Kalat na, hindi si Franki, Alexa… KYLINE, BAGONG BABAE RAW NI SANDRO

ni Janiz Navida @Showbiz Special | September 29, 2025

Photo: FB Kyline Alcantara & Sandro Marcos

Umani ng samu't saring reaksiyon ang panayam namin sa aktres-singer at ngayon ay isa sa mga Sing-Galing: Sing-lebrity Edition Sing-lebrities na si Alexa Miro nang i-post namin ang video sa aming TikTok account.

Sa naturang panayam ay natanong namin si Alexa kung ano'ng klaseng boyfriend ba ang Presidential Son na si Rep. Sandro Marcos para umabot sa 5 yrs. ang kanilang relasyon bago sila naghiwalay, at ito'y sa kabila ng hindi naman siya lantarang ipinakikilala sa publiko bilang official girlfriend nito, ha?

Ani Alexa, supportive BF naman si Sandro sa showbiz career niya at mabait daw ito at maging ang pamilya Marcos.

At kahit roller coaster ang kanilang naging relasyon, obyus sa sagot ni Alexa na handa pa siyang makipagbalikan uli kay Sandro kung sakaling susuyuin siya nitong muli.

Kung matatandaan, inamin kamakailan lang ni Alexa Miro sa kanyang TikTok livestreaming na break na nga sila ng Presidential Son matapos ang 5 taong relasyon at ang pinangalanan niyang third party ay si Franki Russell, ang model na minsan na ring na-link kay Diego Loyzaga at recently ay nakita namang kasama ni Enrique Gil na nag-scuba diving.

Kaya lang, tila may mga netizens na nagsasabing “barking at the wrong tree” raw si Alexa dahil hindi naman si Franki Russell ang dapat nitong sisihin sa breakup nila ni Sandro Marcos.

Ang nakakagulat at nakapagtataka, bakit nadadawit at itinuturong third party at new girl ni PS Sandro ang Kapuso actress na si Kyline Alcantara?

Wala namang lumalabas na photo na spotted na magkasama sa isang event o kaya ay nag-date ang dalawa, pero bakit kaya si Kyline ang itinuturo ng ilan na third party?

At alam din kaya ni Alexa Miro ang tungkol dito?

Well, sa pagiging sobrang straightforward sumagot ng alaga ni Tyronne Escalante sa mga interviews sa kanya, hindi malayong banggitin niya rin ang tungkol kina Sandro at Kyline kung totoo nga ang chika.

---

Mala-Hilda Koronel… ANNE, KAYANG MAGPATULO NG LUHA SA ISANG MATA LANG

PURING-PURI ng magaling na veteran actor na si Michael de Mesa ang aktres na bida sa ABS-CBN series na It's Okay To Not Be Okay na si Anne Curtis sa ginanap na mediacon para sa nalalapit na pagtatapos nito.

Ani Michael, teen-ager pa lang si Anne ay nakatrabaho na niya at minsan na ring naidirek sa isang project at nakasama rin sa isang pelikula bago pa naging nanay ang aktres.

At habang tumatagal daw at nagkakaedad si Anne ay lalo itong gumagaling sa pag-arte, na in fact, napabilib pa si Michael sa isang naging eksena nila sa serye dahil kinaya ni Anne na magpatulo ng luha sa isang mata lang!

Ohhh, devah? Mala-Hilda Koronel ang acting talent!!! Na sabi nga minsan ni Ms. Dina Bonnevie sa isa niyang interview nang ikumpara siya ng isang direktor sa kapwa aktres, iba siya at iba si Hilda. ‘Wag daw ipagawa sa kanya ‘yung kaya nitong gawin na sa isang mata lang magpapatulo ng luha, na ngayon, si Anne Curtis pala ang makakagawa!

Anyway, papuri ni Michael kay Anne sa ginanap na mediacon na umani ng palakpakan mula sa mga fans, “I can truly say that Anne has really, really grown into a fine actress.”

Hindi raw kasi nila pinaplano ang mga ginagawa nilang eksena sa IOTNBO dahil gusto nilang may element of surprise.

Patuloy na kuwento ni Michael, “And I was really, really amazed with Anne ‘coz there was that scene na when I strangled her, I saw a tear fall (sa gilid ng left eye) and I was really, really impressed. So, that's my anecdote.”

At para sa isang tulad ni Michael de Mesa manggaling ang ganu'ng papuri kay Anne, talagang nakakakilig nga naman ‘yun.

