May hugot, Paulo… “SOME THINGS YOU HAVE TO LET GO, FOR YOU TO GROW” — KIM

ni Julie Bonifacio @Winner | January 29, 2026

Photo: FB Kim Chiu

Gustong maiyak ni Kim Chiu sa tagumpay ng kanyang closet bazaar. Maaga pa lang ay sumugod na sa venue ang mga fans. Kaya bago pa man magbukas, napakahaba na ng pila.

Pagdating ng hapon, ubos na raw agad ang mga panindang damit ni Kim.

Post ni Kim sa X (dating Twitter), “I wanna cry na talaga. Maraming salamat po for all the love and support.”

Trending agad sa social media ang pa-bazaar ng Chinita Princess.

Sey ng mga netizens…

“‘Yung 10 AM to 8 PM na closet bazaar ni Kim, naging 10 AM to 4 PM. Ang bilis naubos. Paano kaya ulit bukas? Baka 12 MN, may pila na.”

“Overwhelming support for Kimmy, always and in all ways.”

“The sentimental value of those clothes, the story of the moment while she wore it. Letting fans own a piece of what holds value is a lovely way to share memories.”

Ini-repost ni Kim ang comment ng netizen tungkol sa sentimental value ng kanyang mga damit na tila may hugot ang It’s Showtime (IS) host.

Sey ni Kim, “Me too, but some things you have to let go, for you to grow. Hahaha! Char. Eme lang!”

Talaga ba, Kim?

---

Ipinagsigawan sa socmed…

ANDREA, NAMI-MISS NA RAW NG DYOWA

NA-MISS agad si Andrea Brillantes ng rumored boyfriend niya na si Franchesko Juan ‘Pankie’ Capistrano.

Nag-comment ang binata sa Instagram (IG) post ng aktres kahapon.

Kasalukuyang nasa Prague si Andrea at nagsu-shooting ng series nila ni Enrique Gil titled A Secret in Prague (ASIP). Dahil sa role ni Andrea sa series nila ni Quen kaya siya nagpa-blonde ng buhok.

Sa latest IG post ni Andrea ay binalikan niya ang nakaraang hitsura niya bago nagpakulay ng buhok.

Caption ni Andrea: “Last dump post for my brunette hair before we forget about her (heart emoji).”

Kita agad ng mga netizens ang reaksiyon ni Pankie sa post ni Andrea.

“I miss you,” sey ni Pankie.

Todo-kilig naman ang mga faney ni Andrea sa comment ni Pankie.

Sey ng mga nakakita ng comment:

“Tamis!”

“Ramdam ang lumbay #relate.”

“Grabe ang pangungulila.”

Kabog!

Naghihigpit na raw sa airport sa ibang bansa… ANNE, NAPRANING SA BAGONG VIRUS

ni Julie Bonifacio @Winner | January 28, 2026

Photo: FB Anne Curtis

Natakot si Anne Curtis sa balitang pagkalat ng Nipah virus. 

Nag-post ang aktres sa X (dating Twitter) ng kanyang saloobin tungkol sa bagong virus.

Sey sa news, may mga naghihigpit na protocols sa airport sa ibang bansa.

Napakahigpit na raw at may ipinapatupad na health and safety protocols sa airport ng Thailand, Hong Kong, at Taiwan. 

Nagkaroon daw kasi ng outbreak ng Nipah virus sa West Bengal sa India.

Caption ni Anne, “I was just reading about this. Afraid. #praningSiANNEing.”

Kinumpirma naman ng mga netizens ang mga balita tungkol dito.

Sey ng mga netizens…

“The recent news about NiV (Nipah virus) is concerning, especially after the new cases reported in West Bengal. Your information is absolutely correct.”

“I know. And wala man lang warning from @DOHgovph? Hihintayin na naman ba na may makapasok ulit dito sa atin at kumalat bago maghigpit?”

Pinakalma naman ng isang netizen si Anne, “Ms. Anne, you don’t need to be afraid. Just be prepared. Nipah virus is not as transmissible as the virus causing Covid-19. Just have on hand a respirator (like N95) which filters more effectively than surgical masks. In your house, have good quality air purifiers.”

‘Yun naman pala!

---

IDINISPLEY ni Xyriel Manabat ang kanyang underwear sa recent Instagram (IG) post niya. Nakangiti pa si Xyriel habang ipine-flex ang kanyang undies.

Nakasulat sa kanyang underwear ang ‘break rules’ na tila may nais siyang ipahiwatig.

