Nancy Binay 22/155

‘SALAAM Expo’, pagkilala sa kontribusyon ng mga kapatid ng Muslim

BULGAR

ni Nancy Binay @Be Nice Tayo | June 16, 2024

Mula June 14 hanggang 16 ay idinaraos ang SALAAM: The Halal Tourism and Trade Expo Philippines sa Quezon City.

Ang event na ito ay inorganisa at inilunsad ng Department of Tourism upang itanghal ang Halal tourism offerings ng bansa para sa mga kapatid nating Muslim sa loob at labas ng bansa na nais makilala ang Pilipinas.

Inaasahan daw ng DOT na 10,000 katao ang dadalo sa SALAAM exhibition, lalo na ang mga foreign tourists, Halal business owners, at iba pa.

Itinampok din sa kauna-unahang exhibit na ganitong klase ang iba’t ibang Halal-certified restaurants, mga accredited tourism enterprises, at maging mga diskusyon sa mga lider ng industriya kung paano mapapabuti ang pagtugon ng bansa sa mga Muslim tourists.

☻☻☻

Nasa 12 milyon ang mga kababayan nating Muslim, ngunit hindi nito nasasaklaw ang malalim na ugat at malawak na impluwensya ng Islam sa bansa lalo na sa Mindanao.

Kaya’t sinusuportahan natin ang paglunsad ng expo na ito na hindi lang nakatuon sa pagsusumikap na maging Muslim-friendly destination ang Pilipinas, kundi kumikilala rin sa kontribusyon ng ating mga kapatid na Muslim sa ating bansa.

Umaasa tayong magtatagumpay ang DOT sa mga layuning inilatag nito para sa nasabing expo.

Nawa’y mas dumami rin ang ganitong mga event nang mas makilala ng ating mga kababayan ang iba’t ibang kultura sa ating bansa, at lalong lumalim ang ating pagkakapatiran.

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Isapuso ang diwa ng Araw ng Kalayaan

BULGAR

ni Nancy Binay @Be Nice Tayo | June 13, 2024

Kahapon ipinagdiwang natin ang ika-126 na anibersaryo ng Araw ng Kalayaan ng ating bansa.

Matatandaang inihayag ang kalayaan ng Pilipinas mula sa pananakop ng Espanya sa Kawit, Cavite noong Hunyo 12, 1898.

Kaya naman sa ilalim ng Presidential Proclamation No. 28 noong 1962, opisyal na itinalaga ang ika-12 ng Hunyo bilang special public holiday sa buong bansa para gunitain ang kasarinlan ng ating bayan.

☻☻☻

Ang tema ng selebrasyon para taong ito ay “Kalayaan, Kinabukasan, Kasaysayan.”

Akma ang temang ito dahil ang araw na ito ay isang mahalagang okasyon para bigyan ng pagpapahalaga ang naging sakripisyo ng ating mga bayani.

Mahalagang alalahanin at bigyang pugay ang ating mga bayani na nagpamalas ng hindi mapapantayang katapangan at pagmamahal sa Inang Bayan para makamit ng bansa ang kalayaan.

☻☻☻

Maging inspirasyon sana ang katapangan ng ating mga ninuno para lalo pa nating bigyang halaga ang kalayaang tinatamasa sa kasalukuyan.

Kalakip ng pagdiriwang na ito ang responsibilidad na siguruhin na ang tinatamasang kalayaan ay maprotektahan at mapangalagaan.

Araw-araw sana nating panatilihing umaalab ang pusong puno ng pagmamahal sa ating Inang Bayan.

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal. Be Safe. Be Well. Be Nice!

Mabuhay ang mga Overseas Filipino Workers!

BULGAR

ni Nancy Binay @Be Nice Tayo | June 9, 2024

Tuwing Hunyo 7 ipinagdiriwang natin ang Migrant Workers Day bilang pagkilala sa kontribusyon ng mga overseas Filipino workers (OFWs) sa ating bansa.

Naisabatas ito sa ilalim ng Republic Act 8042 o mas kilala bilang Migrant Workers Act of 1995.

Nitong mga nakaraang araw, nagsagawa ng iba’t ibang aktibidad ang Department of Migrant Workers (DMW) bilang bahagi ng pagdiriwang na ito.

Namahagi ang ahensya ng tulong pinansyal para sa mga OFW na nawalan ng trabaho bunsod ng iba’t ibang kadahilanan.

Nagkaroon din ng paglalagda ng Memorandum of Understanding (MoU) sa pagitan ng DMW at ng Department of the Interior and Local Government (DILG) para sa pagtatatag ng OFW Desk sa lahat ng lokal na pamahalaan sa bansa.

☻☻☻

Lagi nating binabanggit na ang mga OFWs ang ating mga bagong bayani.

Kaya naman dapat lamang na bigyan sila ng tamang pagkilala pati na rin ang proteksyon ng kanilang mga karapatan.

Makakaasa kayo na patuloy namin kayong ipagmamalaki at susuportahan sa pamamagitan ng pagsulong sa inyong kapakanan.

At para naman sa mga OFW na nagnanais nang umuwi at manatili sa Pilipinas, patuloy pa rin nating pinagbubuti ang ating reintegration program.

Kaisa niyo ang pamahalaan, sa inyong adhikaing maitaguyod at mapaganda ang buhay ng inyong mga pamilya.

Muli, binabati ko ang ating mga magigiting na OFW ng isang maligayang Migrant Workers Day! Maraming salamat at mabuhay kayong lahat!

☻☻☻

Patuloy pa rin tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice!

. .

‘SALAAM Expo’, pagkilala sa kontribusyon ng mga kapatid ng Muslim

Isapuso ang diwa ng Araw ng Kalayaan

Mabuhay ang mga Overseas Filipino Workers!

RECOMMENDED