SEN. ROBIN, P150 ANG HIRIT NA DAGDAG-SUWELDO

ni Mercy Lejarde @Showbiz Talkies | July 3, 2025

Photo: Robin Padilla - FB

Sampal sa mga bashers ni Senador Robin Padilla ang mga top priority bills niya para sa 20th Congress. Mga panukalang batas na layuning magbigay-katarungan, pag-asa at respeto para sa lahat.

Para sa mas pantay na lipunan, mas maayos na kabuhayan, at gobyernong may malasakit sa bawat Pilipino, kabilang sa mga pangunahing panukala ni Sen. Robin ang pag-amyenda sa Indigenous Peoples Rights Act, pagkakaroon ng unified halal certification, pagtatayo ng Muslim prayer rooms, P150 dagdag sa daily minimum wage, at ang pagbuwag sa travel tax.

Kasama rin dito ang pagsasabatas ng medical cannabis, dissolution of marriage, pag-amyenda sa Early Years Act, pagtatayo ng nursing homes para sa mga senior citizens, at ang panukalang anti-political dynasty.

Maisakatuparan kaya? Abangan…

---

Naging sentimental ang batikang aktor na si Aga Muhlach nang magbahagi ng mensahe para sa nag-iisang anak na babae na si Atasha Muhlach na ngayon ay isa na ring magaling na aktres at TV host ng Eat…Bulaga! (EB!).

Kamakailan lang ay ipinalabas ng Viva One ang official trailer ng Bad Genius: The Series (BGTS). Marami ang humanga sa galing sa pag-arte ni Atasha, at hindi na rin naman nagtaka si yours truly dahil nasa lahi na nito ang mga magagaling na artista tulad ng lola niyang si Amalia Fuentes (RIP), Niño Muhlach na tito niya, at ang mga magulang niya na sina Aga Muhlach at Charlene Gonzales.

Sa Instagram (IG) post ni Aga ay nagbahagi siya ng video clips na nagpapakita ng husay sa pag-arte ng kanyang one and only daughter at may caption na: “To my one and only daughter, I can’t believe that you are now in your 1st acting job.

“Can’t help but be a little sentimental. I know all the hard work you have poured in from the day you started in Eat…Bulaga! with all your dance prods and doing a daily show ain’t no joke. But you did it.

“And that’s because you really wanted to. Take a bow. Sa Dabarkads, maraming salamat for the love you’ve shown my daughter.

“Yes, she’s very special to me (I’m sure all the dads out there, moms too, of course, will understand what I’m trying to point out). Ngayon naman here you are on your latest project and let me tell you @atashamuhlach_ how proud I am of you! You know that! Eto lang... Basta just keep giving your all in every project you do.

“Magaling ka man o hindi, magustuhan nila o hindi, okey lang ‘yan as long as you know in your heart you gave it your all. Like what I always say... just do good work and be kind to all the people you work with lalo na to all your supporters! Mahaba pa ang lalakbayin mo at ni Andres @aagupy - but what’s important is you’re both in and working already. Proud of you both.

“Good luck and kapit lang. It can get rough. But God’s got your backs. Have fun! Congratulations!!! Your proud dad here.”

Marami namang netizens ang nag-comment at pinusuan ang mensahe ni Aga at isa na nga rito ang multi-awarded actress na si Sylvia Sanchez.

Sey ni Sylvia, “Nakaka-proud mga anak mo @agamuhlach317.”

Job well done, Atasha, and congratulations!

---

SAMANTALA, kinilala ang mga programang MathDali Grade 1 (MG1) at Wow Bukidnon (WB) ng Knowledge Channel Foundation, Inc. (KCFI) sa 28th KBP Golden Dove Awards ng Kapisanan ng mga Brodkaster ng Pilipinas (KBP).

Itinanghal na Best Children’s Program ang MGI, habang pinangalanang Best Culture and Arts Program naman ang WB.

Nagpasalamat si KCFI President at Executive Director Rina Lopez sa natanggap na pagkilala at muling iginiit ang layunin ng foundation na palakasin ang epektibo at makabuluhang mga programang ginagawa nila para sa kabataang Pilipino.

Hatid ng MG1 ni Kapamilya host Robi Domingo ang mas pinasayang pag-aaral ng Math ng mga chikiting.

Katuwang ang BDO Foundation at Huawei Philippines, naglabas ang Knowledge Channel ng karagdagang 10 episodes na layuning tulungan ang mga mag-aaral sa Grade 1 na mas maintindihan ang mga aralin at konsepto sa Math.

‘Yun lang and I thank you.

Piktyur, inilabas sa socmed… KAILA, NAGLULUKSA SA PAGKAMATAY NG KATABI SA KAMA

ni Mercy Lejarde @Showbiz Talkies | July 2, 2025

Photo: Kaila Estrada - IG

Dumating na ang araw na kinatatakutan ng isa sa mga cast ng Incognito na si Kaila Estrada.