Pinagpiyestahan din ng mga netizens ang dibdib ni Xyriel. Halos lumuwa ang boobs niya sa suot niyang bra na katerno ng kanyang ipinapakitang bikini.

Sinuportahan naman si Xyriel ng kanyang mga celebrity friends sa kanyang IG post.

Sabi ni Esnyr, “GANYAN NGA.”

“HOTTIE,” reaksiyon ni AZ Martinez.

“Wowowowow,” sabi ni Daniela Stranner.

Samantala, sa comment section, may tumawag na ‘Bruha’ kay Xyriel at ito ay ang vlogger na si Senyora.

Kung si Heart, kasama pa ang madir… PIA, BALIK SA PAGRAMPA SA PARIS FASHION WEEK

ni Julie Bonifacio @Winner | January 27, 2026

Photo: FB Pia Wurtzbach

Rumampa ulit si Pia Wurtzbach-Jauncey sa Paris Fashion Week (PFW).

Ipinakita ni Pia sa Instagram (IG) ang larawan niya na naka-check-in sa isang malaking room sa isang mamahaling hotel sa Paris.

Caption ni Pia, “Back in Paris! A new season unfolds at @lemeuriceparis (France flag).”

Ayon sa isang netizen tungkol sa hotel kung saan nag-check-in si Mrs. Jeremy Jauncey, “Pia is staying at @lemeuriceparis, the hotel of Artists and Thinkers! (in love & clap emoji).”

Marami ang nagbunyi sa pagbabalik ni Pia sa PFW.

Sey ng mga netizens…

“Queens don’t chase, we reign. Woohoo Mrs. Jauncey attending this year’s PFW Haute Couture edition!”

“Our Queen is back in Paris!”

“Wurtz, back in Paris.”

Muli, hindi pa rin tumigil ang pagsasabong ng mga netizens kay Pia at sa Kapuso star na si Heart Evangelista.

Komento ng mga fans… 

“Always lusting for people’s money to buy bots.”

“Pero ‘yung YSL ranked 2 organic din, LOL (laugh out loud).”

“Galing ni Miss Universe Pia, dahil sa pagsusumikap n’ya kung nasaan s’ya ngayon.”

“Yes, we stan hardworking self-made queen (crown & heart emoji).”

May nagtanong din sa comment section tungkol sa ina ni Pia, na halatang patama sa ina ni Heart na si Cecilia Ongpauco, na ka-tandem na ng misis ni Sen. Chiz Escudero sa pagrampa sa Paris Fashion Week.

Tanong ng isang fan, “Is your mom coming too? Char! (laughing emoji).”

Kabog!

---

Naging gay performer sa Japan…

DATING ACTION STAR, TRANSWOMAN NA NGAYON

NAIS magbalik-showbiz ng dating male star na si Arthur Benedicto at ngayon ay isa nang transwoman bilang si Bambi Moreno.

Pagkatapos ng kanyang stint sa showbiz noon, kung saan nasubukan din niya ang maging action star, pumunta si Bambi sa Japan at doon ay naging male performer. 

Hindi kalaunan ay nag-iba siya ng gender preference. Bilang gay performer sa Japan, naakit siya sa laki ng kinikita ng isang transgender performer sa isang bar na pinagtatrabahuhan niya. 

Hindi nagtagal, nagdesisyon siyang magpa-sex change at ngayon ay isa na siyang transwoman. 

Bumabalik-balik pa rin siya ng Pilipinas every now and then gaya na lamang noong mainterbyu namin siya kamakailan.

This time, nais ni Bambi na muling humarap sa kamera bilang artista.

“Hinahanap ng katawan ko ang pag-arte kahit sa TV, kahit konting role lang. Kaya gusto kong bumalik. Sabi ni Tito Alwyn Ignacio (her publicist), bagay daw ako magkontrabida,” pahayag ni Bambi.

Willing daw siyang gawin kahit ano ang ipagawa sa kanya. Gusto niyang makaeksena sina Judy Ann Santos at Ivana Alawi.

Type rin niyang makipagsabayan ng pagkokontrabida kina Gladys Reyes at Angel Aquino.

“Ang napapanood ko sa online like Netflix, si Kim Chiu,” sabi niya.

Gusto rin niyang makatrabaho sina Jay Manalo at Alfred Vargas. 

Sa younger generation naman ay sina Darren Espanto at Kyle Echarri.

Dream ni Bambi na makalabas siya sa FPJ’s Batang Quiapo (BQ) ni Coco Martin. Sana raw ay magkaroon ng opportunity na makita siya ni Direk Coco.

Well, sana nga ay mapagbigyan si Bambi Moreno.