Aksidente lang daw… MICHELLE, IPINAGTANGGOL ANG ASO NA NANGAGAT SA MUKHA NIYA

ni Mercy Lejarde @Showbiz Talkies | June 8, 2025

Photo: Michelle Dee - IG

Siguradong nag-aalala ang kaibigan ni yours truly na si Melanie Marquez dahil sa aksidenteng nangyari sa anak niyang beauty queen-actress na si Michelle Dee na nakagat ng alaga nitong aso sa mukha.

Nag-post naman sa Instagram (IG) si Michelle para magbigay ng update sa nangyari at ito ang kanyang mga sinabi:

“A morning full of supposed routine cuddles turned into a ‘just my luck’ moment.

“To be fair, my fur baby’s tooth just happened to graze my face at the wrong place, wrong time. No aggression—just an honest accident.

“When it comes to things like this, acting fast truly makes all the difference!

“Ya gurl should be in tip-top shape sooner than you think. Thank you to everyone who’s been sending love.”

Nagpasalamat din si Michelle kina Dr. Hayden Kho at Dra. Vicki Belo na gumamot sa kanyang sugat.

---

Hindi si Cristine…

MARCO, BINATI ANG “REYNA” NG BUHAY NIYA

Kailan lang ay nagdiwang ng 68th birthday ang mother dearest ng aktor na si Marco Gumabao at nagbahagi siya sa social media ng larawan ng kanyang ina at may caption na: “Celebrated the queen’s 68th birthday yesterday. Love you, schmuli @loligumabao!

“You deserve all the good things in life, and we’re here to make that happen. Thank you for being our rock.

“PS: I hope I age the same way as her. Never nagpakulay ng buhok ‘yan. Sana all.”

Napakasuwerte naman nina Loli Gumabao at Dennis Roldan sa pagkakaroon ng anak na mapagmahal. 

Sayang nga lang dahil mukhang hindi na matitikman ni Cristine Reyes ang maitrato siyang reyna o prinsesa ni Marco kung sakali ngang nagkahiwalay na silang dalawa.

Well, hindi na rin nakapagtataka na may magandang ugali itong si Marco lalo na sa pagpapakita ng pagmamahal sa kanyang ina. Bukod sa kanyang mga magulang ay nagmana rin ng ugali si Marco sa kanyang tita dearest na si Isabel Rivas.

Si Isabel kasi ay sobrang mapagmahal sa kanyang pamilya at mga kaibigan at talagang may kabutihang taglay ang puso nito.

---

MAY good news na hatid sa atin si Congresswoman Lani M. Revilla.

“Good news! Tatlo sa authored bills ni Ate Lani ang pasado sa third and final reading ng 19th Congress at iaakyat na sa Senado. Ito ang mga sumusunod: House Bill No. 11372 - Pinapalakas nito ang sistema para sa land use development at budgeting ng

mga state universities and colleges.

“House Bill No. 11393 - Ang Philippine Merchant Marine Academy ay tatawagin nang Philippine National Maritime Academy na may mas malawak na mandato at curriculum upang siguruhin ang dekalidad na maritime education para sa ating merchant marine officers and personnel.

“House Bill No. 11395 - Ginagawa nitong institutionalized o pormal na programa ang Assistance to Individuals in Crisis Situations o AICS ng Department of Social Welfare and Development.

“Tuluy-tuloy po ang ating pagsisikap na magpasa ng mga panukalang batas upang tumugon sa pangangailangan ng ating mga kababayan,” pahayag ni Cong. Lani M. Revilla.

‘Di tinanggap bilang Hope sa Hollywood… LIZA, BALIK SA PAGGAMIT SA DATING PANGALAN

ni Mercy Lejarde @Showbiz Talkies | June 6, 2025

Photo: Liza Soberano - IG

Nag-post sa social media si Liza Soberano tungkol sa kanyang ceremonial first pitch mula sa game ng Los Angeles Dodgers at New York Mets kasabay ng Filipino Heritage Night.

May caption ito na: “So honored to be amongst all my kababayans throwing the first pitch at the Dodgers vs. Mets game for Filipino Heritage Night! I was so nervous, but I think I did okay?”