Sa Facebook post ng aktres, nagbahagi ito ng larawan nila ng kanyang alagang aso na si Sansa na magkatabi sa kama. Ibinahagi niya rin ang lungkot ng pagkamatay ng mahal niyang alaga.

Pahayag ni Kaila, “I have been dreading this day and now it has come.

“I miss the times you would sleep beside me on my bed and not leave me any space. I miss when you learned how to open the door in the middle of the night and never learned how to close it so we would have to close the door for you. I miss when you would steal food from the table, especially when the ulam was chicken. Your favorite.

“But most of all, I’m going to miss seeing your sweet face light up whenever I come home.

“Thank you for everything, Sansa. I love you. I hope you get to have all the roast chickens you want up there (white heart & angel emoji).”

Marami rin ang nagpahayag ng pakikiramay sa pagpanaw ng kanyang alagang aso.

Run free, Sansa.

---

SIKSIK, liglig sa katatawanan at excitement ang naramdaman ng mga netizens sa pilot weekend ng ikalawang season ng Rainbow Rumble (RR), kung saan naglaro ang LGBTQIA+ achievers na sina Jervi Wrightson, Sassa Gurl, Iyah Mina, Marina Summers at Vice Ganda noong Sabado (Hunyo 28), at Sins of the Father (SOTF) stars na sina Gerald Anderson, Jessy Mendiola, RK Bagatsing, JC de Vera at Jerald Napoles noong Linggo (Hunyo 29).

Pinag-usapan at nag-trending ang pagbabalik ng game show lalo na’t nami-miss nila ang galing sa pagho-host ng “Rumble Master” na si Luis Manzano.

Pinusuan din ng manonood ang naging kuwelang paglalaro nina Jervi, Sassa, Iyah, Marina at Vice sa elimination round na Rally to the Top kung saan nanguna ang Filipino drag performer na si Marina.

Komento ni Jhayvot G, “Riot ng tandem nina Meme, Luis at Iyah Mina.”

Hindi naging madali ang pag-akyat niya sa tuktok, lalo pa’t nagsalitan sila nina Vice at Jervi sa pagsagot ng tama sa mga tanong ni Luis. Ngunit hindi naman nagwagi ang Drag Race PH runner-up sa pagkuha ng lahat ng kulay sa DRM para manalo ng P1 million pesos. Nag-uwi siya ng P85,000 thousand.

Katulad ng first episode, kinagiliwan din ng manonood ang paglalaro nina Gerald, Jessy, RK, JC, at Jerald. Naging mahigpit din ang naging labanan sa unang round, lalo pa’t napupuntirya ang asawa ni Luis na si Jessy sa kanyang tile at palaging nahahamon sa tile breaker. 

Sa huli, napagtagumpayan ni JC na manguna sa elimination round matapos niyang makuha ang “lucky tile” at patuloy na sumagot nang tama sa tanong ni Luis. 

Pagdating sa Rainbow Reveal, kinulang din si JC ng oras para kunin ang huling kulay sa DRM. Nakakuha naman siya ng P100,000.

Patuloy na panoorin ang pinakamakulay na game show ng bansa na RR tuwing 6:15 PM sa Kapamilya Channel, Kapamilya Online Live, A2Z, at iWant.

---

MARAMI ang nag-react sa viral video ni Paul Salas na nangyari sa isang event sa Brooke’s Point, Palawan.

Sa video clip na in-upload ni Shamel Ledesma Aguirre ay makikita na habang kumakanta ang aktor ay bigla na lang humila ito ng silya at hindi naman napansin ng isang babae na wala na pala siyang uupuan, kaya pag-upo ni ate girl ay bumagsak siya sa semento. 

Ang siste, kilig na kilig pa naman ang naturang girl sa pagyakap kay Paul kaya hindi napansin na nahila ng idol niya ang upuan.

Sa Facebook (FB) page ni Paul ay nagsalita na siya tungkol sa nangyari sa event.

Aniya, “Hindi naman kasi sa akin ang upuan. Kuha ako nang kuha, pasensiya minamahal kong binibini at hindi ko napansin, eh, upuan mo pala ‘yun. Bawi ako sa ‘yo, I love you!!! Mabuti at okey ka. At sana, nag-enjoy ang lahat ng taga-Brookes Point Palawan. Love you guys!!”

Comment ng mga netizens… “Hindi naman talaga sadya. Nagkataon lang na sakto ‘yung sabay ng hila n’ya, s’ya namang diretsong upo ni ate na ‘di na tumingin sa upuan n’ya. So, sino sa kanila ang may kasalanan?”

“Nakakayakap ka kay Paul Salas, pero ang sakit ng balakang mo pag-uwi mo!”

Meron ding nagpaalala na minsan, ang mga fangirl moments ay may kahihinatnan ding pananakit ng katawan.

