Isang eksperto sinuportahan ang regulasyon ng vaping

ni Chit Luna @News | June 12, 2024

Isang pangunahing addiction specialist sa Singapore ang nanawagan para sa regulasyon ng mga produktong vape sa halip na ipagbawal upang magbigayan ng less-harmful na alternatibo ang mga naninigarilyong nasa hustong gulang habang pinipigilan ang mga kabataan sa paggamit nito.

Sa isang panayam kamakailan sa CNA938, ang nangungunang istasyon ng balita sa Singapore, siniabi ni Andrew da Roza, isang board member ng Singapore Anti-Narcotics Association, na ang regulasyon ang susi para masugpo ang black market ng vape sa bansa.

Aniya, ang karamihan sa mga vaper ay dating naninigarilyo at nasa hustong gulang. Kung magkakaroon ng regulasyon, ang mga nasa tamang edad ay maaaring bumili ng vape mula sa mga lehitimong tindahan, at dahil dito, ang black market ay mawawala.

Ang ebidensya nito ay makikita sa mga bansang nag-regulate ng vape sa ngayon. Aniya, kung ikukumpara ang mga bansang nag-regulate at hindi, maliwanag na nabawasan ang black market sa mga nagpataw ng regulasyon sa mga produktong ito.

Binanggit ni Da Roza ang siyentipikong literatura na nagpapakita na ang vaping ay mas ligtas kaysa sa paninigarilyo. Tinutulan din niya ang paniwala na ang vaping ay mas nakakapinsala.

Sa katunayan, ang mga sigarilyo ay may maraming mga lason na nananatili sa baga pagkatapos malanghap, habang ang vapor ay hindi, sabi niya.

Ayon kay da Roza, ang mga kemikal sa sigarilyo ay naglalaman ng mga lubhang mapanganib na kemikal. Ang vaping ay walang parehong katangian tulad ng paninigarilyo, dagdag niya.

Binanggit din ni Da Roza ang ibang pag-aaral na nagpakita na ang pagtigil sa vaping ay mas madali kaysa sa pagtigil sa paninigarilyo.

Sinabi ni Da Roza na ang vaping ay maaaring makatulong para bawasan ang produksyon ng usok.

May mga bansa tulad ng Great Britain na naghihikayat pa nga sa mga naninigarilyo na lumipat sa vaping para ihinto ang pagkakalantad sa mapanganib na usok, sabi niya.

Dahil dito, iminungkahi ni Da Roza na i-regulate ang mga vape na katulad ng alak at sigarilyo para maiwasan ang paggamit ng mga bata.

Ang vaping ay hindi katulad ng paghithit ng mga dahon ng tabako o sigarilyo at hindi parehas ang dulot na pinasala, ayon kay da Roza.

Sa Pilipinas, inanunsyo ng Department of Trade and Industry na simula Hunyo 5, 2024, ang sertipikasyon ng mga imported at local na produktong vape ay magiging mandatory para matiyak ang kanilang kaligtasan at kalidad.

Walang mga produktong vape ang dapat pumasok sa bansa, lalo na kung wala itong mga marka/lisensya ng product standards o marka ng ICC, sabi ni DTI-Consumer Protection Group Undersecretary Amanda Nograles.

Inanunsyo naman ng Bureau of Internal Revenue na simula Hunyo 1, 2024, ang Revenue Memorandum Circular 59-2024 ng BIR ay nagpatong ng bagong tax stamps sa lahat ng vape products na ibinebenta sa Pilipinas para mapigilan ang paglaganap ng mga unregulated vapes sa merkado.

Sinabi ni Da Roza kailangan din ng Singapore ng regulasyon para malaman ng mga tao ang sangkap ng mga ito at siguraduhing ligtas ang likidong ginagamit sa vape.

Dapat aniyang gawing legal at i-regulate ang vape, katulad ng sigarilyo, na may mahigpit na limitasyon sa edad.

Sinabi ni Da Roza habang sapat na ang kasalukuyang mga parusa, kailangang pagbutihin ang pagpapatupad nito. Sa ngayon, wala aniyang talagang napaparusahan dahil sa vaping sa Singapore.

Hindi din dapat na ituring na kriminal ang mga taong gumagamit nito bilang mas ligtas ng alternatibo sa siigariylo, dagdag niya.

Neonatal sepsis at bronchial asthma, dagdag na benefit package ng PhilHealth

ni Fely Ng @Bulgarific | June 8, 2024

Hello, Bulgarians! Ang Philippine Health Insurance Corporation (PhilHealth) ay nagpatupad ng isa pang round ng pagpapahusay sa dalawa sa kasalukuyan nitong mga benefit package, sa pagkakataong ito para sa neonatal sepsis at bronchial asthma na tumaas nang husto ng higit sa 100%.

Ang PhilHealth Circulars 2024-0008 at 0009, ang implementing guidelines ng dalawang case rate package na ito, ay nag-uutos na ang lahat ng pasyenteng na-admit noong Mayo 1, 2024 pataas, ay maaaring mapakinabangan ang dagdag na benepisyo sa mga akreditadong health facilities.