Mapapansing “Liza” ang ginamit niyang pangalan, hindi na ang “Hope” na una niyang ginamit nang tumapak siya sa Hollywood.

---

UMALMA ang Viva Artist Agency sa kumakalat sa social media tungkol sa isang Facebook (FB) page na gumagamit ng ‘deepfake video’ tampok si Anne Curtis sa panloloko ng mga tao.

Naglabas ng pahayag ang VAA upang magsilbing paalala at babala na gumagamit ng panlolokong ito.

Ito ang pahayag ng Viva Artist Agency:

“It has come to our attention that a certain Facebook page is using the image of one of our artists, ANNE CURTIS-SMITH, illegally without any authority whatsoever.

“Please be informed that Anne is NOT connected in any way to the said Facebook page. The video is DEEPFAKE, a product of AI (Artificial Intelligence), and was made without the consent of Anne nor of Viva.

“We do not condone such acts, and those found responsible shall be dealt with severely and held civilly and criminally liable to the maximum extent possible under the law.

“We urge the public to be vigilant and discerning of online scams and illegal uses of AI to mislead and spread fake information.”

---

Talo sa pagka-gov., lucky sa showbiz…

LUIS, MAY 3 BAGONG SHOWS AT 3 DING ENDORSEMENTS

BONGGANG-BONGGA ang pagbabalik-showbiz ni Luis Manzano. Kahit hindi nanalo sa 2025 elections bilang vice-governor ng Batangas, winner naman siya sa biyayang natanggap.

Tatlo ang game shows na gagawin ni Luis: ang Rainbow Rumble (RR), Minute to Win It (MTWI), at ang Deal or No Deal (DOND).

Bukod d'yan, may tatlo ring pumasok na product endorsements para sa kanya.

Totoo ang kasabihan na, ‘Sa bawat pintong nagsasara, may bintanang nagbubukas.’

Good luck, Luis. Lucky ka talaga!

---

INILABAS na ng ABS-CBN ang trailer para sa napapanahong teleserye nito, ang inaabangang crime thriller mystery drama na Sins Of The Father (SOTF) na sesentro sa buhay ng mga naging biktima ng iba’t ibang scams.

Pangungunahan ni Gerald Anderson ang SOTF bilang si Samuel na guguho ang mundo dahil sa isang scam kung saan kasangkot ang kanyang ama. Mapapanood ito simula Hunyo 23 (Lunes) sa Kapamilya Channel, Kapamilya Online Live, A2Z, TV5, iWant, at TFC simula Hunyo 23 (Lunes).

Sina Shaina Magdayao, JC De Vera, RK Bagatsing, Francine Diaz, Seth Fedelin, Lotlot de Leon, Joko Diaz, Soliman Cruz, Jerald Napoles, Nico Antonio, Alex Medina, Aubrey Miles, Jeremiah Lisbo, LA Santos, JV Kapunan, Elyson De Dios, at Tirso Cruz III ang kasama sa cast. May special participation din dito si John Arcilla bilang ama ni Samuel (Gerald).

Mula ang SOTF sa JRB Creative Productions sa pangunguna ng business unit head nito na si Julie Anne R. Benitez. 

Isinulat ito ni Dindo Perez at sumasailalim sa direksiyon nina FM Reyes at Bjoy Balagtas.

---

Alagad ng sining at boses daw ng masa…

SEN. ROBIN, ISINUSULONG NA MAGING NATIONAL ARTIST SI KA FREDDIE

IPINAPANUKALA ni Senator Robin Padilla na kilalanin si Freddie Aguilar bilang isa sa mga Pambansang Alagad ng Sining ng Pilipinas.

Saad ni Senator Robin, “Hindi lang s’ya mang-aawit. Si Ka Freddie ay simbolo ng musika na may saysay. Panahon na para kilalanin natin s’ya bilang Pambansang Alagad ng Sining dahil siya ay tunay na alagad ng bayan.

“Hindi lang ito tungkol sa musika. Si Ka Freddie ay naging boses ng masa. Ang kanyang sining ay salamin ng kalagayan ng Pilipino—masakit, totoo, at makabuluhan.”

Sa Senate Resolution No. 1364 na inihain nitong Hunyo 3, iginiit ni Senator Robin na ang mga likha ni Ka Freddie ay nagsilbing tinig ng mamamayang Pilipino, lalo na sa mga isyung panlipunan at pampulitika na kinaharap ng bansa sa loob ng maraming taon.

