May ina-update sa mga ganap niya... RHIAN, PROUD SA SOCMED NA KASAMA SI MICHELLE

ni Julie Bonifacio @Winner | March 1, 2026

Photo: @whianwamos - Instagram

Tila nanunuya ang dating sa iba ng post ng aktres na si Rhian Ramos sa kanyang Instagram (IG).

Ipinost ng aktres ang isang video kung saan nag-a-update siya ng ganap niya for that day sa isang kakilala na hindi niya binanggit ang pangalan. 

Palaisipan tuloy kung para kanino ang pag-a-update nito ng mga ginagawa niya.

Nakalagay sa video ni Rhian, “Update na lang kita since walang nag-u-update sa ‘yo.”

Nagsimula ang video ni Rhian pag-alis niya ng bahay at natapos sa paghiga niya sa kama kinagabihan.

“Hey, I just left the house. I’m with Michelle (Dee). I’ll be back in two hours,” panimula ni Rhian sa video.

Duda ng mga netizens, may kinalaman sa mga personalidad na sangkot sa kontrobersiya sa kanyang dating driver at sa nawawalang angpao ang pinatutungkulan ni Rhian ng kanyang update.

Reaksiyon ng netizen sa comment post, “Wala ka rin namang ma-update, eh!”

Sagot ni Rhian Ramos, “Apps ko lang na-update ko.”

Ganern?

---

Mula 82 lbs., 114 lbs na... KRIS, MAGANA NA ULUNG KUMAIN

Lumobo na ang mukha ni Kris Aquino sa latest photo niya na lumabas sa social media kahapon.

Nagkalaman na hindi lang ang mukha ni Kris kundi pati mga braso at ilang bahagi ng kanyang katawan.

Tsika nga ng kaibigan niyang si Boy Abunda, nadagdagan na ang timbang ni Kris nang huli silang nagkausap. Mula sa 82 pounds, naging 114 lbs. na raw ang timbang ni Kris.

Nagkaroon na raw kasi ng gana si Kris sa pagkain. No wonder, kaya nagkalaman muli ang kanyang katawan.

Ipinost ng executive producer ng dating talk show ni Kris na si Jasmin Pallera ang larawan na kuha nang binisita nila nina Darla Sauler at Melai Cantiveros ang Queen of All Media sa kanyang bahay.

Caption ni Jasmin, “We were beyond joyful to spend a beautiful evening with Krisy, Josh, and Bimb. Even more heartwarming was seeing Krisy finally finding her appetite again, yay for baby steps.

“Ang saya lang namin as we revisited the beautiful, hilariously unforgettable Kris TV moments we shared. Ang dami naming tawa!”

Natuwa ang mga netizens sa pagbuti ng hitsura ni Kris ngayon.

Sey ng isang fan, “Grabe, mas maaliwalas ang mukha ni Ms. @krisaquino ngayon! She’s really getting better. Praise God! Thank you Ms. @jasminip for sharing this photo. Fans are happy!”

Mukhang naging successful ang last treatment na pinagdaanan ni Kris last Sunday. Sana’y magtuluy-tuloy na ang magandang senyales sa kalusugan ni Kris.

Aktres, excited nang mag-beach… VICE KAY ANNE: AYOKONG MAKITA KANG NAKA-PANTY!

ni Julie Bonifacio @Winner | February 28, 2026

Photo: VIce Ganda at Anne Curtis - Instagram

Inokray ni Vice Ganda si Anne Curtis. 

Palagi namang ganoon ang dalawang hosts ng It’s Showtime (IS), lagi silang nagbibiruan pero mas madalas siyempre, si Vice ang nanlalait kay Anne.

This time, sa social media naman niya binanatan si Anne. Nag-post si Vice ng picture niya habang nasa beach at may dalang malaking bag.

Sey ni Vice sa post niya, “The bitch is missing the beach.”

Comment ni Anne, “Let’s go? (heart emoji).”

Sagot ni Vice, “Ayokong makita kang naka-panty!”

Siyempre pa, aliw na aliw ang mga followers ni Vice sa banat niya kay Anne.

Komento ng mga fans:

“Tawang-tawa ako.”

“Magbi-briefs daw si @annecurtissmith para sa ‘yo, Meme.”

Hahaha! Ganern? Aabangan natin ‘yan!

---

Proud na ini-announce kahapon ni Jodi Sta. Maria sa X na officially enrolled na siya para sa kanyang master’s degree sa Psychology.

“After the setbacks and delays, it’s finally happening. Officially enrolled in my MA in Psychology with Specialization in Family Life Development. Delayed doesn’t mean denied. Thank You, Lord,” pagmamalaki ni Jodi.

Puring-puri si Jodi ng kanyang mga followers sa bago niyang achievement sa buhay.

Sey ng mga netizens…

“Wow! God bless on this new journey Jodi!”

