Impeachment trial vs. VP Sara, kasado na

ni Madel Moratillo @News | March 19, 2025

Photo File: OVP

Idineklarang sufficient ng House Committee on Justice ang grounds ng dalawang impeachment complaints laban kay Vice President Sara Duterte. 

Dahil dito, magkakaroon na ng public hearing dito na sisimulan sa susunod na linggo. 

Itinakda ang pagdinig sa Marso 25 na susundan ng proceedings sa Abril 14, 22, at 29. 

Dalawa na lang ang natira sa apat na reklamo na una nang isinampa laban kay VP Sara. 

Ang una ay isinantabi dahil lumabag umano sa one-year bar rule habang binawi naman ng petitioners ang ikalawa. 

Sa pagdinig kahapon, hiniling ni Senior Deputy Majority Leader Lorenz Defensor na ideklarang sufficient in ground ang ikatlong impeachment habang si Deputy Speaker Janette Garin naman ang nagmosyon para sa ikaapat na impeachment. 

Walang nag-object kaya idineklarang sufficient ni committee chairperson Gerville Luistro ang grounds. 

Tinalakay ng komite ang sufficiency ng grounds dahil umano sa pag-waive ng petitioners sa kanilang right to reply sa formal reply ni VP Sara.

Imbestigasyon sa SOCE, tinapos na... Marcoleta, walang nilabag na batas — COMELEC

ni Madel Moratillo @News | March 19, 2025

Photo File: Senate of Philippines

Tinapos na ng Commission on Elections (Comelec) ang imbestigasyon sa umano’y campaign finance violation ni Senador Rodante Marcoleta.

Sa Comelec en banc resolution na may petsang Marso 18, nakasaad na in-adopt ng poll body ang rekomendasyon ng kanilang Political Finance and Affairs Department (PFAD) na itigil na ang fact-finding investigation sa senador. 

Ang ugat ng imbestigasyon ay sa pahayag umano ng senador patungkol sa isyu sa discrepancy sa kanyang Statement of Assets, Liabilities, and Net Worth (SALN) at election expenses.

May ilang donor ang hindi umano naideklara sa kanyang Statement of Contributions and Expenditures dahil humiling umano itong itago ang pagkakakilanlan.

Sabi ng Comelec PFAD, bigo si Marcoleta na makasunod sa Section 109 ng Omnibus Election Code (OEC) patungkol sa detailed reporting ng contributions, pero hindi na umano ito maituturing na election offense.

Dahil sa palpak na serbisyo — MWSS-ROP... 42.5M multa sa Maynilad

ni Madel Moratillo @News | March 13, 2025

Photo File: Maynilad

Pinatawan ng P42.5 milyong multa ng Metropolitan Waterworks and Sewerage System-Regulatory Office ang Maynilad Water Services Inc. 

Ayon kay MWSS-RO chief regulator Patrick Ty, ito ay dahil sa kabiguan umano ng kumpanya na magbigay ng tuloy-tuloy na supply ng tubig sa libu-libong customers sa katimugang bahagi ng Metro Manila. 

Batay umano sa mga nakalap na ebidensya ng MWSS RO, bigong magbigay ng tuluy-tuloy na supply ng tubig ang Maynilad sa loob ng Putatan Water Treatment Plant at Poblacion Water Treatment Plant supply zones sa loob ng 24 oras. Sa isang pahayag, sinabi naman ng Maynilad na susunod sila sa utos ng MWSS RO. 

Paliwanag nila, ang water interruptions ay dahil sa pagbabago ng kondisyon ng raw water sa Laguna Lake kaya kinailangan din nilang magkaroon ng operational adjustments sa kanilang treatment facilities. 

Kabilang dito ang pagbawas sa production level para masiguro pa rin ang kalidad ng tubig na pasok sa Philippine National Standards for Drinking Water.  

Tiniyak ng Maynilad ang patuloy na improvement ng kanilang mga imprastraktura para maayos ang supply ng tubig. 

“We continue to implement operational improvements and infrastructure upgrades to strengthen the reliability of water supply in the southern portion of our concession area, particularly during periods when weather conditions affect raw water intake from Laguna Lake,” Maynilad.