Fans, todo-hinayang na break na raw… JULIA, 6 YRS. TUMAGAL KAY GERALD, BEA 3 TAON LANG

ni Mercy Lejarde @Showbiz Talkies | May 29, 2025

Photo: Julia, Gerald at Bea - IG

Marami sa 11.9 million followers sa Instagram (IG) ni Julia Barreto ang naguguluhan kung totoo ba ang balita na nagkahiwalay na raw sila ng kanyang boyfriend na si Gerald Anderson dahil may mga nakapansin na burado na nga ang mga pictures na magkasama sila. 

Subali’t nu’ng tingnan ni yours truly ang IG ni Julia ay nakita naman namin na may 3 pang larawan na naiwan sa IG ni Julia na ibinahagi pa niya noong March 6, 2023 at may caption na: “Happy birthday, my love. I thank God for you everyday.” 

Naka-follow pa rin naman sila sa isa’t isa sa IG.

Napapabalita pa lang at hindi pa kumpirmado kung hiwalay na nga sina Gerald at Julia ay marami nang reaksiyon ang mga netizens.

May mga nanghihinayang sa relasyong pinagsamahan ng dalawa kung sakaling mapupunta lang sa hiwalayan dahil six years din silang naging magdyowa, samantalang sina Gerald at Bea Alonzo nga ay 3 yrs. lang tumagal ang relasyon.  

Meron pang sinisisi si Gerald dahil ang bagal daw nitong mag-propose at may mga netizens ding nagsabing walang forever. 

May mga nagsasabi namang baka bahagi lang ito ng paparating na proyekto ng sinuman sa kanila o promo strategy at may mga nagsabi ring fake news lang.

Well, sana naman, kung may konting tampuhan ang dalawa ay maayos din. Kasi kung hindi sila magkakaayos ay sure si yours truly na marami ang nag-aabang na kalalakihan para magkaroon ng tsansa na maligawan si Julia Barretto, ‘di ba? 

---

MAGIGING masaya ang mga pet lovers tulad nina Heart Evangelista at Carla Abellana sa sinimulan ng UNLEASH HQ na UNLEASH Pawscars Short Film Festival mediacon & jury signing noong Mayo 27, 2025.

Ang mga hurado sa festival ay sina Direk Joseph Abello, Direk Arvin Belarmino at Direk Jose Javier Reyes.

Ipinagdiriwang ng UNLEASH ang makapangyarihang ugnayan ng mga alagang hayop at ng kanilang mga amo sa pamamagitan ng mahika ng pelikula.

Ang chairman ng Film Development Council of the Philippines (FDCP) na si Direk Joey Reyes ang tatayong head of jury ng UNLEASH Pawscars Short Film Festival 2025.

Una nang nakilala si Direk Joey sa mahigit 40 pelikula at napakaraming TV scripts na kanyang nagawa.  

Ngayon, ibinabahagi niya ang kanyang husay sa pagkukuwento upang mahanap ang pinakakakaibang pelikula na naglalarawan ng kuwento ng tao at alaga.

May kuwento ka ba na kayang magpatawa, magpaiyak o magpakilig (sa mabuting paraan)? Maging ito man ay nakakatuwa, makabuluhan o nakaka-inspire — ito na ang chance mo para magningning!

Sumali sa UNLEASH Pawscar Short Film Festival 2025!

Bukas ito sa lahat ng filmmakers, storytellers, at mga pet lovers sa buong bansa.

I-submit ang iyong short film at magkaroon ng pagkakataong manalo ng premyo, pagkilala, at mahusgahan ng ilan sa pinakarespetadong creative minds (at pet lovers) sa bansa!

Ang tema ng filmfest ay “Unleash the Love” at naghahanap sila ng short films (10–20 minuto) na nagpapakita ng puso, gulo, at saya na dala ng mga alaga sa ating buhay.

Submission period is May 16 to Aug. 31, 2025. Ang awards Night ay sa Disyembre 14, 2025.

Mahigit P300,000 thousand na halaga ng premyo at pagkakataong ma-feature sa UNLEASH app at social media ang mapapanalunan.