Keri pa ba, besh?... Tips para labanan ang stress na nakukuha sa trabaho

ni Jersy Sanchez - @No Problem| December 15, 2020

Napakahirap iwasan ng stress. Gayunman, ang pinakaimportanteng stress management technique ay malaman kung ano ang sanhi ng physical, mental at emotional effects nito.

Kaya para harapin ito nang tama, dapat nating malaman ang puno’t dulo nito. Well anu-ano nga ba ang sanhi ng work-related stress at paano ito lalabanan?

• COMPANY CULTURE. Ang mga palasigaw na boss, office bullies at nakaiiritang workmates ay nagiging dahilan kaya pakiramdam ng isang empleyado ay inaabuso siya at parang hindi belong. Ang ending, sumasama ang loob ng empleyado sa kumpanya at ibinabalik sa iba ang hindi magandang pakikitungo ng kapwa empleyado.

• ‘DI PATAS NA EFFORT-REWARD SYSTEM. Base sa research, itinuturing na “reward” ng mga empleyado ang reasonable na suweldo para sa demand ng trabaho, pagkaka-promote at simpleng papuri o appreciation mula sa kanilang boss. Gayunman, nawawalan sila ng interes o energy na magtrabaho ‘pag hindi ito naibibigay sa kanila. At ito naman ang nagiging sanhi ng pagkakaroon ng negative thoughts na nagreresulta ng negative outputs.

• WORK-LIFE IMBALANCE. Napakahalaga ng stress management para maisalba ang mga empleyado mula sa ideya ng pagre-resign. Dahil madali nang ma-access ang teknolohiya, kadalasan, naiistorbo ang kanilang bakasyon o day off dahil kahit hindi dapat magtrabaho, nakatatanggap pa rin ng “urgent” e-mail o phone call sa kanilang boss. Dahil dito, pakiramdam nila, nawawala ang essence ng bakasyon o pahinga, at ang ending, work mode pa rin kahit nasa labas ng opisina. At ito ang numero-unong dahilan kaya maraming empleyado ang nakararanas ng burnout.

Dahil alam na natin ang pangunahing sanhi ng workplace stress, narito naman ang ilang stress management tips para sa inyo:

1. HEALTHY LIFESTYLE. Sikaping magkaroon ng sapat na tulog, kumain ng masusustansiyang pagkain at mag-ehersisyo. ‘Ika nga, hindi ka mapu-pull down ng ‘external affairs’ kung oks ang iyong panloob na kalusugan.

2. MAGBAKASYON. Ito na siguro ang pinakapaboritong paraan ng mga empleyado sa pagre-relieve ng stress. Kaya para labanan ang “mini burnouts” at “creative blocks”, subukang i-reward ang iyong sarili sa pamamagitan ng bakasyon o leisure time. Maliit man o malaking achievement ‘yan, deserve mo ng reward o pahinga. ‘Ika nga, hindi tayo nabubuhay para lang magbayad ng bills.

3. UMIWAS SA MGA NEGA. Say good bye sa mga toxic na tao kung keri naman. Gayundin, humanap ng grupo ng kaibigan sa trabaho na magbibigay-saya sa iyo sa halip na work-related stress.

4. YOGA AT MEDITATION. Ang yoga at meditation ay nakatutulong para ma-detoxify ang isipan at katawan. Bukod sa nakatutulong para maging healthy at manatiling nakapokus sa outlook sa buhay, nagbibibigay ito ng positibong enerhiya sa iyong perspective.

Ayan, mga besh, make sure na susundin n’yo ang ilang tips na ito nang sa gayun ay malabanan natin ang stress na nakukuha sa pagtatrabaho.

Gayundin, ‘wag kalimutang ibahagi ang artikulong ito sa inyong mga kakilala o kapamilya. Okie?

Tips para ‘di mabiktima ng donation scam

ni Jersy Sanchez - @Life&Style| November 23, 2020

Pagkatapos manalasa ng serye ng bagyo sa bansa, nagsulputan ang kaliwa’t kanang donation drive bilang tugon sa apelang tulong ng mga pamilyang nasalanta ng bagyo sa iba’t ibang lugar.

Sa sobrang dami, hindi natin alam kung saan at kanino dapat mag-donate, kaya naman agad na nagbabala ang kapulisan na mag-ingat sa mga “donation scam”. Ito ‘yung mga nangangalap ng donasyon kuno, pero ‘di naman sa mga nangangailangan mapupunta ang pera kundi sa kanilang bulsa. Awww!

Kaya ang ending, ikaw na ang tutulong, na-scam ka pa. Tsk! Pero worry no more dahil narito na ang ilang tips para makaiwas sa mga donation scam:

1. BACKGROUND CHECK. Sa panahon ngayon, ‘di puwedeng hindi natin ito gawin, lalo na kung may involved na pera. Tutal, nasa post naman ang mga detalye tungkol sa donation drive, maaaring i-search muna ang pangalan, bank account details o contact number ng taong nanghihingi ng donasyon.

2. NAMIMILIT MAG-DONATE. Minsan, istayl din nila ang mamilit para mag-donate ang target na biktima. Ayon sa kapulisan, kinukuha ng scammer ang tiwala at kumpiyansa ng biktima para malihis ang atensiyon mula sa pagtse-tsek kung legit sila o hindi.

3. PAIBA-IBANG PANGALAN. Kailangang consistent ang lahat ng detalye kung saan mula sa pangalan ng iyong makakausap hanggang sa bank account details, dapat pare-pareho ito. Kung magkakaiba ang mga pangalan ng account at nakausap o nagpakilalang naghahanap ng donasyon, isip-isip muna.