Kaya may paalala si Paul Salas sa FB page niya, “Be care-Paul, baka ma-fall.”

‘Yun lang and I thank you.

Napapagalitan din daw… MCCOY, IBINULGAR ANG MGA NARANASAN SA SERYE NI COCO SA 2 ½ YRS.

ni Mercy Lejarde @Showbiz Talkies | July 1, 2025

Photo: Mccoy De Leon - IG

Hindi nakalimutang magpasalamat ni McCoy De Leon sa Poong Nazareno at kay Coco Martin para sa project na naibigay sa kanya para gumanap bilang David

Dimaguiba sa seryeng Batang Quiapo. Nag-share si McCoy ng larawan kasama ang buong cast ng BQ at may caption na: “It Was My Last Project (Long caption ahead)

“I thought this was going to be my last project kaya sinabi ko sa sarili ko na I’ll give everything I’ve got, lahat ng natitira sa akin. Not just as an actor, but as someone who truly loves this craft. Sabi ko sa sarili ko, ‘Bigay ko na lahat, last na ‘to, eh.’

“Sa lahat ng katrabaho ko sa buong set during taping, ang daming memories na mami-miss ko. Kasama na ang mga discussion ng lines, minsan napapagalitan din kami.

Hehehe! Puyat, pagod, mga sugat at pasa, mga tawanan, mga kuwentuhan at simpleng bonding moments on set. Salamat! Sa dalawang taon at kalahati ba naman, itinuring ko na rin itong isa pang tahanan.

“Hindi lang mga artista ang naging inspirasyon ko. Malaki rin ang respeto ko sa buong production team at sa lahat ng directors ko from each unit na nag-handle at gumabay sa akin. Kita ko kung paano nila ginagawa ang trabaho nila nang may puso, tiyaga at dedikasyon mula sa likod ng kamera hanggang sa mismong pagbuo ng bawat eksena.

“At s’yempre, maraming salamat kay Kuya Coco, ang utak at puso ng proyektong ito. Siya ang nagbigay sa akin ng tiwala, at sa kanya galing ang oportunidad na mapunta ako sa ganitong klaseng papel. Isa siyang tunay na kuya para sa akin. Hindi ko malilimutan ang chance na ibinigay niya para gampanan si David Dimaguiba.

“Sa lahat ng mga taong naapektuhan, nakukuha ng inis, hehe, hanggang sa napukaw ang puso, thank you so much po! (smiling face emoji).

“This wasn’t just another project, it changed me. I’ll forever carry the lessons it gave me and I hope it gave you something real too.

“Kaya rin dapat pala lagi natin tratuhin ang bawat proyekto na parang ito na ang huli. Dahil doon lumalabas ang tunay na puso, dedikasyon at pagmamahal sa ginagawa. Now I’m ready for another ‘It Was My Last Project’.

“SALAMAT, POONG NAZARENO (praying hands emoji). Maraming salamat, Batang Quiapo family. Mahal na mahal ko kayo. Mami-miss ko kayo sobra (red heart emoji).

“Ngayon, binibitawan ko na po ang character na si David Dimaguiba (saluting face emoji).”

‘Yun lang and I thank you.

---

Napanaginipan ni Mariel Rodriguez kamakailan lang ang kanyang namayapang ina na si April Sazon Ihata.

Sa kanyang Facebook (FB) page post ay nagbahagi ang aktres-TV host ng larawan ng kanyang ina at may caption na: “Thank you for visiting me in my dream, Mom (pink heart emoji). We were walking together, and I asked if you’d been traveling much. You said, ‘No.’

Then I asked what heaven was like, and you replied, ‘Heaven is wonderful.’

“I woke up with a full heart, reminded that you’re at peace. My mom is in heaven (praying hands & sparkling heart emoji).”

Maraming netizens ang nag-comment at isa na nga rito ang aktor at senator na si Robin Padilla.

Saad ni Senator Robin, “Alhamdulillah

Ang sabi ng mga maalam sa Islam,

posibleng kahulugan ng panaginip ay

kaginhawahan at patnubay.

“Ang mga namatay na mahal sa buhay na lumilitaw sa mga panaginip ay maaaring maging mapagkukunan ng kaginhawahan, nagpapaalam ang mga yumao at nagsasabing sila ay nasa kapayapaan.

“Maaari rin silang mag-alok ng patnubay o direksiyon patungkol sa isang partikular na sitwasyon.

“Komunikasyon: Naniniwala ang ilan na ang mga panaginip na ito ay isang paraan para makipag-usap ang namatay, marahil upang ipaalala sa buhay ang isang bagay na mahalaga, tulad ng isang utang o isang kahilingan para sa kapatawaran.”

Matatandaan na pumanaw ang mommy dearest ni Mariel Rodriguez na si April Sazon Ihata noong December 23, 2023.