Libreng health insurance sa e-wallet

ni Mylene Alfonso @News | August 7, 2026

Photo: File / Gcash Ginsure

Naglunsad ang isang digital e-wallet ng bagong feature na magpapalawak sa access ng insurance sa milyun-milyong Pilipino. 

Sa pagbili ng load sa GCash app, makatatanggap ng libreng health insurance ang mga prepaid customer.

“Ang inisyatibong ito ng GInsure katuwang ang FPG Insurance, ay sumasalamin sa layunin ng GCash na gawing abot-kamay ang financial protection sa bawat Pilipino,” ayon kay Winsley Bangit, Vice President at Group Head ng New Businesses ng GCash.

Tiniyak naman ni Ren-Ren Reyes, president and CEO ng GCash mobile wallet operator G-Xchange, Inc. na may sapat na pondo para sa mga mag-a-avail ng health insurance.

Sa bawat pagbili ng load, makatatanggap ang user ng P10,000 na accidental death coverage. Maaari itong maipon sa maximum na P30,000 sa pamamagitan ng tatlong magkakahiwalay na load purchases.

Kapag naospital, makakakuha rin ng income assistance na P500 kada araw bilang salary assistance sa loob ng hanggang limang araw. Maaari ring makatanggap ng hanggang P10,000 disablement benefit.

May Stage 4 sarcoma… “BAHALA NA ANG DIYOS SA BUHAY KO” — DOC WILLIE ONG

ni Mercy Lejarde @Talkies | July 29, 2026

Photo: FB Doc Willie Ong

Nagbahagi ng pinakabagong update tungkol sa kanyang kalusugan ang cardiologist, internist at public health advocate na si Doc Willie Ong, na may mahigit 17 milyong followers sa kanyang Facebook (FB) page.

Ayon kay Doc Willie, “Health Update: Kumusta sa lahat ng mahal kong followers. Stable ang condition ko (Stage 4 sarcoma). Itinutuloy ko ang maintenance na gamutan sa akin na immunotherapy at targeted therapy. Minsan good news, minsan may bad news. Bahala na ang Diyos sa buhay ko. I love you all very much. Maraming salamat sa mga panalangin ninyo para sa akin.”

Dagdag pa niya, “I love you all very much. Naantig ako sa mga comments ninyo.”

Matatandaang noong 2024 ay na-diagnose si Doc Willie ng Stage 4 sarcoma, isang uri ng kanser. Sumailalim siya sa malawakang gamutan sa Singapore at patuloy na nagpapagamot.

Praying for your complete healing and fast recovery, Doc Willie. 

God bless you!

---

HINDI man direktang pinangalanan ni Sen. Robin Padilla ang tinutukoy sa kanyang pahayag, umani ito ng iba't ibang espekulasyon mula sa mga netizens.

May ilang naghihinala na si Lourd de Veyra ang kanyang pinatutungkulan dahil sa kanyang naging pahayag kung saan gumamit ang senador ng word na “lord”. 

Lumitaw ang naturang haka-haka matapos maglabas ang brodkaster ng isang bukas na liham na umano'y para sa mga staff ng senador. Nakiusap kasi si De Veyra sa mga staff ng opisina ng senador na gabayan at alalayan si Padilla sa kanyang gampanin bilang senator-judge sa impeachment trial ni Vice-President Sara Duterte, kasunod ng mga pambabatikos sa kanya online.

Sa kabila ng mga espekulasyon, wala pang kumpirmasyon mula kay Sen. Robin kung sino ang tunay niyang tinutukoy.

Sa isang event, sinabi ng senador na hindi niya kinikilala ang sinumang gumagamit ng impluwensiya o katungkulan upang mangibabaw sa iba.

“Pakiramdam niya, 'lord' siya. Alam n'yo, galit kami sa diyos-diyosan kaya hindi kami naniniwala sa mga 'lord,' lalo na sa mga gambling lord, drug lord," pahayag ng senador.

Iginiit din ni Sen. Robin na hindi dapat idamay ang kanyang mga staff o opisina sa mga isyung personal niyang kinahaharap.

"'Wag mo akong daanin sa ikaw ay media, ikaw ay may platform. Walang kinalaman ang mga nagtatrabaho sa 'kin sa opisina," aniya.

Tungkol naman sa usapin ng impeachment, sinabi ng senador na personal niyang pananagutan ang lahat ng kanyang mga pahayag.

"‘Yang impeachment na 'yan, lahat ng sinasabi ko, akin galing. Ipagpapasa-Diyos na lang kita," dagdag ni Sen. Robin.

Barakallahu feek, Senator Robin. May Allah bless you and grant you goodness!

