ni Janiz Navida @Showbiz Special | July 11, 2026
Photo: IG _ryzzamaedizon
One month pa lang si Bimby Aquino Yap sa Eat… Bulaga! bilang guest co-host pero marami na ang naging followers ng love team nila ni Ryzza Mae Dizon, ang MaeBy.
Kilig na kilig ang marami sa kanilang sweetness at sila na talaga ang bagong AlDub (Alden Richards-Maine Mendoza) na inaabangan ngayon araw-araw sa noontime show ng TV5.
Todo-sakay naman si Ryzza Mae sa mga kantiyaw at panunukso sa kanila ni Bimby ng mga hosts ng EB!.
Sa latest episode nga ng Eat… Bulaga!, umakting si Ryzza Mae na beauty pageant candidate at nang magpakilala ito, humirit ng, “Hi, mga Dabarkads! My name is Ryzza Mae Dizon Cojuangco Aquino, from Pampanga!”
Kaya naman aliw much talaga sa kanya ang mga nanonood at nag-trending ang naturang pasabog niya.
Oh, well, kung sakali naman sigurong magka-develop-an talaga sina Ryzza Mae at Bimby ay hindi tututol si Kris Aquino dahil kilala na niya ang ugali at personalidad ng dating nakilala bilang si “Aleng Maliit”.
In fairness kay Ryzza, mukhang blooming ito ngayon. Iba rin ‘di ba, Bimb?!
Dati, todo-gastos sa luho… FYANG, WAIS SA PERA, NAKABILI NA NG MGA LUPAIN
NAKAUSAP namin ang manager ni Fyang Smith na si Mannix Carancho sa ginanap na media launch last Thursday ng Mannix Management, kung saan ipinakilala ang iba pang talents na alaga niya bukod kay Fyang.
Mga social media influencers ang iniharap at ipinakilala ni Mannix sa entertainment press, na nakakabilib dahil daanglibo kundi man milyon ang mga followers nila sa Facebook, Instagram at Tiktok.
Kaya naman maiisip mo talaga na sa panahon ngayon, hindi mo na kailangang mag-artista para sumikat, dahil kahit hindi sila napapanood sa TV o movies, super-dami nilang followers kaya kumikita na rin sila sa kani-kanilang social media platforms at nakakatulong sa kanilang pamilya.
At lahat sila ay todo-pasalamat kay Sir Mannix na CEO & president ng Prestige International at isa sa mga pinakaimpluwensiyal na digital personalities sa Pilipinas.
Aminado kasi ang mga talents ng Mannix Management na malaki ang naging tulong sa kanilang buhay ni Mannix para sila ay sumikat at magkaroon ng daanglibo o milyong followers sa social media.
At kahit naman mismo si Mannix ay may mahigit isang milyon ding tagasubaybay sa TikTok (TT), Facebook (FB) at YouTube (YT) at nakilala nga rin siya bilang Lord of Soap.
Anyway, natanong namin si Sir Mannix kung paano naman niya nabago ang buhay ni Fyang Smith na ngayon ay may sarili nang serye at may pelikula ring kasama sa MMFF 2026, ang Haunted Carnival with Julia Barretto and Diamond Star Maricel Soriano.
Aniya, masaya siya sa natatamong tagumpay ngayon ni Fyang at kahit naman noong nagsisimula pa lang ito sa kanya, nakitaan na niya ng potensiyal na sumikat dahil talented ito.
At ngayong kumikita na si Fyang, happy si Mannix na nakabili na raw ng mga properties ang kanyang alaga bilang investment. Sa guidance ng mommy ni Fyang, nailagay sa maayos ang kanyang kinikita at hindi sa luho lang.
Nu’ng una raw kasi ay nahilig din si Fyang na bumili ng mga branded bags, pero ngayon, alam na nito kung paano gagamitin nang tama ang pera.
Wish lang ni Mannix ay mas tumagal pa sa industriya si Fyang at mas dumami pa ang shows and movies nito. And of course, wish din niyang makapasok din sana sa mainstream ang iba niyang alaga tulad ni Fyang kaya naman todo-support siya sa career ng mga ito.
MULING ipinamalas ni Dr. Nick Vera Perez ang husay bilang Master of Ceremonies sa ika-3 taunang United Philippine Sports Alliance (UPSA) Basketball Tournament, na ginanap kasabay ng pagdiriwang ng ika-250 anibersaryo ng Araw ng Kalayaan ng Estados Unidos na dinagsa ng halos 2,000 atleta at mga tagahanga.
Bilang Master of Ceremonies, naging masigla at makabuluhan ang bawat bahagi ng programa sa pangunguna ni Nick. Sinimulan ang pagbubukas noong Hulyo 4 sa madamdaming pag-awit ng Pambansang Awit ng Estados Unidos at Pilipinas nina Audrey Esquivel at Evelyn O. Francia, na kilala bilang "Ethereal Singer."
Sinundan ito ng parada ng mga atleta, pagbabasbas ni UPSA Commissioner Ricky Minion, at Panunumpa sa Amatyurismo na pinangunahan ni Kacie F.
Naging mas makahulugan pa ang okasyon sa pagdalo ni Consul General Melvin Almonguera, na naghatid ng inspiradong mensahe tungkol sa pagkakaisa, serbisyo, at pagmamalaki sa mga Pilipino.
Noong Hulyo 5, muling pinangunahan ni Nick ang closing ceremony sa pamamagitan ng kanyang propesyonalismo, karisma, at husay sa pagho-host. Isa sa mga tampok na bahagi ng programa ang simbolikong turnover ng gintong basketball mula sa host organization ngayong taon, ang SWIFBAC, na kinatawan nina Pangulong Hemler Asprer at General Organizing Adviser Martin Uy, bilang opisyal na hudyat ng paghahanda para sa susunod na host city—New York.
Sa tulong ng organizing committee at sa mahusay na paggabay ni Nick, naging matagumpay at hindi malilimutang pagdiriwang ang ika-3 UPSA Basketball Tournament.
Samantala, bukod sa pagiging mahusay na host, si Nick ay isa ring Doctor of Nursing at recording artist. Abala siya sa pagpo-promote ng kanyang mga album na Dancing in the Ocean at Unafraid. Naghahanda na rin si Nick Vera Perez para sa paglabas ng kanilang ika-7 album na Reminiscing ngayong taon sa iTunes, Spotify, Amazon Music, at iba pang digital streaming platforms.
Tampok sa album ang 12 revived OPM at international classics, kabilang ang Bituing Walang Ningning, Stuck on You, Sana'y Wala Nang Wakas at iba pang mga kilalang awitin.
Patunay lang ito na kayang pagsabayin ni Nick Vera Perez ang pagiging Doctor of Nursing, Master of Ceremonies, at recording artist.
