De Guzman nadepensahan ang singles title sa PBO

ni MC @Sports | June 13, 2024

Nakumpleto ni Mika De Guzman ang undefeated run nang madepensahan ang women's singles title sa 2024 Philippine Badminton Open matapos makaalpas sa mabigat na hamon kay Ysabel Amora, 21-11, 14-21, 21-8 na idinaos sa Gameville Ball Park sa Mandaluyong City.

Kinailangan pa ng 2023 APACS Kazakhstan International Series champion na ipagpag ang unang kalawang matapos ang pagkatalo sa unang laro sa second set upang matiyak ang ikalawang sunod na consecutive championship sa Philippine Super 500 tournament na ito ng Philippine Sports Commission at ng MVP Sports Foundation.

"Nagpapasalamat lang din ako sa coaches ko, sila coach Joper (Escueta), coach Kenneth (Monterubio), coach Ariel (Magnaye), at coach Kennie (Asuncion-Robles), kasi they helped me a lot at malaking factor nila na mapalakas 'yung mental at physical preparation ko in this tournament," ayon sa  incoming fourth-year student-athlete ng Ateneo De Manila University.

Samantala, tinalo ni Jelo Albo, ng PBad Smash Pilipinas ang tournament's surprise contender na si Clarence Villaflor ng Cadiz-JBA/Apacs sa men's singles final, 21-13, 21-9.

"Tuwang-tuwa ako sa performance ko kasi kagabi pa lang minindset ko kung ano 'yung mga dapat kong gawin ngayong araw na to. 'Yung game plan ko lang na tulad kahapon na huwag patagalin 'yung laro. Gumising ako kaagad dito kanina na excited maglaro at para kunin 'yong championship na 'to," ayon sa 20-year-old incoming third-year ng University of the Philippines.

Nasilayan din ang pagdepensa nina Lea Inlayo at Nicole Albo sa kanilang women's doubles title nang talunin sina UP's Kimberly Lao at Patricia De Dios, 21-12, 21-7 sa pagbubukas ng torneo.

Sa men's doubles category, kampeon sina Ariel Magnaye at Christian Bernardo sa third game makaraang sina reigning champions Solomon Padiz Jr. at Julius Villabrille ay nagpasyang magretiro matapos ang disputed line shot call. 

De Guzman nakausad na sa Rnd-of-16 ng Badminton Open

ni MC @Sports | June 9, 2024

Sinimulan ni Mika De Guzman ang pagdepensa sa kanyang titulo sa women's singles ng Philippine Badminton Open 2024 sa bisa ng kinomandong 21-8, 21-7 victory laban kay De La Salle University's Mia Manguilimotan sa First Pacific Leadership Academy sa Antipolo City.

Sa kabila ng mababang iskor, kinailangan pa ng  three-time UAAP MVP ng 22 minuto upang mahawakan ang placing sa Round of 16. Nagpahayag naman ng kakuntentuhan si De Guzman sa kanyang naging solidong laro sa Philippine Super 500 tournament na ito na may basbas ng Philippine Sports Commission at suportado ng MVP Sports Foundation.

"Hindi ko rin po iniisip na defending champion ako, but in my heart and in my mind, sabi ko na I need to give my 100 percent sa game and no regrets. So far, I still got my 100 percent po," ayon sa 2023 APACS Kazakhstan International Series champion.

Haharapin ni De Guzman ang pamilyar nang kalaban na si Anthea Gonzalez ng University of the Philippines, na nagwagi kontra Sarah Joy Barredo ng National University sa scores na 21-23, 21-17, 21-14 sa Round of 16.

"I will just have to give my best every game, kasi kapag binigay ko po 'yun, makikita ko po yung result na gusto kong kalabasan. I know na top players from their schools 'yung makakalaban ko. Kaya kailangan ko talagang ibigay 'yung best ko kasi wala namang kalaban na madali. I'm actually excited to play against everyone po," ayon sa 22-year-old St. Paul College Pasig alumna.

Ang naturang tagumpay ay hindi naduplika sa  men's side, nang talunin ni Clarence Villaflor ng Cadiz-JBA/Apacs ang titleholder na si Mark Velasco sa nakagugulat na 21-17, 21-13 win sa Round of 32 ng kompetisyon.

Maldives, Lebanon at Syria next sa Gilas Pilipinas U-18

ni MC @Sports | June 5, 2024

Nalagay sa bracket Group B ang  49th-ranked Philippines sa Gilas Pilipinas U-18 kasama ang No. 86 Lebanon, No. 51 Syria at No. 96 Maldives, Group A ay ang no. 66 Iran, No. 48 Samoa, No. 73 Hong Kong at No. 100 Kyrgyzstan.

Makakasagupa ng Gilas ang Maldives sa June 24, Lebanon sa June 25 at ang Syria sa June 26. Ito ay nang mawalis nila sa FIBA Under-18 Women’s Asia Cup SEABA Qualifiers recently ang lahat ng laro at manatili sa   Division A status. 

Ipinakita ang pinakamahusay na performance sa Ratchaburi, ang Philippine squad na ginabayan ni Julie Amos ay tinalo ang host Thailand 103-58, Malaysia 100-68, at Indonesia 73-37. "Winning it all in SEABA means a lot to us,” ani Amos. “We really wanted to qualify to the FIBA Asia Division B, and for us to be there we have to win against the host country Thailand, Malaysia and Indonesia.”

“We prepared every game with a championship game mentality. They worked hard together and played like a solid  team in every game. I think that’s one reason why the girls enjoyed playing together because everybody is willing to sacrifice for each other.”

 “Our success in the Thailand FIBA Qualifiers means a lot to us, in showing that this team has big potential at making a great run in the FIBA Asian Championships coming up in China,” ani Ava Fajardo isa sa Gilas women's top gunner.

Ang opening victory kontra Thailand ang nakatulong sa Filipinas sa FIBA U18 Women’s Asia Cup Division B tournament sa Shenzhen, China sa June 24 to 30.  “It was an impressive run by the girls showing what they are capable of,” ani Gilas Women coach at U18 consultant Patrick Aquino.  Ang rest day ay sa June 27, at ang classification at qualification, semifinals at final phase ay sa June 28 to 30.