Kahit todo-buyangyang sa socmed… DAIANA, IPINAGSIGAWANG ‘DI SIYA ‘FOR SALE’ PARA SA EXTRA SERVICE

ni Julie Bonifacio @Winner | September 8, 2025

Photo: Daiana Menezes - IG

Kinol-out ni Daiana Menezes ang mga nagse-send ng private message sa kanya asking her “Magkano po.”

Marami pala ang nagpapadala ng PM (private message) kay Daiana at we guess, mga indecent proposals ang intensiyon ng mga nagtatanong ng ‘magkano’.

Ipinost ni Daiana ang napakaseksi niyang picture sa Facebook (FB) at doon ibinulgar niya ang mga nagtatanong.

Caption ni Daiana: “I get all your private messages. Respectfully, walang magkano-magkano po. I may pose sexy but I do not provide sketchy services.

“If you’re wondering about rates and messaging me ‘How much? How much?’, I am only providing professional services that I have been mastering since I was 18 years old (20 years) which are: hosting, performing, singing at your party, event, show or by simply being a special guest. Another scenario would be when I endorse your brand. That’s when we’ll meet and when you can ask for a price.

“Just to see me or be with me, sorry I don’t provide that kind of service.

“You can also reach me out by messaging me and I’ll direct you to one of my managers, the suitable one to handle your project.

“Looking forward to doing what I love, entertain and put smiles on your faces with ultimate respect for you, your family, friends, guests and your loved ones. Thank you for your understanding.”

Sa dulo ng caption ni Daiana ay inilagay niya ang detalye kung saan siya makokontak ng mga interesado na kunin siya for work.

Pinuri naman si Daiana ng mga netizens for exposing this kind of malicious act:

“Very well said, Ms. Daiana.”

“This is how to subtly and professionally decline indecent proposals. Nice one.”

“Don’t mind them, Daiana... You’re one classy lady. We salute you.”

Samantala, natawa naman kami sa comment ng isang netizen na very relevant sa current issue sa political arena ngayon, “Baka contractor ang nagtatanong.”

‘Di ba?

After ng proposal at pamamanhikan, wala na sa IG… PAOLA, TAMEME NA SA ‘DI PA RIN NATUTULOY NA KASAL NILA NI RYAN

ni Julie Bonifacio @Winner | September 7, 2025

Photo: Ryan Bang - IG

Trending si Ryan Bang at ang fiancée niyang si Paola Huyong sa social media. Napansin kasi ng mga netizens ang pananahimik ng magkasintahan sa social media at pati na rin sa plano nilang pagpapakasal.

Naganap ang proposal ni Ryan noong August, 2024. Nag-vlog pa tungkol dito ang Korean host sa kanyang YouTube (YT) channel at pinagpiyestahan ng mga netizens.

Marami ang natuwa at na-excite para kay Ryan sa nalalapit na paglagay niya sa tahimik gaya ng kanyang mga kasamahang hosts sa programa nila sa ABS-CBN, ang It’s Showtime (IS).

Makalipas ang isang taon, walang sumunod na balita tungkol sa plano nilang kasal.

Kaya nagtatanong ang mga netizens kung kailan na ang wedding nina Ryan at Paola, at kung matutuloy pa rin ba ito?

Nasilip ng mga netizens ang magkahiwalay na Instagram (IG) account nina Ryan at Paola.

Sey ng mga Marites…

“Wala nang post si girl sa IG n’ya. Ang galing naman ng Marites na nakapansin.”

“Naka-post pa rin sa IG ni Ryan Bang.”

Para mas klaro, nakisilip din kami sa IG account nina Ryan at Paola. True ang sabi ng netizen regarding Paola’s IG account. Wala nang post si Paola about Ryan, pati na ang marriage proposal.

Last post na naiwan sa IG ni Paola ay noon pang buwan ng Mayo kung saan binati niya ang kanyang ina ng “Happy Mother’s Day”.

