Anak, kahit proud na LGBTQIA member… MELANIE KAY MICHELLE: MY REYNA

ni Mercy Lejarde @Showbiz Talkies | June 30, 2025

Photo: Michelle Dee - IG

Nakita ni yours truly kung paano mag-alaga at magmahal ng mga anak ang aking kaibigan, Miss International 1979 Melanie Marquez. She was only 15 years old at that time nang manalo ng Miss International.

Napaka-hands-on ni Melanie sa pag-aalaga sa mga anak niya, kaya naman super-proud siya nang ibinahagi sa kanyang social media post ang larawan ng kanyang aktres at beauty queen na anak na si Michelle Dee, at may caption na: “My Reyna!”

Ang picture na ibinahagi niya ay noong nag-perform si Michelle para sa first single nito na Reyna.

Samantala, na-impress ng aktres at Miss Universe Philippines 2023 na si Michelle Dee ang mga tao nang itanghal niya ang kanyang debut single na Reyna nang live sa Dolphy Theater kamakailan lang.

Ang nasabing event ay paglulunsad ng “Pride Version” ng music video para sa kanyang hit track, na unang nag-debut noong Marso nang opisyal na pumasok si Michelle sa music scene bilang recording artist.

---

Nagdiwang ng 36th wedding anniversary si Senator Jinggoy Estrada at ang maganda nitong asawa na si Precy Vitug Ejercito Estrada.

Noong June 27, napakaganda ng ibinahagi nitong video clips na nagpapakita ng mga sweet moments nilang mag-asawa.

Sey ni Sen. Jinggoy sa post niya, “Happy anniversary sa aking maybahay, Precy Vitug Ejercito Estrada. Maraming salamat sa tatlumpu’t-anim na taon ng pagmamahal, pang-unawa at pag-aaruga sa akin at sa ating mga anak.

“Marami na tayong pinagdaanan kaya nagpapasalamat ako sa gabay ng Panginoon, nandito pa din tayo at matatag ang pagsasama.

“Happy anniversary (heart emoji). Mahal na mahal kita!”

Napaka-sweet pala ni Sen. Jinggoy sa kanyang maybahay na si Precy. Kung titingnan kasi siya ay palaging seryoso at in fairness, ha, sa true lang, mukha silang mga bagets, lalo na si Precy. 

Teka nga, matanong nga ang mga sikreto nila bakit hindi sila tumatanda. 

By the way, belated happy anniversary, Sen. Jinggoy and Precy.

Kanta na nga lang tayo ng “Ikaw lang ang aking mahal, ang pag-ibig mo’y aking kailangan. Pag-ibig na walang hangganan, ang aking tunay na nararamdaman… ahhh ahhh.”

Pak, ganern!

Kahit ‘di raw perfect… ANDI, HAPI NA 7 YRS. NA SILA NI PHILMAR

ni Mercy Lejarde @Showbiz Talkies | June 29, 2025

Photo: Philmar at Andi Eigenmann - IG

Nitong June 25 ay nagdiwang si Andi Eigenmann ng ika-35th birthday sa Siargao kasama si Philmar Alipayo at ang tatlong anak na sina Ellie, Lilo at Koa.

Nagbahagi ang dating aktres sa social media ng mga larawan na nagpapakita na kuntento, simple pero masaya ang pamumuhay nito kasama ang pamilya. 

Aniya sa post, “I turned 35. Embracing the privilege of going on another lap around the sun. Growing wiser, and with a deeper appreciation for the simple island life I chose. I’ve found peace in slowing down, raising my beautiful babies by the sea, with nature all around.

“I was thinking of how I’d like to spend my day this year, and I found myself wanting to do nothing different from our usual day-to-day. The life I get to live with my family and loved ones is a gift in itself already, and receiving warm greetings from all of you is the cherry on top. My heart is full. Thank you!”

Samantala, pagkatapos lang ng dalawang araw ay nagdiwang naman sina Andi at Philmar ng ika-7th anniversary nila nitong June 27.