“God bless and good luck. Enjoy every moment and have fun with everyone during the journey.”

“Ate Jods, I’m so proud of you. God’s timing is always perfect. Delayed but never denied talaga. Excited for this new chapter of your MA journey. This is just the beginning of greater things ahead. I’m celebrating with you.”

Ibinahagi ni Jodi ang bago niyang achievement para magbigay-inspirasyon. Hindi raw naging madali ang pag-e-enroll niya sa kanyang masteral degree.

Mensahe ng isang fan, “You inspired me so much, Ma’am (Jodi). Planning to go back to school na rin soon. Makakatapos ako no matter what happens.”

Reply ni Jodi Sta. Maria, “Go for it!”

Wow!

May pasabog sa Araneta Coliseum… ANDREA, BAGONG PRINSESA NI MVP

ni Julie Bonifacio @Winner | February 27, 2026

Photo: Andrea Brillantes - Instagram

Pasabog ang ginawang performance ni Andrea Brillantes sa halftime ng pa-basketball tournament ni Mr. Manny V. Pangilinan, CEO ng TV5. 

Bonggacious ang outfit ni Andrea sa kanyang production number dahil lutang na lutang ang kaseksihan niya.

Ipinost ni Andrea ang tatlong pictures niya wearing her outfit during her halftime performance sa kanyang Instagram account.

Caption ni Andrea, “Yesterday’s halftime moment at Smart Araneta Coliseum.”

Pinasalamatan ni Andrea si MVP at tinawag na boss sa huling bahagi ng caption niya.

Tama naman, boss niya talaga si MVP. May kontrata siya sa streaming platform nito at may series sila ni Enrique Gil, ang A Secret in Prague (ASIP) na ipinrodyus din ng business tycoon.

Mukhang si Andrea Brillantes ang bagong prinsesa ni MVP.

Why not?

---

TUMALAK si Angel Locsin sa social media sa kabila ng kanyang pananahimik. Hindi nakatiis si Angel na lumantad online para depensahan ang stepson niyang si Joaquin Arce.

Si Joaquin ay anak ng mister ni Angel na si Neil Arce sa una nitong misis. At the same time, isa si Joaquin sa mga housemates ngayon sa Pinoy Big Brother Celebrity Collab Edition 2.0.

Nag-react si Angel nang sabihang ‘nepo baby’ si Joaquin online. Isang mahabang mensahe ang ipinost niya sa X (dating Twitter) kahapon upang ipagtanggol si Joaquin.

“Bihira lang akong mag-social media, ha. Pero nagulat ako sa comments ng ilang tao rito. Ano namang kasalanan ni Joaquin at naging asawa ko ang dad n’ya para ma-brand s’ya as nepo baby?” panimula ng post ni Angel sa X.

Ipinaalala ni Angel sa mga netizens na dati rin siyang nasa ibaba at naranasan ang ginagawa ng mga mahihirap gaya ng pagsakay sa public transportation.

Pagre-remind ni Angel sa publiko, “Para namang ‘di ako nag-dyip o bus papuntang tapings ko dati. Ka-level ko pala si Discaya? LOL (laugh out loud). Pero ‘yung pera ko, ‘di galing sa nakaw.

“‘Yung 12K na boto ko kay Joaquin sa buong journey n’ya, baka dagdagan ko, maasar ko lang ‘yung ibang gumagawa ng issue.

“My son could have asked me for a project, but ang hiniling n’ya is mag-audition sa PBB. ‘Wag bitter. Nakakapangit ‘yan.”

Marami ang nakaintindi kay Angel sa pagdepensa kay Joaquin online.

Sey ng mga fans:

“Me as a stepmom, would do the same.”

“Grabe si Idol Angel, kahit minsan lang magsalita, mapi-feel mo pa rin talaga na sobrang bait at napaka-soft lang ng talk n’ya. Ikaw lang talaga ang Darna sa akin, Idol Angel Locsin.”

Inilahad naman ng nakasubaybay kay Joaquin sa loob ng PBB house kung bakit nakasama ang stepson ni Angel sa Ultimate 8.

“Mas marami rin s’yang lie na nakuha kahit na sincere naman ang mga sagot n’ya. Pero ‘yung ibang housemates, puro truth kahit harapan sa screen at kita na nagsinungaling. Parang pinag-usapan pa ng mga housemates bago sila magtaas ng kamay, tinginan muna sa mga kasama nila kung ano ang ibo-vote nila. Unfair ito para kay Joaquin.”

“Si Joaquin ang pinakatotoo. Ipinakita n’ya ang mga imperfections n’ya pero still willing to listen and to improve.”

“Mabait na tao si Joaquin, may strong personality s’ya. Sadyang may mga taong ‘di nakakaintindi pero mabuti si Joaquin. Sila ni Lella (Ford) ang Big Winner ko.”

So, there!