‘Di raw sila ang power couple… ZOREN, TODO-DENY NA HIWALAY NA SILA NI CARMINA

ni Mercy Lejarde @Showbiz Talkies | January 27, 2026

Photo: IG _zoren_legaspi

“Love this Tatay! ARF, ARF for life,” ito ang komento ng aktres na si Carmina Villarroel sa post ng kanyang loving husband na si Zoren Legaspi.

Sa Instagram (IG) post ni Zoren ay nagbahagi siya ng larawan na ang nakikita lang ay small silhouette ng kanilang pamilya na nakatalikod sa kamera at may caption na: “Bondi Beach, July 2025. Social media sees only a shadow of us 4, a small silhouette of a much bigger reality. We are four, yet we stand as one intact family. We are not a super couple. We are not a super family. We are just one happy family. Basic.”

In short, hindi sila ang blind item na kumalat online tungkol sa celebrity power couple na ipinapakita umanong perpekto ang kanilang pagsasama sa social media ngunit on the rocks ang marriage dahil sa pagiging babaero umano ng husband.

---

MASAYANG kuwentuhan na may kasamang bukingan ang naging ganap sa It’s Showtime (IS) ng ABS-CBN sa segment na Laro Laro Pick.

Isa si Reya na nagtatrabahong caddie (alalay sa golf) sa golf course sa Antipolo kung saan naglalaro ang TV host na si Ryan Bang sa mga contestants.

Nang mabanggit ni Reya na nakikita niya si Ryan na naglalaro ay tinawag siya ng Unkabogable Icon na si Vice Ganda sa stage.

Sey ni Vice kay Ryan, “Kilala ka n’ya.”

Saad ng contestant na si Reya, “Sa golf course po sa Antipolo.”

Sey pa ni Vice sa co-host na may kasamang biro, “Naggo-golf ka raw sa kanila, ‘di ka raw nagbabayad?”

Sey ni Ryan na tipong nabigla sa sinabi ni Vice, “Nagbabayad ako, nagbabayad ako.”

Hirit ni Reya, “Galante po s’ya at mahilig po s’ya sa magandang caddie.”

Sey naman ni Ryan na may kasamang pagdedenay, “‘Di ako ‘yun. Ako?”

Sey naman ni Vice na tipong dumepensa sa kanyang mahal na anak-anakan na si Ryan, “Eh, binata naman ‘yung anak ko. Ano namang masama ru’n, ‘di ba?”

Sagot naman ni Vhong Navarro na tipong may pagsang-ayon sa sinabi ni Vice, “Oo.”

Dagdag pa ni Vice, “Binata. Eligible si Ryan.”

Well, dahil sa nasabi ni Vice ay tipong nakumpirma ng madlang people na hiwalay na talaga si Ryan at ang fiancée nitong si Paola Huyong.

---

SA isang social media post, muling pinatunayan ng TV host-aktres na si Mariel Rodriguez Padilla ang magandang relasyon nila ng stepdaughter niyang si Kylie Padilla matapos niyang ibahagi ang kanilang larawan na sinabayan ng isang sweet at makahulugang birthday greeting para sa aktres.

Sey ni Mariel sa post niya, “Happy Birthday, Kylie!

“Your beauty on the outside is nothing compared to the beautiful person you are inside.

“You’re a wonderful mother, a talented actress, and an amazing artist — the best big sister and a sweet, thoughtful daughter. Your dad always says you are his sweetest daughter.

“You are responsible, genuine, kind, compassionate, and intelligent. Anyone is lucky to be your friend. You deserve all the love and happiness today and always. @kylienicolepadilla.”

Happy birthday sa may pusong mapagbigay at magandang aktres na si Kylie Padilla.

‘Di rin puwedeng magkamali… DANCER SA SHOW NI WILLIE, 1 MINUTE LANG LATE, OUT!

ni Mercy Lejarde @Showbiz Talkies | January 26, 2026

Photo: Willie Revillame - WIlyonaryo

Super successful ang bagong show na Wilyonaryo ng TV host-actor na si Willie Revillame. 

Well, hindi naman nakapagtataka dahil may 17 million followers ito sa Facebook.

Sa ginanap na presscon kamakailan ay natanong ang mahusay na TV host tungkol sa pagiging istrikto nito pagdating sa trabaho.

Kuwento ni Willie, “Kahit magalit kayo sa akin, very strict ako. Magkakamali ang DJ, sasabihan ko, ‘Ini-rehearse mo na kanina ‘yan.’

“Bakit ako, ako ang nag-iisip, ako lahat, ‘di ako nagkakamali kasi isinasapuso at isinasaisip ko ‘yung trabaho ko.

“One minute late, you’re out. Dancers, ‘di na nakakapasok sa GMA ‘yan.

“Ano’ng oras ang call time ninyo, 10:00 AM? ‘Pag dumating nang 10:01 AM, pauwiin mo ‘yan. ‘Di n’ya gusto ‘yung trabaho n’ya.”

Sa pagsasalita ni Willie, gusto raw niyang matutunan ng kanyang staff ang disiplina.