Nag-share si Andi sa Instagram (IG) ng ilang video clips sa pagdiriwang ng kanilang 7th anniversary. Makikita sa video ang saya ng mag-partner na tipong kahit may malaking pagsubok at problemang pinagdaanan sa kanilang pagsasama ay maayos nilang nalagpasan.

Saad ni Andi sa kanyang post, “YEAR 7!!! Sparkles @chepoxz Not perfect. But it’s real, and

it’s ours (red heart emoji).”

Wala naman kasing perfect, Andi. Pero sure si yours truly na masaya ang friend kong si Jaclyn Jose (Rest In Peace) na maayos ang pagsasama ninyo ng partner mong si Philmar.

Happy birthday, Andi, and happy anniversary sa inyo ni Philmar.

---

NAG-SHARE sa Instagram (IG) si Doña Lolit Solis ng latest update tungkol sa kanyang kalusugan.

Saad ni Lolit, “Talaga yatang ‘pag dumating sa buhay mo ang isang problema, tiyak na may kasabay pang isa. Out of the blue, tinamaan ako ng sakit, affecting my kidney. Tapos dagdag pa na hindi umabot sa tamang bilang ang suporta na nakuha ni Bong Revilla kaya sa number 14 lang siya umabot.

“Talagang kahit ano pang sabihin, ‘pag dumating mga ganyan, medyo windang ka. To be fair, painless at wala naman akong nararamdaman sakit sa katawan, nanghihina lang ako at kung minsan may mental lapses dahil ang dali kong makalimot. Kaya nga sinasamantala ko ‘pag sharp pa ang utak ko na gawin ang IG ko dahil alam ko na marami ang naghihintay na mga followers ko.

“Alam ko na ang number 1 tanong nila is ano ang pakiramdam ni Bong Revilla ngayon. Of course, sad (malungkot) s’ya. Of course hindi din niya inakala na magiging ganoon ang resulta. Pero lahat iyan may dahilan. At kung ano ang desisyon ng Langit, iyon ang dapat natin sundin. 

“Walang bitterness sa puso ni Bong Revilla. Sa kanya, eye opener ang lahat ng nangyayari sa buhay n’ya. Kung anumang kapalaran ang ibinibigay sa kanya, tinatanggap n’ya. Alam n’ya na lahat may dahilan. Lalo na’t nanalo sina Lani Mercado at Jolo Revilla, sapat ng compensation dahil alam mo na mahal pa rin kayo ng mga tao. 

“At least makikita n’ya kung ano ang puwedeng magawa niyang dagdag sa mga nagagawa ng dalawa. Mahaharap din niya nang husto ngayon ang acting career n’ya na siyempre, napabayaan nang konti dahil sa political works n’ya.

“Kaya calling Cheryl Ching, hayan na, free na sa ibang trabaho si Bong, mahaharap na n’ya ngayon ang mga tapings. Sabi nga, ‘pag nagsara ang isang pinto, marami pang puwedeng buksan, kaya all hope for Bong Revilla. Be strong, head high. Bong Revilla is Bong Revilla. Bongga!”

‘Yun lang and I thank you.

Pang-SEA games na… ANAK NINA GOMA AT LUCY, PAMBATO NG ‘PINAS SA FENCING SA THAILAND

ni Mercy Lejarde @Showbiz Talkies | June 28, 2025

Photo: Juliana Gomez - IG

Kamakailan ay nagdaos ng panunumpa si Ram Revilla Bautista para sa pagkapanalo bilang vice-governor ng Cavite.

Kasama ni VG Ram ang kanyang mga magulang na sina Senator Bong Revilla, Jr. at Congresswoman Lani Mercado-Revilla.

Nagbahagi sa social media post si Sen. Bong ng larawan at may caption na: “Isang napakalaking karangalan at kasiyahan ang masaksihan ang panunumpa ng aming mahal na anak, Vice-Governor Ram Revilla Bautista! (thumbs up & praying hands emoji).

