Mga endorsers ni Dra. Belo, kinabog na… GRETCHEN, HEART, SHARON, ETC., NA KAY DRA. AIVEE NA

ni Erlinda Rapadas @Teka Nga | Feb. 12, 2025

Photo: Sharon, Gretchen at Heart - The Aivee Clinic

May namumuong rivalry-competition ngayon sa pagitan nina Dra. Vicki Belo at Dra. Aivee Aguilar-Teo dahil sa kanilang mga celebrity endorsers. 

Dati-rati ay nasa poder ni Dra. Belo ang mga sikat na celebrities sa showbiz. Sa kanya nagpapaalaga ng kutis ang malalaking artista.  

Ngayon, nasa kanya pa rin naman ang mga artistang loyal sa Belo Clinic tulad nina Anne Curtis, Julia Barretto, Kim Chiu, Alex Gonzaga, Isabelle Diaz, Solenn Heussaff, Andrea Brillantes, Maris Racal, atbp..

Pero unti-unti nang nagiging popular sa mga big stars si Dra. Aivee Teo, na isang magaling na dermatologist. Ang kanyang mga celebrity clients ay sina Gretchen Barretto, Heart Evangelista, Sharon Cuneta, Jennylyn Mercado, atbp..

Ang Belo Medical Clinic ay may 15 branches na at hanggang Cebu at Davao ay may clinic sila. Si Dra. Vicki Belo ang CEO at Medical Director ng Belo Medical Group. Hindi lang sa mga medical service at procedure sila kumikita kundi pati na rin sa mga beauty products na pang-masa.

Samantala, ang Aivee Clinic ay nagsisimula pa lang sa kanilang expansion, pero gumagawa na sila ng pangalan at dinarayo ngayon ng mga top celebrities at ng mga ‘richie-richie’ (mayayaman) socialites.

---

NAGMARKA sa marami ang term na ‘Sharon Cuneta’ kapag may mga nagte-takeout o nagbabalot ng mga ulam sa anumang handaan. At nakakatuwa naman na mismong si Megastar Sharon Cuneta ay aminadong nagsa-‘Sharon’ din, lalo na kapag may handaan sa bahay ng kanyang Tita Helen Gamboa.

Ang ‘Sharon Cuneta’ term ay galing sa hit song noon ni Shawie na Bituing Walang Ningning (BWN) kung saan may linyang…“Balutin mo ako sa hiwaga ng iyong pagmamahal.”

At para hindi halata ang term na ‘balutin’, ginawa na lang itong “I-Sharon Cuneta mo!” 

At dahil popular nga sa lahat ang nasabing termino, kinuhang endorser ng life insurance si Megastar Sharon Cuneta. Ang concept ng commercial ay tungkol sa pagte-take home ng mga natirang ulam sa mga handaan.

Sa nasabing commercial ni Shawie para sa isang insurance company, naglabas siya ng plastic bags at plastic containers na lalagyan ng leftover food. Nagbigay pa siya ng tips kung paano magsa-‘Sharon Cuneta’ sa handaan.

Nakakatuwa at marami ang makaka-relate sa nasabing commercial ng insurance. Sana mapanood ito sa telebisyon. 

Curious naman ang mga netizens kung magkano kaya ang ibinayad na talent fee (TF) kay Megastar Sharon sa nasabing commercial?  

---

Ibang klase ang pagkakaibigan ng Diamond Star na si Maricel Soriano (Marya) at ni Chanda Romero.  

Malaki ang respeto ni Marya kay Chanda at itinuturing niya itong best friend at second mom. Naging close sila dahil nagkasama sa mga pelikulang Saan Darating ang Umaga (SDAU) Yesterday, Today & Tomorrow (YT&T), Pabling, atbp..

Kung si Maricel Soriano ay mataray at palaban—isang image na kinatatakutang makatrabaho ng ibang artista—sweet naman siya at jologs kapag si Chanda Romero ang kasama. 

Kaya sa vlog ni Maricel na “Maganda Ako” kung saan si Chanda Romero ang kanyang nakatsikahan, hindi matapus-tapos ang kanilang kuwentuhan. Panay ang flashback nila sa mga panahong gumagawa sila ng pelikula sa Regal Films. At natutuwa sila noon kay Snooky Serna dahil napakabagal daw kumilos, kaya binansagang ‘pagong’. 

