ni Mercy Lejarde @Showbiz Talkies | August 7, 2025
Photo: Marjorie Barretto - IG
Mapapa-sana all ka na lang talaga kapag nakita mo ang post ng aktres at celebrity mom na si Marjorie Barretto.
Sa social media post ng mother dearest ni Julia Barretto ay nagbahagi siya ng larawan niya na may katabing brand new car na regalo lang naman ng kanyang anak na si Julia.
Saad ni Marjorie sa post niya ay “Today is a happy day. Thank you dearest Julia for this gift and all the love you shower me with. God bless you more. I love you.”
Halata sa magandang mukha ni Marjorie na ang saya-saya niya sa natanggap na gift galing sa kanyang loving daughter. Masaya rin ang mga kaibigan ni Marjorie para sa kanya.
Sabi nga ni Mariel Rodriguez-Padilla sa post ni Marjorie ay “You deserve it all, Mommy Marj! I am so happy for you!!!! God bless you more, Julia!!!!”
Sabi naman ng beauty queen at aktres na si Ruffa Gutierrez, “We love you @juliabarretto. Wowww!!! Love it!! Enjoyyyy.”
Pak na pak ka d’yan, Julia! Ang bongga ng pagpapasaya mo sa mother dearest mo.
‘Yun lang and I thank you.
“PARE, pa-kiss nga,” ito na lang ang nasabi ng Kapuso actor at TV host na si Dingdong Dantes sa Instagram (IG) post ng kanyang asawa na si Marian Rivera.
Makikita sa larawan ang kakaibang hitsura ni Marian na mukhang lalaki, ganunpaman, litaw pa rin ang ganda ng Kapuso actress.
Sabi ni Marian sa post niya, “Channeling my inner boyish charm on this cover! Who says you can’t mix genres and vibes?”
Marami sa mga netizens ang napabilib sa ganda ni Marian at isa na nga rito si QC 5th District Councilor Aiko Melendez.
Sabi nga ni Aiko sa post ni Marian, “Tapos na, uwian na, grabe, so beautiful.”
Well, ikaw na ang nagwagi, Dingdong, napapayag mo si the beautiful Marian na halikan siya.
INIHAHANDOG ng Viva Films at Evolve Studios ang Posthouse, isang psychological horror film na kauna-unahang full-length directorial project ni Nikolas Red sa pakikipagtulungan ng kanyang kapatid na si Mikhail Red na direktor ng Deleter at Lilim bilang creative producer.
Tampok sina Sid Lucero at Bea Binene, ang kuwentong ito ay tungkol sa isang lumang pelikula na magiging mitsa para mapalaya ang isang mapanganib na puwersang matagal nang nakakabit sa isang madilim na nakaraan.
Sa preskon ng Posthouse ay natanong si Bea Binene kung ano ang mga preparations na ginawa niya sa nasabing movie.
Sagot nito, “Ako po, preparation... Ummm, para sa amin, nag-script reading po kami. S’yempre, siguro ‘yun na ring pagtatanong kina Direk about sa character, about our relationship and the relationship between our co-actors. Siguro po ‘yung pag-prepare rin ng mga pagsigaw.”
Natanong din si Bea kung may mga challenges ba siya na na-encounter sa paggawa ng Posthouse.
Sagot niya, “Unang-una, I love everyone from the prod. Lagi ko pong sinasabi kahit sino’ng makausap ko kung kumusta ‘yung Posthouse, I love everyone. Parang even the production team, they’re one of the most efficient teams that I’ve ever worked with. S’yempre, isang malaking karangalan po na parang first directing film ni Micos and of course with Sid Lucero.
“Nakakatuwa. Ako naman po kasi ‘pag may trabaho, nagpapasalamat po tayo. At grateful po tayo. Sa lahat ng bagong artista, bagong team, bagong mga tao na makakatrabaho po natin.”
Natanong si Bea kung nakakatakot ang movie na ito at kung gaano nakakatakot sa set ng Posthouse?
Sagot ng aktres, “Meron pong eksena na - kasi magugulatin po akong tao - mabilis po akong tumili. Tsaka tumitili po ako. May isang eksena na nag-take kami. Serious kami s’yempre, tapos biglang may nahulog na something. Tapos po, as in naramdaman ko talaga. Tumakbo po ako palabas ng camera ng tumitili. Tapos, sabi niya, ‘Sayang, sana nagamit natin, kaya lang po ‘yung tili ko, ‘Ahhhh!’ ganu’n po, hindi po s’ya pang-horror, parang naging comedy. Pero ‘yung mga ganu’n na gulat na wala naman daw naghulog.”
Sabay tanong ni Bea kay Sid ng “Hinulog mo ba?”
Sagot ni Sid, “Wala akong alam.”
Samantala, umiikot ang Posthouse kay Cyril, isang film editor na nagtatrabaho sa isang lumang post-production facility na itinayo ng kanyang amang si Edd. Si Cyril ay patuloy pa ring ginugulo ng kanyang childhood trauma—mula sa hindi pa nalulutas na pagpatay sa kanyang inang si Judy, hanggang sa kababalaghang bumabalot dito. Hanggang ngayon, hindi pa rin siya makalaya sa bigat ng sariling pinagdaraanan at magulong buhay-pamilya.
