May 23, 1994, na nagtatakdang gawing hanggang June 12 ang komemorasyon ng Flag Days.

☻☻☻

Inaanyayahan natin ang ating mga kababayan na makiisa sa paggunita ng mga araw ng watawat.

Ang bandila ay simbolo ng ating katapangan at pagkakaisa upang makamit ang ating kalayaan.

May dugo ng bayani na nananalaytay sa atin. Nawa’y maging udyok ito upang pagmalaki natin ang ating kasaysayan.

At sa pagninilay natin sa ginawa ng ating mga ninuno para sa kalayaan, mapukaw sana ang diwa natin sa kahalagahan nito.

Magtulung-tulong tayo upang masigurong hindi na muli tayo masisiil.

. .

Agresibong aksyon ng Chinese Coast Guard sa Ayungin Shoal, nakababahala

Karapatan ng mga mangingisdang Pinoy, ipaglaban!

Makiisa sa pagdiriwang ng mga ‘Araw ng Bandila’

RECOMMENDED