Anyway, hindi lang ang mga eksena ni Anne bilang si Mia ang dapat abangan sa nalalapit na pagtatapos ng It's Okay To Not Be Okay.

Napanood kasi namin ang trailer at talaga namang gumawa rin ng “moment” ang acting ng magaling na aktor na si Carlo Aquino bilang si Mat-Mat, na for sure, papalakpakan din ng mga manonood sa kanya.

At maging si Joshua Garcia ay hindi rin naman nagpahuli sa mga co-actors niya kahit pa ang gagaling din nina Agot Isidro, Maricel Laxa, Ana Abad Santos, Michael de Mesa and the rest of the cast na bumubuo ng serye.

Marami pang eksenang dapat abangan sa nalalapit na pagtatapos ng It's Okay To Not Be Okay kaya don't miss the new episodes of the series airing on weeknights at 8:45 PM on Kapamilya Channel, A2Z, TV5, TFC, and Kapamilya Online Live. 

The series is also available for advanced streaming on Netflix and iWantTFC.

Wa’ raw paki sa mga magagalit sa kanya… ARIEL, UMAMING DIRETSO SA BASURAHAN ANG MGA AWARDS AT TROPHIES

ni Janiz Navida @Showbiz Special | September 28, 2025

Photo: Ariel Rivera interview via Janiz Navida / Bulgar

Sa 23 years namin bilang manunulat, parang twice or thrice pa lang naming naka-one-on-one interview ang singer-actor na si Ariel Rivera.

Kaya nang makita namin siya sa ginanap na mediacon para sa second season ng Sing-Galing: Sing-lebrity Edition kung saan isa siya sa mga magsisilbing Jukebosses kasama sina Rey Valera, Nina, Ella May Saison, Mitoy Yonting at Ethel Booba, na-curious kaming tanungin ang mister ni Gelli de Belen kung paano nito ia-assess ang kanyang career sa 35 yrs. niya sa showbiz at music industry.

Nagulat kami sa medyo kakaiba at prangkang sagot ni Ariel dahil aniya, “I never assess my career. My career is not important talaga. My priority is myself. My goal in life was always to be a good husband, to be a good father, that’s it.”

At mas nagulat pa kami sa kasunod niyang sinabi na, “Kaya whatever it is that I got, whether it’s a gold album, platinum, acting awards, itinatapon ko lahat ‘yun. I throw it in the garbage. Kasi hindi importante sa akin ‘yun, eh.

“Kaya when you come to my house, wala kang makikitang poster ng movie ko, wala kang makikitang awards ko, kasi ‘pag natanggap ko ‘yun, itinatapon ko agad ‘yun.

“Hindi importante sa akin ‘yun, eh. Trophy is just a trophy,” dire-diretso niyang pahayag.

Ipinaliwanag niyang naa-appreciate naman niya kapag binibigyan siya ng award, pero dahil “piece of wood” lang naman daw ang trophy kaya itinatapon niya agad.

Sabi namin sa kanya, kakaiba siyang nilalang dahil ‘yung ibang celebrities, ingat na ingat pa at inilalagay sa mga cabinet o kaya ay museum.

Katwiran ni Ariel, “I don’t need to be reminded of what I did. Like I’ve said, hindi importante sa akin ‘yun, eh. Ang mas importante sa akin, mga anak ko, asawa ko, ‘yun lang ang importante sa akin, pamilya ko, that’s it. 

“Kaya kung anuman ang nangyayari sa industriya, wala akong pakialam sa kanila.”

At kahit sa mga papuring naririnig, hindi rin daw agad-agad naniniwala si Ariel.  

“Don’t believe in your write-ups just because somebody says ‘You’re a great actor. You’re a great singer.’ Parang who cares? Who the hell cares if you’re a good actor or singer? What’s important is that when I sing or when I act, I make people happy and they enjoy what I do. ‘Yun ang importante, not a stupid trophy that says ‘Ay, ang galing mo.’”

Ang ikini-keep lang daw ni Ariel sa kanilang bahay ay ang kanyang golf trophies.

Sabi namin sa kanya, baka ma-misinterpret ng mga award-giving bodies ang statement niya.

“Wala akong pakialam. I don’t care naman, eh,” sabay tawa nito.

Ano’ng sinasabi ni Gelli ‘pag itinatapon niya ang awards niya?“Sinasabi niya, ‘Ganu’n talaga siya, eh.’ Ganu’n ako. What can I do?”