Kani-kanyang judgement naman ang mga netizens sa palagay nila na nangyayari sa relasyon nina Ryan at Paola.

“Whaat?! Ang sad naman nito if true.”

“Akala ko married na. Hindi pa pala.”

“Oh my, this is so painful for Ryan if it’s true. Nag-Korea pa sila with the family, pamamanhikan kumbaga, then planning na, eh.”

“Baka ayaw talaga nila ru’n sa Pinay GF kasi ang gusto naman talaga ng Korean family, mga Korean din mapangasawa nila.”

“Mukha kasing ewan si Ryan, ‘di bagay sa kanya si Paola. Paola deserves someone na matured. Si Ryan, baby boy.”

Ganern?

---

DUMATING nang maaga si Cannes Best Director Direk Brillante Mendoza sa media launch ng Sinag Maynila Independent Film Festival (SMIFF) 2025 sa Gateway Mall sa Cubao, Quezon City noong August 20.

Isa si Direk Brillante sa mga founders ng Sinag Maynila katuwang ang Solar Entertainment Corporation president na si Wilson Tieng.

Naka-lock-in daw si Direk Brillante sa isang pelikula na ginagawa under his production outfit.

Like Direk Brillante, maaga ring dumating at umalis si Aljur Abrenica sa Sinag Maynila media launch. May shoot daw kasi si Aljur para sa Kapamilya action series na FPJ’s Batang Quiapo (BQ).

Bida si Aljur sa isa sa limang pelikulang nakapasok sa finalists for the full-length category, ang Jeongbu sa direksiyon ni Topel Lee.

Ginagampanan ni Aljur ang role ni Ethan sa Jeongbu. Kasama ni Aljur sa Sinag Maynila entry ni Direk Topel sina Ritz Azul at Empress Schuck. Ang ‘Jeongbu’ ay Korean word for “mistress”.

Kuwento ni Direk Topel, “Inumpisahan namin itong i-conceptualize before the pandemic. So ‘yung producer namin, gusto n’yang gawin. Nagkataon naman, nagkaroon ng pandemic. So, sa gitna noon, actually lockdown ‘yun, lahat kami, gusto talaga naming lumabas.

“Kaya hindi kami nahirapang kumbinsihin ang actors because they wanted to go to Baguio during the height of the pandemic.

“At the same time, ‘yung mga TF (talent fee) nila, binabali nila kasi they really wanted to go out. So, inumpisahan namin ito nu’ng pandemic, ngayon lang namin natapos.”

Mapapanood ang mga pelikulang kasali sa SMIFF 2025 simula sa Sept. 24–30 sa Gateway 2, Trinoma, Market! Market!, Robinsons Manila at Antipolo, SM Mall of Asia (MOA) at SM Fairview.

Kahit never pang nagkadyowa… MAXINE, UMAMING ‘DI PUWEDENG MAGING BF SI MARTIN

ni Julie Bonifacio @Winner | September 6, 2025

Photo: Maxine Trinidad - IG

Feeling blessed ang dating Pinoy Big Brother (PBB) housemate na si Maxine Trinidad sa ginanap na block screening para sa movie nila ni Martin del Rosario, ang Beyond the Call of Duty (BTCOD) na ginanap sa SMAISON Directors Club Cinema 3 sa Conrad Hotel sa Pasay City noong September 3.

Thankful si Maxine sa nag-sponsor ng block screening para sa kanyang first lead role movie, ang dating artista rin na si Charles Yulo. Si Charles ay lumabas bilang best friend ni Billy Crawford sa pelikulang Momzillas na pinagbidahan nina Maricel Soriano at Eugene Domingo under blockbuster director, Direk Wenn V. Deramas.