Kuwento niya, “Ito, ha? Incident talagang nangyari ‘to. Tinanong ko ‘yung janitor, ‘Taga-saan ka?’ Sumagot, ‘Taga-Batangas po.’

“‘Ano’ng oras ka pumupunta rito?’ Sabi n’ya, ‘Nandito na po ako ng six kasi seven o’clock po

ako.’ Bibiyahe s’ya nang tatlong oras.

“‘Magkano ang suweldo mo?’ Sagot n’ya, ‘Minimum po, P550.’

“Eh, magkano ang dancers? P2,000. Tapos, male-late ka ng one minute. Eh, itong janitor na mahirap lang, gumigising nang maaga.

“Very professional ako. Ayaw ko na nagkakamali kasi marami na kaming pagkakamali sa nangyari sa aming mga programa.”

In fairness, isa si yours truly sa buhay na patotoo ng tunay na ugali ni Willie pagdating sa kanyang mga empleyado. 

Halimbawa na lang ang aking kaibigan na sekretarya ni Willie na si Tita Tess. Nang magkasakit si Tita Tess, hindi siya pinabayaan ni Willie. Sinuportahan ito sa ospital at umabot ng P7M ang nagastos ni Willie para gumaling lang si Tita Tess. 

Isa pa niyang natulungan ay ang kanyang cameraman na nasa public hospital nang magkasakit at ipinalipat niya sa St. Luke’s. 

Mayroon din siyang empleyado na mahigit 20 years nang masayang nagtatrabaho sa kanya, ‘di ba naman, Ms. Vangie Ruiz?

Anyway, abangan ang Wilyonaryo sa #WilTV Channel 10 ng Cignal o sa website.

Kung mapipili ang tamang kombinasyon mo, may tsansa kang manalo ng P1 milyon. At kung tamang letra sa tamang posisyon ang naipasa mo, maaari ka pang manalo ng P10,000. At kung may tamang kulay naman ay maaari kang manalo ng P20,000.

Para makasali sa buhos ng suwerte, mag-register na sa wilyonaryo.com.

Happy healthy birthday, Kuya Wil, at harinawa, umariba to the max ang iyong Wilyonaryo show para boom, ka-boom muli ang showbiz natin na matinding sinalanta ng COVID-19. 

‘Yun na!

---

NAGPALIWANAG ang mahusay na aktor na si Sen. Robin Padilla sa kanyang Facebook (FB) page kung bakit nagbatian sila ni former Philippine National Police Chief Nicolas Torre III.

Saad ni Sen. Robin, “Bakit daw kami nagbabatian at nag-uusap ni MMDA Chairman Torre.

“Pambihira talaga. Bagama’t aso ang tingin n’yo sa amin dahil sa aming loyalty sa aming mga amo, hindi ibig sabihin na aso rin ang ugali namin.

“Ako ay Muslim, at ang greatest commander ng mga Muslim sa akin ay sa panahon ni Salahudin Ayubi, ang matalik na kalaban ni King Richard I (the Lionheart) ng England at ni King Baldwin IV (the Leper) ng Jerusalem.

“Ngunit kahit mortal na magkakalaban sa panahon ng Crusade, religious war ng mga Muslim at Kristiyano, nanatili ang paggalang nila sa bawat isa. Katunayan, pinadalhan pa ni Salahudin ng manggagamot ang dalawa nang nagkaroon ng karamdaman dala ng sakit si King Baldwin at sugat sa labanan si King Richard.

“Sabi nga ni King Priam kay Achilles sa pelikulang Troy, ‘Even enemies can show respect.’”

In fairness, likas din kay Sen. Robin Padilla ang pagiging marespeto.

Ex, ‘di raw dapat idine-deny… WILLIE, UMAMING SI SUGAR AT MGA ANAK ANG NAGPASAYA SA KANYA NG 7 TAON

ni Mercy Lejarde @Showbiz Talkies | January 22, 2026

Photo: IG _masugarmercado7

FOR the longest time, during and after the years of the pandemic ay muli naming nasilayan in person ang TV host-aktor na si Willie Revillame sa presscon ng bago niyang show na Wilyonaryo. 

Mapapanood na ang game show simula January 25 sa official website ng programa na Wilyonaryo.com, dalawang araw bago ang kanyang ika-65 kaarawan.

Yes, 65 na pala ang mahusay na TV host this coming January 27, 2026. Pero bakit tipong hindi siya tumatanda at ang tikas pa rin ng kanyang pangangatawan?

Kaya naman ang unang tanong ni yours truly kay Willie, “Sabi mo, 65 years old ka na. But as I laid my eyes on you now, you look only in your late 30s. Ano’ng sikreto mo sa pagiging younger-looking? Dahil ba isa ka nang milyonaryo ngayon?”

Masayang sinagot si yours truly ng mahusay na TV host-aktor na may kasamang malakas na halakhak na naging dahilan ng tawanan ng madlang press people.

Pabirong sagot ni Willie, “Tanggalin mo ‘yung shades mo,” sabay halakhak.