---

Na-nega sa sablay na joke…

VICE, BUMAWI, NAGBIGAY NG P70K SA CONTESTANT NG IT’S SHOWTIME

HINDI lang saya ang hatid ng Unkabogable Star na si Vice Ganda (VG) sa kamakailang episode ng It’s Showtime (IS), nagbigay din siya ng karagdagang P70,000 sa contestant na si Budang matapos nitong manalo ng P30,000 sa segment na Laro Laro Pick.

Hindi kasi pinili ng contestant na isang masahista ang jackpot prize at pumayag na ito sa P30K lang na maiuuwi niya. Dahil gustong makatulong ni Vice sa contestant na breadwinner, dinagdagan pa niya ng P70K ang maiuuwi nito.

Todo-pasalamat naman ang contestant sa malaking tulong sa kanilang pamilya ng P100K.

Well, at least, na-bash man last time dahil sa kanyang insensitive joke, may pinasaya na naman si Meme Vice Ganda. 

Good job, VG!

Alagang PhilHealth: Paano mag-avail o gumamit ng PhilHealth Benefits?

by Info @Brand Zone | July 15, 2026

1.Ano-ano ang benepisyong  PhilHealth na pwedeng  magamit? 

•  YAKAP (Primary Care) 

DCheck-up 

DLaboratory 

DPhilHealth Gamot 

DOutpatient Cancer Screening Test

• Inpatient kapag na-confine o na-ospital

• Outpatient 

DOutpatient Emergency Care Benefit Package 

DOutpatient Procedures tulad ng hemodialysis, chemotherapy, o simple surgical procedures 

•  Z Benefits Package tulad ng: 

DKidney Transplantation – up to Php  2.1 Million 

DBreast Cancer – up to Php 1.4 Million 

DCoronary Artery Bypass Graft Surgery (CABG): 

» Standard Risk– Php 660,000 

» Expanded Risk – Php 960,000 

•  SDG-Related tulad ng: 

DOutpatient HIV-AIDS Package –  Php 58,500 per year 

DOutpatient Anti-Tuberculosis Treatment (DOTS) Package –  Php 7,800 

DAnimal Bite Treatment Package –  Php 5,850 

2.Paano mag-avail ng benepisyo  sa PhilHealth? 

•  Dapat rehistrado at may sariling  PhilHealth Identification Number (PIN) • Updated ang membership records •  Pumunta sa PhilHealth Accredited Hospitals, YAKAP Clinics at Contracted Facilities (Z Benefits Package) 

•  Paalala: Sa ilalim ng Universal Health Care Act, ang lahat ng Pilipino ay  maaaring makagamit kaagad ng mga  benepisyo. 

3.Magkano ang benepisyong  sasagutin ng PhilHealth? 

•  Para malaman ang nakatakdang halaga  ng Inpatient at Outpatient benefit,  i-download ang ACR (All Case Rate) Search App sa inyong Android devices, o bisitahin ang PhilHealth website – www.philhealth.gov.ph 

•  Gamitin ang Case Rate Search para  makita ang katumbas na halaga ng  benepisyo para sa sakit o operasyon. 

•  Para sa Z Benefits, bisitahin ang website – www.philhealth.gov.ph 

4.Makakagamit pa rin  ba ng benepisyo kahit  nahinto sa pagbabayad  ng kontribusyon?

•  Oo, pero hinihikayat pa rin  na ipagpatuloy ang pagbabayad ng  kontribusyon para sa katatagan ng National Health Insurance Fund.

5.Kung may mga katanungan  tungkol sa paggamit ng  benepisyo, kanino maaaring  makipag-ugnayan ang mga  miyembro? 

•  Maaaring lumapit ang mga miyembro  sa mga PCARES o PhilHealth Customer Assistance, Relations and Empowerment Staff na nakatalaga sa  mga ospital para gabayan at tulungan  ka sa paggamit ng mga benepisyo.  

•  Makipag-ugnayan sa pinakamalapit  na Local Health Insurance Office o  tumawag sa Action Center na bukas  24/7. 

Para sa dagdag kaalaman  sa PhilHealth benefits,  huwag palampasin  ang susunod na Alagang PhilHealth! 

PAALALA 

PAALALA 

Tumawag sa aming 24/7 PhilHealth hotline, 8662-2588.  para sa ibang katanungan. 

Kung gusto ninyo kami ang  tumawag sa inyo, I-text ang  PHICallback <space> 

Mobile no. na tatawagan <space>  detalye ng concern sa  

0998-8572957, 0968-8654670, 0917-1275987, at 0917-1109812. 

Pwede ring tumawag mula sa  aming website. Mag-log-in sa www.philhealth.gov.ph. at pindutin ang 'CLICK TO CALL'

---