BBM at Liza, dadalo sa libing ni Pope Francis

ni Mylene Alfonso @News | Apr. 24, 2025

File Photo: Bongbong Marcos / FB

Kinumpirma ng Palasyo na dadalo sina Pangulong Ferdinand Marcos, Jr. at First Lady Liza Marcos sa libing ni Pope Francis sa Vatican City sa Sabado.

Ayon kay Palace Press Officer Undersecretary Atty. Clair Castro, hindi pa maibigay ang opisyal na petsa kung kailan bibiyahe ang Pangulo at First Lady ngunit iaanunsyo niya ito sa sandaling makuha ang mga detalye.

“The President and the First Lady will attend the funeral of the Pope,” wika ni Castro.

Inaasahang maraming heads of state ang magtutungo sa Vatican para makipaglibing kay Pope Francis, na nagsilbing Santo Papa sa loob ng 12 taon.

Nakatakdang ihatid sa kanyang huling hantungan si Pope Francis sa Sabado, Abril 26, sa Basilica of St. Mary Major.

Bago ang libing, magkakaroon muna ng funeral mass sa St. Peter’s Square na pangungunahan ni Cardinal Giovanni Battista Re, ang Dean of College of Cardinals. 

Matatandaang pumanaw si Pope Francis noong Lunes sa edad na 88 matapos ma-stroke at cardiac arrest.

PBBM: P20 bigas, mabibili na... Budol pa more! — VP Sara

ni Mylene Alfonso @News | Apr. 24, 2025

File Photo: Pangulong Bongbong Marcos at VP Sara Duterte / FB

Duda si Vice President Sara Duterte sa plano ng Department of Agriculture (DA) na magbenta ng P20 kada kilo ng bigas na layunin lamang na palakasin umano ang mga senatorial candidate ng administrasyong Marcos.

Sinabi ni Duterte na muling sinusubukan ng gobyerno na lokohin ang publiko tulad ng campaign promise noon na P20 kada kilo ng bigas.

“Well, hindi ko alam kung anong motibo nila. Baka, yes, inaano na nila ang mga tao, binubudol na naman nila ‘yung mga tao sa P20 per kilo na bigas," diin ni Duterte.

“'Di ba ‘yan na ‘yung sinasabi nila noon pa na hindi nila magawa hanggang ngayon dahil hindi nila alam kung paano gawin?" punto pa niya.

"At dahil sa totoo lang, nu'ng sinabi 'yung P20 per kilo na bigas ay nagsinungaling 'yung nagsabi. Alam niyang hindi kayanin pero pinaasa niya ang mga tao na ibibigay ‘yun,” ani Duterte.

“Promise na naman ‘yan sa mga tao na alam mong para lang sa eleksyon at para lang sa kanilang mga senators, para manalo ‘yung kanilang Alyansa kuno,” saad ni VP Sara.

Nangangamba pa si Duterte na posibleng magbenta ang gobyerno ng bigas na maaaring gawing feed para sa baboy.

“‘Pag sinabi natin na P20 per kilo na bigas, ‘yung puwede kainin ng tao... ‘Yan ‘yung P20 per kilo na binibenta, ‘yung pinapakain sa baboy. Hindi mga hayop ang mga Pilipino. Kapag nagbenta kayo ng P20 per kilo, bibili kami lahat kasi puwede siya kainin ng tao,” dagdag pa ng Pangalawang Pangulo. 

Una nang inanunsyo ni DA Secretary Francisco Tiu Laurel, Jr. na mapalawig hanggang taong 2028 ang pagbebenta ng P20 kada kilo ng bigas na sisimulan sa Visayas region.

Ito ay matapos ang isang closed-door meeting kasama si Pangulong Ferdinand Marcos, Jr. at ang 12 Visayas governors sa Cebu Provincial Capitol. 

Sinabi ni Laurel na gusto ni PBBM na maipatupad ang naturang programang sa buong bansa sa mahabang panahon.

Napagkasunduan din aniya sa pulong na 10 kilo ng murang bigas kada linggo ang puwedeng mabili ng mga taga-Visayas o 40 kilo kada buwan.

Napagpasyahan aniya na sa Visayas ipatupad ang pilot implementation ng programa dahil dito maraming mas nangangailangan ng murang bigas.

Tiniyak ni Laurel na may sapat silang stocks o imbak na bigas sa Visayas region, kabilang na sa Iloilo city.

Sa kabuuan aniya ay mayroong 358,000 toneladang bigas ang kanilang nasa iba't ibang warehouses, na kailangan na rin aniyang maipalabas dahil panahon ngayon ng anihan.

Dagdag pa ng Kalihim, nasa 3.5 hanggang 4.5 bilyong piso ang gagastahing pondo ng pamahal

Gilagid dumudugo habang nagtatalumpati... PBBM, walang sakit — Palasyo

ni Mylene Alfonso @News | Apr. 12, 2025

File Photo: Atty. Claire Castro at PBBM / PCO / Bongbong Marcos / FB

Nilinaw ng Malacañang na maganda ang estado ng kalusugan ni Pangulong Ferdinand Marcos, Jr.

Ito ay sa gitna ng mga espekulasyon hinggil sa health status ng Presidente na lumalabas sa social media.

Ayon kay Palace Press Officer Undersecretary Atty. Claire Castro, maayos ang kalusugan ng Pangulo at bilang patunay ang araw-araw na dinadaluhan nitong mga aktibidad.

Nasasaksihan naman aniya ng publiko lalo na ng mga kagawad ng media na nakatalaga sa Palasyo kung saan bukod sa ilang aktibidad ay mayroon pa itong mga meeting habang sumasama pa ang Chief Executive sa campaign rally ng Alyansa.

"Kung makikita n'yo po, 'yan naman po ay talagang pinapakalat – siguro para palabasin na ang Pangulo ay hindi maganda ang kalusugan, not in good health. Mapapansin n'yo po, siguro po kahit po 'yung mga media, halos araw-araw naman po ay nakikita n'yo ang Pangulo sa kanyang mga activities at sa kanyang pagsama dito sa Alyansa," pahayag ni Castro sa press briefing sa Palasyo.

"Maliban d'yan ay mayroon pa rin po siyang mga meeting kasama po kami, at sa aking perspektibo dahil nakakasama tayo mismo ng Pangulo, maganda po ang kalusugan ng ating Pangulo dahil kung hindi po maganda ang kalusugan ng ating Pangulo, malamang ay hindi na po siya nakakaganap ng kanyang mga tungkulin sa araw-araw," wika pa niya.

Mensahe naman ni Castro sa fake news peddlers, huwag gawan ng kuwento ang Pangulo ukol sa kanyang kalusugan gayung hindi ito makabubuti sa bansa.

"At ang aking pakiusap lamang po sa mga fake news peddlers, huwag n'yo pong gawan ng kuwento ang Pangulo patungkol sa kanyang kalusugan. Hindi po 'yan maganda para sa ating bansa, dapat po ipagdasal pa po natin na maging maganda ang kalusugan ng mga namumuno sa atin. At iwasan po nila na magbigay ng speculation; kahit hindi po doktor ay nagpapakadoktor sa social media," hirit ni Castro.