Hinding-hindi makakalimutan ni Maricel na sa panahon na may problema siya sa kanyang love life, si Chanda Romero ang dumamay sa kanya at nagbigay ng motherly advice. Kaya hanggang ngayon, “Nanay” ang tawag niya sa aktres.

---

MARAMING fans ni Gabbi Garcia ang natuwa nang finally ay siya ang napili na maging co-host nina Bianca Gonzalez at Robi Domingo sa PBB Collab Celebrity Edition. 

Hindi na maninibago pa si Gabbi sa kanyang pagho-host dahil may experience na siya sa pagho-host ng iba’t ibang events. Smart siya at very confident sa sarili.

Mas gagaling pa siya at mahahasa ang kanyang hosting skills ngayong host na rin siya sa PBB Collab Celebrity Edition. Matutulungan din siya nina Bianca Gonzalez at Robi Domingo.  

Ang tanong ng mga fans ngayon ay kung mararanasan din kaya ni Gabbi ang mapasok sa Bahay ni Kuya tulad ng pinagdaanan nina Bianca at Robi? Paano siya makaka-relate sa mga celebrity contestants na mapipili?  

Matatandaang nag-audition din noon si Gabbi Garcia sa PBB Season 4 noong 2012. Hindi siya pinalad na mapili at makapasok. Kaya ngayon, hindi niya akalain na isa siya sa mga co-hosts ng PBB Collab Celebrity Edition.

32-anyos na misis, join sa Miss Universe Phils. “GOD WILLING AND ON HIS PERFECT TIME, WALANG IMPOSIBLE” — WINWYN

ni Ambet Nabus @Let's See | Feb. 11, 2025

Photo: Winwyn Marquez - IG

Speaking of Winwyn Marquez, siya na nga ang itinalagang pambato naman ng Muntinlupa City para sa darating na Miss Universe Philippines contest.

At age 32 at isang ganap na nanay, pasok na pasok si Winwyn a.k.a. Teresita Ssen Marquez sa bagong ruling ng Miss Universe, na extended ang age at puwede na ang kahit misis na.

Ikinatuwa naman ng mga beaucon enthusiasts ang naging desisyon ni Wyn dahil alam

nilang malaki ang chance nito para sa naturang pageant.

“She has everything. Kumpletos rekados — ang talino, ang ganda, ang husay sa pasarela, ang communication skills, aura, katawan, appeal, ‘yung magic, nasa kanya lahat. Biglang naging bet siya ng majority para maging representative ng bansa,” sigaw ng mga beaucon enthusiasts/experts.

Sa ginanap na ‘sashing ceremony’ kay Winwyn just recently, no less than Luxxe owner Ms. Anna Magkalas ang mismong nagbigay ng support sa aktres-host. 

Ipinangako nitong gagawin nila ang lahat para sa 100% na pangangailangan ni Winwyn.

Sa maikli naming tsikahan ni Wyn (super touched kami dahil siya mismo ang lumapit sa amin at bumati kahit nga hindi kami na-invite earlier that day sa kanyang sashing rites), tinuran nitong wala naman daw expiration ang pangangarap. 

“God willing and on His perfect time, walang imposible,” sey pa nito.

Sinasabing ‘puksaan’ ang magiging labanan sa Miss Universe-Philippines soon dahil sa napakaraming equally good bets na sasali. Pero ‘yun na nga, lahat ng bet namin ay itataya namin kay Winwyn.

Good luck!

---

PROUD na proud si JK Labajo dahil muling nasungkit ng Pilipinas ang titulong Reina Hispanoamericana courtesy of his girlfriend na si Diane Dia Mate.

Isang simpleng “Congratulations baby,” ang nai-post ni JK sa kanyang socmed (social media) account.

Bongga ang naging laban ni Dia na sa umpisa pa lang ay nakipagsabayan na ng husay at ganda sa mga Latina beauties na siyang majority candidates sa naturang pageant.

Napanalunan ni Dia ang Best in National Costume at humataw siya sa Q&A hanggang sa silang dalawa na lang ng highly favored Miss Venezuela ang naging top two. 

Masaya rin siyang tinanggap ng Latin community at ang gaganda ng mga reviews sa naging performance niya.

Ito na ang ikalawang pagkakataon na nanalo ang Pilipinas sa naturang international beauty pageant.