Nakasama ni Charles si Maxine sa workshops nila sa ABS-CBN noon. Kaya bilang suporta sa kanyang kaibigan ay nag-sponsor ng block screening si Charles na dinaluhan ng kanyang family sa pangunguna ng kanyang ina na si Mommy Mayeth at ng kanyang only sister, kasama ang mga employees sa kanilang seafood business. 

Love rin kasi ni Mommy Mayeth si Maxine dahil pareho silang maka-Diyos.

Pahayag ni Maxine, “It feels so good and it feels so blessed na magkaroon ng block screening bilang isang baguhang artist. And kinakabahan, kasi first of all, bago pa lang sa industriya. Siyempre, marami pang improvements. Pero ako po kasi, open naman ako sa mga improvements.”

Naikuwento sa amin ni Maxine kung paano niya nakuha ang lead part sa BTCOD. Meron pa raw siyang shoot sa ibang pelikula niya na hindi pa naipapalabas when she went to the audition para sa female lead role.

Kuwento ni Maxine noong makatsikahan namin sa dinner sa Lola Restaurant sa Conrad Hotel, “November po ‘yun and I have actually a flight na going to Europe, for a trip lang naman po. December-January ‘yun supposedly. December to February. Last week ng December hanggang January. At least, one month to one and a half. Kasi sayang din naman, Europe na.

“Eh, kaso ang nangyari, ang test shoot, nasa January. So, we had a meeting. Sabi ko, I’ll sacrifice this Europe trip. Kasi ang Europe, nand’yan lang. But this lifetime experience, this one-in-a-lifetime experience, I will grab the opportunity.

“And this is a dream job. So, hindi natuloy ang Europe trip ko. Isinakripisyo ko ‘yung ticket ko. Yeah, I sacrificed it. Sabi ko na lang, next time. Kasi ang project na ‘to is very big to me po.”

Pansin agad namin sa movie ang chemistry nina Maxine at Martin. And on top of that, nakasabay si Maxine sa acting ni Martin. Kilala na rin naman si Martin sa movie industry bilang mahusay na aktor.

“Yes, it was truly a privilege. Knowing Sir Martin del Rosario, sinir (tinawag na Sir) ko pa ‘yun. ‘Huwag ka na mag-Sir,’ sabi ni Martin sa akin. Kasi ganu’n po ako, eh, mahilig magsabi ng ‘Sir.’

“So sabi n’ya, ‘‘Wag ka nang mag-Sir.’ And then, nakita ko ‘yung acting n’ya sa Lolong na napakagaling. Very privileged and honored at talagang hindi n’ya ipinaramdam sa akin na baguhan ako. We are very collaborative. He is very collaborative. Nadadala n’ya ako,” lahad ni Maxine.

Hindi nga lang puwedeng maging on-and-off screen ang tambalan nina Maxine at Martin. Hindi pa raw kasi ready si Maxine to have a boyfriend. In fact, at 22 ay never pa raw siyang nagka-boyfriend.

Gusto raw kasi muna ni Maxine na makapagtapos sa college. Right now, nag-aaral daw siya sa Southville International School ng Business Management.

Naging PBB housemate si Maxine sa Kumu version ng Bahay ni Kuya noong 2022, that was post-pandemic daw. And now, naka-ilang seasons na ang PBB kaya ‘di na rin sila matandaan ng publiko.

“Oh, yeah. Actually po, may mga nagsasabi talaga na ‘‘Di namin narinig ‘yung batch n’yo.’ As in harap-harapan sa akin. For me naman po, aware ako sa ganu’n. Hindi naman ako nahe-hurt. Kasi that’s truth naman po, dahil po siguro post-pandemic. Mas nagiging matunog ‘yung mga recent PBB batch. Pero for me naman po, ‘yung journey po talaga ang mas nananaig. Ito po ‘yung naging way sa akin, gateway to get to mainstream and to get this

project. I’m so blessed,” diin pa ni Maxine.

Showing pa rin po ang movie nina Maxine at Martin, ang Beyond the Call of Duty, sa mga sinehan.