4. TRANSPARENCY RECORD. Kung malinis ang intensiyon ng grupo o indibidwal na makatulong sa mga nangangailangan, for sure, madalas itong magbibigay ng update sa progreso ng donation drive tulad ng kung magkano na ang nalikom, anu-ano na ang mga plano at marami pang iba.

5. MAGTANONG NANG MAGTANONG. ‘Ika nga, ‘wag mahihiyang magtaong, besh! Alamin kung may ibang tulong pa na puwedeng ipaabot bukod sa pera tulad ng pagkain, damit, hygiene kits at kung anu-ano pa.

Kapag tumulong tayo, tiyaking mapupunta ito sa karapat-dapat at hindi sa kung sinu-sino lang. Tandaan, pinaghirapan natin ang perang ito, kaya dapat lang mapakinabangan ng mga totoong nangangailangan.

Paalala naman ng mga awtoridad, ‘pag ‘di nakaligtas sa scam, maaring magsampa ng reklamo sa Philippine National Police-Anti Cybercrime Group (PNP-ACG) sa pamamagitan ng Facebook, Twitter, official website at hotlines nitong 0915-589-8506 (Globe) at 0961-829-8033 (Smart). Copy?

Tips para maging productive sa trabaho gamit ang self-care practices

ni Jersy Sanchez - @No Problem| November 17, 2020

Sa panahon ngayon, parang napakalaking achievement na mapagsabay ang pagtatrabaho at pag-aalaga sa sarili o “self-care”. Karamihan kasi sa atin, sobrang tutok sa trabaho, kaya gustuhin mang mag-recharge o magpahinga, hindi puwede dahil maraming demand ang trabaho. Minsan pa, nakapagpahinga o naalagaan mo nga ang iyong sarili, napababayaan naman ang trabaho.

Kaya ang tanong ng marami, paano babalansehin ang magandang performance o pagiging produktibo sa trabaho nang hindi napababayaan ang sarili? Narito ang ilang self-care practices na nakatutulong sa ating productivity:

1. TAKE MORE BREAKS. Ayon sa isang survey noong 2019, ang pagkakaroon ng mas maraming break time sa trabaho ay nakatulong upang maging produktibo ang mga empleyado. Base sa 90% ng sumagot sa survey, mas “refreshed” at handa silang magtrabaho ‘pag nag-break time sila sa ibang lugar o ‘pag wala sa kanilang work desk o station. Kaya mga besh, ‘pag may sandamakmak kayong work load, mas mabuting mag-break o lumayo muna sa station kung kakain at magrelaks para matulungan ang katawan at isipan na mag-recharge.

2. UNAHIN ANG AYAW GAWIN. Lahat tayo ay may kani-kanyang “energy pattern” araw-araw. Kung ikaw ay ‘yung tipo ng tao na energetic sa umaga, gamitin ang enerhiyang ito sa mga bagay na ‘di mo paboritong gawin. Sa ganitong paraan, ‘pag unti-unti nang nabawasan ang iyong energy, alam mong exciting o masaya naman ang mga susunod mong gagawin.

3. MAGLAAN NG ORAS SA HOBBY. Sa totoo lang, nakakapagod isipin na kailangan nating maging produktibo araw-araw dahil sa trabaho. Gayunman, ang paglalaan ng maraming oras para sa hobby ay nakapagpapaganda ng mental health, gayundin, nakatutulong ito para mas maging productive sa trabaho sa pamamagitan ng pagre-recharge ng mental health energy level at happiness. Para makapagpokus sa mga bagay na gusto mong gawin, kailangan mong mag-ipon ng emotional energy para magawa ang mga bagay na hindi mo gaano gustong gawin.

4. GUMAWA NG MAGANDANG TO-DO LIST. Ayon sa isang article na nai-publish noong 2015 sa journal na Nature, the more na gusto mo ang iyong workspace, mas magiging productive ka. Ito ay dahil ang mga aesthetically pleasing offices at work environment ay nag-i-stimulate ng emotional investment sa iyong mga task, na nagreresulta ng productivity. Kaya hindi mo man kontrolado ang physical space kung saan ka nagtatrabaho, puwede mong kontrolin ang maliliit na detalye tulad ng disenyo ng iyong to-do list.

5. MAG-STRETCHING. Ang pag-stretching ay hindi lang para sa mga taong flexible. Ang simpleng pag-stretch ng iyong mga braso habang nakaupo ay maaaring makapagbigay ng benepisyo ng pag-i-stretching habang nasa trabaho.

6. SET BOUNDARIES. Kung wala ka naman sa trabaho, puwede mong ilabas ang iyong frustrations dito. Pero kung gusto mong maghanap ng oras para sa iyong sarili, mabuting ‘wag munang isipin ang trabaho dahil makatutulong ito sa overall productivity. ‘Ika nga, dapat magkaroon ng boundaries ang social life at trabaho. Ang pagme-maintain ng boundaries sa personal na buhay at trabaho ay nakatutulong para ma-“unplug” at ma-clear ang iyong isipan at katawan.

For sure, kayang-kaya n’yo ‘tong gawin, mga besh. Kung feeling n’yo ay mahirap, puwede naman itong subukan kahit sa maliliit na hakbang dahil ang importante, sinusubukan natin.

Hindi naman masamang alagaan ang ating sarili dahil ito naman ang dapat. Kaya kung nagdadalawang-isip ka pa, beshy, gawin mo na. Keri?