Sure kaming proud na proud din si Winwyn Marquez, na unang nakakuha nito noong 2017.

---

“KAYA nga mas maging maingat sa pag-post. ‘Yung mga domestic issues, bago i-vent out sa socmed, pag-isipang mabuti,” reaksiyon ng maraming biglang naloka sa balitang ‘simpleng away’ lang daw ang naganap between Andi Eigenmann at Philmar Alipayo.

Kasunod nga kasi ng pagsugod ng mga lolo’t lola ni Andi na sina Rosemarie Gil at Eddie Mesa sa Siargao, bigla ring naglabasan ang mga balitang ‘muling nagkabati’ sina Andi at Philmar.

Sa sobrang bashing na natamo nu’ng foreigner na umano’y best friend nina Andi at Phil, at lalo na kay Philmar, ang pagsugod lang pala ng mga lolo’t lola ni Andi ang katapat nila. Hahaha!

Pero sa totoo lang, at dahil may ‘record’ naman ng ‘cheating’ si Phil at halata naman talagang lumandi ‘yung best friend kuno, nararapat ngang mag-isip ng ilang dosenang beses ang aktres.

Or sadyang sobrang mahal niya ang ama ng kanyang mga anak at hindi niya ito kayang hiwalayan?

Marian at Dingdong, 10 years stronger!

ni Cristine Marish Rivera (OJT) @Entertainment | Feb. 11, 2025

Photo: Marian Rivera at Dingdong Dantes - Instagram

Marian Rivera at Dingdong Dantes, reel to real. Paano? Got you, besh! Ang iniidolong couple ng karamihan, paano nga ba nagsimula? Sagot ko ‘yan, dito sa Reel to Real!

Pinag-uusapan pa rin hanggang ngayon ang mag-asawang Dingdong at Marian, pero don’t get me wrong ha, ang ibig kong sabihin, sikat pa rin sila at idol ng karamihan kahit bilang mag-asawa.

Nagsimulang magkatrabaho ang dalawa sa remake ng Pinoy teleserye na “Marimar” noong 2007 at dito itinanghal sila bilang GMA’s Primetime King and Queen.

Photo: Dingdong at Marian - Instagram Marian Rivera-Dantes

Base sa ilang panayam noon ni Marian, hindi umano sila magkasundo ni Dingdong at nasusupladuhan ito sa aktor.

So, saan nagsimulang magbago ang lahat? Maraming nagsasabing nagsimula silang ma-develop pagkatapos ng Marimar, pero ang love story nila ay nag-umpisa talaga noong 2008 hanggang 2009 kung saan ginagawa nila ang “Dyesebel” at “Ang Babaeng Hinugot sa Aking Tadyang.”

Fast forward, February 2010, ibinunyag ng dalawa ang special relationship nila sa isang exclusive magazine cover. Matapos ang tatlong taon, sigurado na si Dingdong na si Marian ang gusto niyang makasama hanggang sa pagtanda. Nag-propose ang aktor kay Marian not once, but twice.

Sana all! Unang nag-propose si Dingdong sa Macau noong August 2012. Nangyari ito sa isang ‘Big Dome’ na puno ng butterflies na paborito pala ni Marian.

Sinundan naman ito ng pangalawang proposal sa show noon na “Marian” kung saan nag-propose si Dingdong live, sa harap ng audience na nakasubaybay sa palabas. And then, ikinasal ang dalawa noong December 30, 2014 sa Immaculate Conception Cathedral at binansagang “Wedding of the Year.”

Family of four na ang DongYan ngayon. November 2015 nang ipagkaloob sa kanila ang panganay na si Maria Letizia at sinundan naman ni Sixto noong April 2019.

Nitong nakaraang taon, ipinagdiwang ng mag-asawa ang 10th year wedding anniversary na sinabay rin ng pag-renew ng kanilang wedding vows.

Ibinahagi ni Dingdong ang larawan ni Marian na suot ang white dress at hawak ang bouquet ng puting bulaklak habang mangiyak-ngiyak itong naglalakad papunta sa altar.

Pinost din nila ang mga larawan sa nasabing ceremony kasama ang kanilang mga anak. Magmula pa man noon, inaabangan at kinakikiligan ang love story nila dahil sa mala-teleseryeng kuwento ng couple.