“Nawa’y patuloy kang maglingkod at makapamuno nang buong-puso, at laging inuuna ang kapakanan ng ating mga kababayan sa minamahal nating Dakilang Lalawigan ng Cavite.

“Kabilang din sa mga nanumpa sa katungkulan ang magsisilbing ama ng lalawigan na si Gov. Abeng Remulla, gayundin ang mga board members ng mga distrito.

“Mabuhay po kayo! (praying hands emoji) Mabuhay ka, VG Ram Revilla! (raised hands in celebration emoji) (Philippine flag emoji) Ipinagmamalaki kayo ng bawat Caviteño at Caviteña!”

Si Congw. Lani naman ay nagbahagi rin ng pagsuporta kay VG Ram sa kanyang Facebook (FB) page post.

Pahayag ni Congw. Lani, “Isa sa pinakamalaking karangalan ng isang ina ang makita ang kanyang anak na manumpa sa katungkulan bilang isang lingkod-bayan.

“To our new Vice-Governor Ram Revilla Bautista, I am confident that you will honor the responsibility and trust given to you by our fellow Caviteños. 

“Continue to serve with all your heart and with all your mind. Congratulations! Proud of you, anak. We will always be here to support you.”

Congrats, Ram Revilla!

---

Sa social media post ng aktor-pulitiko na si Richard Gomez ay masaya niyang ibinalita na tatlo sa ating mga atleta mula sa Ormoc City ang kuwalipikado para sa Women’s Epee National Team at makakakita ng aksiyon sa darating na Thailand South East Asian Games sa Disyembre. Ito ay sina Alexa, Ivy at Juliana. 

Yes, isa nga sa mga nakakuha ng slot ay ang anak nina Richard at Leyte Rep. Lucy Torres-Gomez na si Juliana Gomez na magre-represent ng ‘Pinas in fencing at the upcoming Southeast Asian (SEA) Games. 

Kaya naman, masaya itong ibinahagi ng aktor sa kanyang Facebook (FB) page post.

Aniya, “Today was a very happy day.

“Three of our athletes from Ormoc City qualified for the Women's Epee National Team and will be seeing action at the coming Thailand SouthEast Asian Games in December. Let’s go team! Alexa, Juliana and Ivy.”

Sabi ng aming kaibigan ay nakuha ni Juliana ang kanyang slot dahil sa sipag at tiyaga sa pag-eensayo at sunud-sunod na malalakas na performance sa mga qualifying tournaments, na nagpapatunay sa kanyang husay at determinasyon sa sport.

Dagdag pa ng friend ni yours truly ay ang pagkahilig ni Juliana sa fencing ay nagtuluy-tuloy at talagang magaling daw ito. Ang kuwalipikasyon nina Juliana, Alexa at Ivy ay nakikita bilang isang pagpapatuloy ng isang legacy—at isang promising step forward para sa Philippine sports.

No wonder na super proud sina Goma at Lucy sa kanilang only daughter na

maganda na, matalino at talented pa.

Pak, ganern!

---

SI Ricardo Cadavero, o mas kilala bilang ‘Cardong Trumpo’ ay hinirang bilang grand winner ng Pilipinas Got Talent (PGT) Season 7.

Sa nasabing competition, nakakuha si Cardong Trumpo ng 99.5% sa combined tally ng scores ng mga hurado at online votes.

Ito ang naging pahayag ni Cardong Trumpo matapos niyang makatanggap ng P2 million bilang grand prize sa kanyang pagkapanalo sa PGT Season 7, “Pangarap ko lang po ‘yung isang kilong bigas magkasya lang sa 3 beses sa isang araw. Pero sobra-sobra itong ibinigay n’yo sa akin.

“Lord, thank you! At sa inyong lahat, maraming salamat!”

Congrats, TATAY CARDO! God is good all the time. All the time, God is good...

‘Yun lang and I thank you…