Gilas star Fajardo, hawak ang mantrang "never give up"

ni MC @Sports News | July 7, 2025

Photo: Pinapayuhan ni Gilas Pilipinas woman Ella Fajardo ang mga  batang atleta hinggil sa halaga ng sipag, hard work na dapat nilang dalhin sa hardcourt habang nasa  Kingdom Elite Invitational Basketball Camp. (GV)

Kaakibat na ng Gilas Pilipinas Women’s standout at MILO ambassadress Ella Fajardo ang sipag, hard work at minsan ay rejection, at ito ang mga natutunan niyang dala-dala sa court sa Kingdom Elite Invitational Basketball Camp kabisig ang MILO Philippines.

Sa edad niya ngayong 22 at naglalaro sa Gilas Women sa Jones Cup, ibinahagi ni Fajardo ang mga pagsubok na kanyang nalampasan upang maabot ang paglalaro sa pandaigdigang mga torneo, mula sa hindi napapansin ng coaches, hanggang sa mailinya sa mga university players, pinatunayan niyang ang mga bituin na tulad niya ay naglaro mula sa madilim na bahagi ng buhay bago kuminang ang karera. 

“Nagdaan din ako sa pinakamalungkot na buhay where I felt that I wasn’t good enough, but through hard work and prayers, I found the strength to keep going and prove myself,” ani Fajardo.

Nagbigay inspirasyon sa lakbay ng kanyang piniling palakasan mula pa sa Milo Best Center clinics, isa na si Fajardo sa nagbabahagi ng kanyang kahusayan sa halos 100 aspiring female basketball players. Nagturo siya sa youth athletes ball-handling, layup drills, at defensive techniques, habang tutok din sa pagtuturo ng core values tulad ng sipag, disiplina at teamwork.

“This camp is my way of giving back to the community that shaped me. I wanted to create an eventwhere young girls can learn the game, build their confidence, and experience the same joy I felt when I was starting out,” aniya.

Isa sa campers ang 12-anyos na si Regina ng La Salle Antipolo, aniya malaki ang nagagawa ng camp upang mas mamotiba pa siya na mangarap ng matayog pa. “Coach Ella is an inspiration to me. Because of this camp, I am inspired to become better and to reach my dreams of becoming a national athlete for the Gilas team.” 

Eala handa sa Wimbledon, no. 56 na sa World Ranking

ni MC @Sports News | June 30, 2025

Photo: Emosyonal si Alex Eala nang mabanggit ang matinding pinagdaanang laban kay Maya Joint ng Australia nang talunin siya nito sa thrilling game, 4-6, 6-2, 6(10)-7 sa finals ng 2025 Lexus Eastbourne Open sa England, Sabado ng gabi.  Tumapos siyang runner-up sa naturang event. Siya rin ang unang Pinay na naabot ang  WTA final.  Mananatiling lalaban ang 20-anyos na tennis ace para sa sarili at para sa bayang Pilipinas. (screenshots)

Walang aaksayahing panahon si Filipina tennis ace Alex Eala dahil paghahandaan niya nang husto ang laban sa Wimbledon main draw debut sa Martes laban kay defending champion Barbora Krejcikova ng Czech Republic.

Tiyak na isang uphill battle niya ito laban kay  Krejcikova na ranked 17th sa mundo. 

Opisyal na ring umangat  sa no. 56 sa Women's Tennis Association rankings si Eala.

Samantala, labis ang iyak ni Eala matapos mahawakan ang kanyang Lexus Eastbourne Open runner-up trophy nang magapi ni Maya Joint ng Australia sa isang makapigil-hiningang final match sa Lexus Eastbourne International tennis tournament  sa England.  

Nabigo si Eala kay Joint sa championship match at hindi niya nakuha ang kauna-unahan sanang Women’s Tennis Association (WTA) title sa likod ng kabiguang  championship points sa 4-6, 6-1, 6(10)-7 pagkatalo, Sabado ng hatinggabi (Manila time).

Gayunman, makasaysayan pa rin para kay Eala na maging unang Pinoy na makapasok sa WTA final.

 “This is my first WTA final. It’s a big deal for me and you know, for my country too. It’s historic. Because this is the first time that any Filipina has done it,” garalgal na wika ni Eala kasabay ng pagpalakpak ng crowd at ang ilan ay naiyak din sa kanyang madamdaming pananalita.

“It’s been a crazy year so I’ll remember this week and this moment forever,” ani Eala.

Sa gitna ng kanyang speech, malugod na binati ni Eala si Joint, ang world No. 51 sa pagkakapanalo nito sa kanilang laban. “I want to congratulate Maya for a great match and a great tournament. Yeah, I think, we did really well and I think, you know, if I was to lose to anyone, I think it would definitely be you. So congratulations,” aniya.

Bumuhos naman ang pagbati ng netizens sa kanya at marami ang nagsasabi na magpatuloy lang at makakamit din niya ang inaasam na tagumpay. “I guess that’s also why I’m so emotional but you know, this is the first. I’ll work hard to do more. Wimbledon’s next week so, hopefully, I forget about this match soon enough.” 

VTV Vietnam swak sa semis, Baic China binigo ang Angels

ni MC @Sports News | Apr. 26, 2025

Photo: PVL

Umabot pa ng apat na sets bago tuluyang ginapi ng VTV Binh Dien Long ng Vietnam ang Taipower ng Taiwan sa 2025 AVC Women's Champions League sa Philsports Arena kagabi. Dinale ng VTV ang Taipower sa bisa ng 25-20, 25-17, 25-22 at 28-26 upang pumasok na sa semis ang Vietnam.   

Sa laban ng Petro Gazz Angels kagabi sa Baic China umabot sa 5th set ang bakbakan hanggang sa maupos ang team Pilipinas sa bisa ng 31-29, 25-19, 25-20, 25-20 at 15-12. 

Nagawa pang makadikit ng Gazz sa 29-31 sa first set at naipanalo ang set 2 sa 25-19 sa ipinakitang laro nina Giovanni Day, Brook Van Sickle at Jonah Sabete.   

Positibo naman si Creamline skipper Alyssa Valdez sa kabila ng maagang pag-empake ng koponan sa AVC Women's Champions League.

Dumanas ang Cool Smashers ng pagkatalo sa 15-25, 22-25, 16-25 kontra Southeast Asian squad Nakhon Ratchasima sa  knockout quarterfinal noong Huwebes.

Pero sa kabila ng mabilis nilang pag-eksit sa torneo, sinabi ni Valdez na isang "good experience" ang pagsagupa sa AVC Cup, kung saan ang kanilang sistema aniya ay napahamon nang husto sa pinakamahuhusay na team sa kontinente at naibigay nilang lahat ang kanilang makakaya. 

"It’s quite a good experience to go outside of your comfort zone every once in a while," ani Valdez.

"I guess one thing that we appreciate from this tournament, iba rin makipaglaro sa ibang teams, sa iba’t-ibang sistema. Nacha-challenge and napu-push din talaga 'yung sistema namin," dagdag niya. "Doon mo rin makikita kung ano ba 'yung mga things to improve namin, individually and as a team."