Muli, idiniin ni Ariel na, “It’s not that I don’t appreciate it. I appreciate you give (sic) me an award, and I really sincerely do. But don’t take offense with ‘coz it’s mine na, eh. It’s just a piece of trophy. ‘Pag itinapon ko, so what?”

So, paano niya gustong makilala ng mga tao sa industriya?

“Wala. I want them to remember me as somebody who’s a good person, a good father and a good husband, that’s it.”

Well, medyo weird man ang paniniwala ni Ariel Rivera, we have to accept and respect it, dahil sabi nga niya, siya ‘yun, eh!

Samantala, nagsimula nang mapanood ang Sing-Galing: Sing-lebrity Edition kagabi, Sabado (Sept. 27) at 7:00 PM, at eere rin ito ngayong Linggo, 8:00 PM sa TV5, Sari-Sari Channel at BuKo Channel.

---

Pass muna raw sa pagrampa sa Milan at Paris… 

SIGAW NI HEART: NAKIKIISA AKO SA LABAN VS. KORUPSIYON

DINEPENSAHAN ni GMA Network Senior Vice-President Atty. Annette Gozon-Valdes si Heart Evangelista sa pamamagitan ng isang statement kaugnay ng mga kumakalat na balitang may ilang brands diumano na nagtanggal sa Kapuso star bilang brand ambassador. 

Nag-post din ang Sparkle Artist Center bilang sagot sa kumalat na article na nabawasan ang benta ng dalawang brands na ine-endorse ni Heart. 

“FAKE NEWS ALERT! THIS IS NOT TRUE! Don’t be fooled by fake news! Always be vigilant when reading articles online,” ayon sa pahayag ng Sparkle.

Idiniin din ng kampo ni Heart na sa Instagram ay nananatiling 16.2 million ang followers ng misis ni Sen. Chiz Escudero, 7.5 million sa Facebook at 7.9 million sa Tiktok.

Muli ring ipinagtanggol si Heart ng mga followers niya at ipinaalala sa mga bashers na likas na mayaman ang aktres bago pa man niya napangasawa si Sen. Chiz.

Ang kanyang ama ay galing sa angkan ng Chinese-Filipino na mga Ongpauco, isa sa mga nag-umpisa ng chain ng restaurant ng Barrio Fiesta, habang ang kanyang ina ay galing sa angkan ng del Gallego na nagmamay-ari ng sugar plantation sa Camarines Sur.

Kaya naman, hindi maiwasang mapikon ni Heart sa mga panghuhusga ngayon sa kanya ng mga netizens at aniya, “The sad reality at this point, it’s very hurtful that as an independent woman like myself… goddammit, I am so independent… I am so hardworking and I have pride in what I do.

“I’m not the type of wife na nakatanga lang ako sa bahay, at nakikipag-chikahan lang ako sa amiga. I work. I refuse to just be a useless wife at home. I will continue to work,” sabi pa niya.

Anyway, nauna nang inanunsiyo ng aktres at fashion icon na hindi muna siya rarampa sa Milan at Paris Fashion Week. 

“I’m sorry for my fans that I’m not going to Fashion Week. I know that you guys say ‘laban, laban.’ I really appreciate you. But honestly, I don’t think it’s the right time for anyone to, especially from our country, to be going to Fashion Week because I think we need to be here. Not necessarily to be in the rally… but it’s important that we open our eyes, and we truly become one and empathize and really see what’s going on, and see what we can do,” aniya. 

Samantala, alam naman ng lahat na may pre-nuptial agreement sila ng mister na si Sen. Chiz Escudero kaya nagugulat sila sa mga pandadawit sa kanya na ang nasirang si Sen. Miriam Defensor Santiago pala ang humawak ng kontrata. 

“Since I’ve been working for a long time, the late senator Miriam Defensor who is like a second mother to me, who handled most of my contracts when I was younger, demanded that I get a prenup with my now-husband.”

Bagong Imelda Marcos daw, pinaiimbestigahan… P57 M RING, B-DAY GIFT NI SEN. CHIZ KAY HEART

ni Janiz Navida @Showbiz Special | September 26, 2025

Photo: YT @Love Marie Escudero

Mainit talaga ang mata ngayon ng taumbayan hindi lang sa mga inaakusahang nagnakaw sa kaban ng Pilipinas at mga korup na opisyal ng gobyerno, kundi maging sa kanilang mga kapamilya na tinawag pang mga “nepo babies” at “nepo wives”.