Dagdag pa niya, “It’s not about the money, it’s about your mind. May peace of mind kasi ako dahil wala akong itinatago, wala akong ninanakaw, wala akong niloloko. ‘Yun ang kayamanan ko sa ngayon.”

Tanong pa ni yours truly, “May nakita ako sa social media na meron ka raw syota, as in girlfriend, na nag-uumpisa sa letter W ang pangalan ng girl. How true?”

Sagot ni Willie, “Wala akong girlfriend. Kung may girlfriend ako, ipapaalam ko sa ‘yo. Ikaw lang mag-isa at ihaharap ko sa ‘yo at sasabihin ko, ‘Oh, Ms. Mercy, okay na ba sa ‘yo ‘to?’ Wala akong girlfriend, wala akong karelasyon. Hindi totoo ‘yun. 

“Alam mo, ang hirap ‘pag nagpa-picture ka, sasabihin, girlfriend mo. Ine-encircle lang, sasabihan na nang ‘di maganda. Kaya ‘pag nagpapa-picture, lagi akong naka-ganyan,” sabay-demo na magkahawak ang kamay. 

Biro niya, “Pero ‘pag lola, ‘di ako bina-bash. Kaya mahirap talaga ang social media. Hahaha!”

In fairness, nakakapagpabata pala talaga ang peace of mind. At sa pagkakaalam ni yours truly, wala ring kahit na ano’ng bisyo si Willie. Hindi siya naninigarilyo, hindi umiinom ng alak, at lalong never siyang tumikim ng drugs.

Kaya naman ang sey ko na lang, “Thank you, Willie. Nice to see you again.”

Saad ni Willie habang naka-smile, “Thank you, Mercy. Love ko ‘yan.”

Samantala, sa panayam ay tinanong si Willie kung totoo na nagkaroon sila ng relasyon ng dancer-aktres na si Sugar Mercado na tumagal din nang pitong taon.

Saad ni Willie, “Napamahal na sa akin ang mga anak ni Sugar. Parang naging mga anak ko na rin sila kasi ‘di ko naman nakakasama ang mga anak ko. Du’n ako nabaling, sa mga anak n’ya.

“Du’n ako nag-e-enjoy kasama ang mga bata. Bino-blower ko ang mga anak n’ya, naging ano ko talaga. Totoo naman ‘yun, ‘di ako magde-deny d’yan. ‘Di naman dapat idine-deny ang totoo.

“Kaya lang, siguro, ‘di talaga kami para sa isa’t isa. Pero ‘yung talagang nagpasaya sa akin noon, si Sugar at ang mga anak n’ya, kasi ‘di ko na kasama ang mga anak ko. Parang naging happy ako nu’ng makasama ko ang mga anak n’ya.

“Parang nangulila ako sa mga anak ko. Alam naman ng mga anak ko ‘yan. At hindi naman selosa ang mga anak ko kasi nakita rin nila na naging masaya ako at naging fair naman ako sa kanila.

“Okay lang ‘yun. Hindi mo dapat idine-deny ang naging karelasyon mo. Kawawa naman ang babae. Totoo naman ‘yun. ‘Di ako ganu’ng klaseng tao na magde-deny.”

Samantala, handa ka na bang manalo ng limpak-limpak na papremyo? Tumutok na sa Wilyonaryo simula January 25 dahil LIVE na LIVE ang pamimigay ni Kuya Wil ng mga papremyo para sa mga masuwerteng Ka-Wilyonaryo.

Kung mapipili ang tamang kombinasyon mo, may tsansa kang manalo ng P1,000,000. Kung tamang letra sa tamang posisyon ang naipasa mo, maaari ka ring manalo ng P10,000, at kung may tamang kulay naman ay maaari kang manalo ng ₱20,000.

Para makasali sa buhos ng suwerte, mag-register na sa Wilyonaryo website, okidoki?

---

MASAYANG ibinahagi sa social media ng ina ng two-time Olympic gold medalist na si Carlos Yulo na si Mrs. Angelica Poquiz Yulo na nakabili na sila ng sariling lupa.

Sa kanyang post, makikitang masaya si Angelica habang kasama ang kanyang pamilya na kumakain, at ipinakita rin niya ang lupang kanilang nabili.

Saad ni Angelica sa kanyang post, “‘Yung pinilit ni mama ang sarili n’ya na maglakad para makita ‘yung nabili naming lupa. Super-excited s’ya to the point na ‘di na nakatulog noong nagdaang gabi.

“Dalangin ko na maabutan mo pa ‘yung bahay na ipapagawa dahil alam kong mahilig ka sa halaman mula noon hanggang ngayon. Kayo ni papa ang nakatoka sa halaman dahil may green thumb kayo.”

Dagdag pa ni Angelica Yulo, “First investment for 2026. SSS (since 2004 up to now) (check emoji). St. Peter 3x (fully paid way back 2014) (triple check emoji). Insurance (still paying for both of us) (check emoji). House and lot in Manila (check emoji) Retirement lot (check emoji). Retirement house (hopefully soon) (praying hands emoji).”

Wow!