Pekeng medical records ni PBBM, ikinalat online... Vlogger Jack Argota, tinuluyan sa DOJ

ni Madel Moratillo @News | February 25, 2025

Photo File: SIr Jack Argota

Sinampahan na ng pormal na reklamo sa Department of Justice ng National Bureau of Investigation ang vlogger na nagpakalat umano ng pekeng medical records ni Pangulong Ferdinand Marcos, Jr. 

Mga reklamong unlawful publication at cyber libel complaints ang inihain ng NBI laban sa vlogger na si Jack Argota, kilala rin sa tawag na Sir Jack. 

Matatandaang kumalat ang medical rekord ng Pangulo kasunod ng pagkaka-diagnose rito ng diverticulitis. Ang nasabing rekord, kumalat online. 

Inakala umano ni Argota na lehitimo ang nasabing medical certificate.  

Una na ring sinabi ng St Lukes Medical Center na peke ang nasabing medical certificate.

4 impeachment vs. Sara, umusad na

ni Madel Moratillo @News | February 24, 2025

Photo File: OVP

Nai-transmit na sa House Committee on Justice ang apat na impeachment complaints laban kay Vice President Sara Duterte. 

Ito na ang ikalawang pagkakataong susubukan ng Kamara na ma-impeach si VP Sara. 

Matatandaang nitong nakaraang taon, ang pagtatangka ay sa pamamagitan ng boto ng higit 1/3 ng mga miyembro ng mababang kapulungan. 

Ang 2 sa impeachment complaint na inihain laban sa Bise Presidente ay magkahiwalay na inihain ng mga indibidwal mula sa Makabayan Coalition habang ang 2 ay mula sa civil society groups. 

Gayunman, halos magkakapareho rin ang basehan ng mga reklamo. Kabilang rito ang pagbabanta umano ni VP Sara sa buhay nina Pangulong Ferdinand Marcos, Jr., First Lady Liza Araneta Marcos at dating House Speaker Martin Romualdez. 

Maging ang isyu ng umano'y iregularidad sa paggamit ng confidential funds noong siya ay kalihim pa ng Department of Education at sa tanggapan ng Bise Presidente.

Dawit sa flood control scandal... Rep. Yap, nag-resign

ni Madel Moratillo @News | February 5, 2025

Photo File: Edvic Yap / FB Circulated

Nagbitiw na si Cong. Edvic Yap bilang kinatawan ng ACT-CIS Partylist. 

Sa sesyon ng Kamara kahapon, inanunsyo ni Deputy Majority Leader at Leyte Rep. Anna Victoria Veloso-Tuazon na nakatanggap sila ng liham mula kay Yap kung saan ipinaalam nito ang “resignation”. 

“Mr. Speaker, for the information of the body, we are in receipt of a letter from Rep. Edvic Yap of the ACT-CIS Partylist informing the House of Representatives of his resignation as member of the House,” pahayag ni Veloso-Tuazon. 

Dahil dito, tinanggal na rin si Yap sa roll of members ng House of Representatives. Si Yap, ay kapatid ni Benguet Rep. Eric Yap, isa sa mga mambabatas na binanggit ni Ombudsman Jesus Crispin Remulla na tumanggap umano mula sa mag-asawang contractor na sina Curlee at Sarah Discaya.