At hindi nga nakaligtas sa paniniktik ng madlang pipol lalo na ang misis ni Sen. Chiz Escudero na si Heart Evangelista.

Sa kabila ng paulit-ulit na pagdidiin ni Heart na may sarili siyang pera at yaman mula pagkabata, ayaw pa ring maniwala ng ilan na hindi galing sa pondo ng bayan ang ginagastos ng misis ni Sen. Escudero.

In fact, nagtataka kami kung sino kaya ang gigil na gigil ngayong mapaimbestigahan ang milyones na ginagastos ni Heart sa kanyang mga luhong luxury bags, shoes, damit at alahas.

May napanood kasi kaming isang video na kuha sa birthday eve ni Heart last year pa (2024) kung saan makikitang halos walang paglagyan ang kasiyahan ng aktres nang makatanggap ng birthday gift sa kanyang mister.

Ang nagpalaki ng “heart” ni Heart sa sobrang tuwa para mahalikan pa ang kanyang mister ay ang regalo nitong blue diamond Paraiba tourmaline ring na hold your breath, mga Ka-BULGAR… worth $1 million lang naman!!!

So, kung iko-convert ‘yun sa peso, tumataginting na P57 milyon lang naman, naman, naman!!! 

At para nga naman sa isang politician na tulad ni Sen. Chiz na magreregalo nang ganu'n kamahal, hindi maiiwasang makuwestiyon talaga siya.

Pero mapapatanong ka rin sa motibo kung bakit ngayon lang din ipinakakalat ang naturang video kung kelan nasangkot pa naman ang pangalan ni Sen. Chiz sa issue ng flood control.

Pati nga ang koleksiyon ni Heart ng luxury bags na umaabot na rin ng daang milyon ay kinukuwestiyon din ngayon at iniuugnay sa tanong na bakit hindi siya kasama sa top taxpayers ganu'ng kumikita pala siya nang ganu'n kalaki.

At dahil sa pagiging pabolosa ni Heart, may nagbansag pa sa kanya na bagong Imelda Marcos.

‘Yun lang, ‘di pa naging presidente ang kanyang mister kundi hanggang Senate President pa lang.

---

PUNUMPUNO ang Hard Rock Cafe sa Makati nu'ng Huwebes ng gabi sa dami ng invited guests at friends ni Atty. Rey Bergado, ang founder at leader ng Inner Voices Band.

Kumpleto hindi lang ang mga members ng banda na binubuo nina Patrick Marcelino (vocalist), Rene Tecson (guitarist), Alvin Herbon (bassist), Joseph Cruz (keyboardist), Joseph Esparago (percussionist) at Rey Bergado (founder at band leader) kundi nandu'n din at dumating ang mga dating kamiyembro ni Atty. Rey sa banda, gayundin ang ilang kaibigang singers kabilang na si Richard Merck.

Bago kumanta ng 2 songs, bumati muna ang tinaguriang The Prince of Jazz sa kaibigang si Atty. Rey para sa birthday nito at kasunod nu'n ang kuwento ng singer na nu'ng pandemic na wala siyang trabaho ay pinadadalhan siya ng P10K per month ng kaibigang abogado.

Ohhh, kaya naman pala well-loved si Atty. Rey, may golden heart din ito.

At nang matanong nga namin ang kanyang birthday wish, aniya ay hindi na para sa sarili ang hiling niya kundi para sa Inner Voices Band na mas maging matagumpay pa, dumami ang shows at guestings at mas tumagal pa.

For the record nga naman, 34 yrs. nang existing ang Inner Voices at kung hindi siguro sa pagpupursige ni Atty. Rey na maitaguyod ang banda sa kabila ng mga challenges na kanilang pinagdaanan, baka na-disband na rin sila tulad ng kanilang mga kasabayan.

Anyway, tuwang-tuwa ang mga guests ng birthday boy sa mga kinanta ng Inner Voices that night dahil bukod sa kanilang mga original songs na Saksi Ang Mga Tala at I Will Wait For You In The Rain, kumanta rin ang banda ng mga OPM hits na bentang-benta at nagpasayaw pa sa mga bisita.

Kaya ang saya-saya ng birthday ni Atty. Rey!

Happy birthday, Atty. Rey Bergado and wishing Inner Voices more, more, more success!!!