Ayon kay PhilHealth President and CEO Emmanuel R. Ledesma Jr., “the PhilHealth Board has approved the increase in package rate for neonatal sepsis to P25,793 from P11,700 and bronchial  asthma in acute exacerbation to P22,488  from P9,000. The increase translates to 120% and 150%, respectively”. 

Ang neonatal sepsis at iba pang nakakahawang kondisyon ay kabilang sa mga pangunahing sanhi ng pagkamatay sa Pilipinas. Noong 2023, nagbayad ang PhilHealth ng P733.86 milyon para sa mahigit 57,000 kaso para sa nasabing kondisyon.

Sa kabilang banda, ang asthma o hika ay nananatiling isang mabigat na karamdaman sa ‘Pinas sa kabila ng mga pagsulong sa medisina. Ang karamihan sa mga Pilipinong may hika ay walang sapat na kontrol sa kanilang mga kondisyon, na nagreresulta sa pagkaospital. 

Batay sa datos ng PhilHealth para sa 2023, ang hika ay nasa walo sa mga nangungunang medical confinement na tinustusan ng state insurer, kung saan P717M ang binayaran para sa mahigit  90,000 kaso ng asthma.

Tinukoy ng PhilHealth ang neonatal sepsis at bronchial asthma bilang mga prayoridad na kondisyon sa rasyonalisasyon ng All Case Rates packages nito upang higit na mapahusay ang financial coverage at mas mababa, kung hindi man maalis ang mga gastusin mula sa bulsa ng mga pasyente.

Paliwanag pa ni Ledesma, “PhilHealth is continuously improving its benefit packages in line with our thrust Pinalawak at mga Bagong Benepisyo para sa Mamamayang Filipino. We are hoping that these enhancements bring positive impact in the behavior of the Filipinos in seeking medical attention. Sa mga nangangailangang magpagamot, huwag na pong magdalawang isip dahil nakaalalay ang PhilHealth sa kanilang gastusing medikal”. 

Hinikayat din ng PhilHealth chief ang lahat ng miyembro na magparehistro sa gusto nilang Konsulta Package Provider para makakuha ng libreng konsultasyon, health screening at assessment, gayundin ang alinman sa 21 essential drugs at gamot at 13 laboratory test na kakailanganin ng kanilang primary care physician.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Vaping mas mababa ang panganib kaysa paninigarilyo — pag-aaral sa UK

ni Chit Luna @News | May 23, 2024

Isang grupo sa United Kingdom ang nagpakita ng mga siyentipikong ebidensya at opinyon ng mga eksperto na nagpapatunay na ang paggamit ng vape ay mas mababang panganib na dulot kumpara sa paninigarilyo.

Ayon sa UK Vaping Industry Association (UKVIA), ang vaping ay higit na hindi gaanong nakakapinsala tulad ng paninigarilyo na kumikitil ng halos 80,000 buhay bawat taon sa UK.

Ang UKVIA ay isang nangungunang organisasyong nagtatanggol sa mga benepisyo ng paglipat mula sa paninigarilyo tungo sa vaping. Nilabas nito ang pahayag matapos ang industriya ng vaping at mga vapers ay hindi isinama sa talakayan ng Tobacco and Vapes Bill sa parliamentary committee.

Ang Office for Health Improvement and Disparities (OHID), isang ahensya ng gobyerno, ang nagsabing ang pinsalang dulot ng vaping ay mahigit 95 porsiyento na mas mababa kaysa sa mga sigarilyo.

Idinagdag ng UKVIA na ang vaping ay nagdudulot ng maliit na bahagi lamang ng panganib ng paninigarilyo. Ang ganap na paglipat mula sa paninigarilyo patungo sa vaping ay may malaking benepisyo sa kalusugan, dagdag nito.

Kinumpirma sa publiko ni Sir Chris Whitty, Chief Medical Officer ng England, na ang vaping ay mas ligtas kaysa sa paninigarilyo, at ang paglipat ay isang positibong hakbang sa kalusugan.

Natuklasan naman ng isang pag-aaral ng Brunel University London na ang National Health Service ay makakatipid ng higit sa kalahating bilyong pounds kada taon kung kalahati ng mga naninigarilyong nasa wastong edad sa England ang lilipat sa vaping.

Nalaman ng isang pagsisiyasat noong 2019 na ang sinasabing sakit sa baga sa U.S. ay nagmula sa mga kontaminado at ilegal na produkto na naglalaman ng THC, ang psychoactive component sa cannabis, at hindi sa mga legal na produktong nicotine vaping.

Sinabi ni Alice Davies, isang opisyal ng impormasyon sa kalusugan sa Cancer Research UK, na nakakalito ang mga naglabasang headline dahil ang mga kasong ito ay hindi dapat maiugnay sa regular na nicotine vaping.

Sinabi ni Davies na walang mga naitalang kaso sa UK ng paggamit ng mga pinagbawal na kemikal katulad sa US.

Sinabi naman ng OHID Nicotine Vaping sa England na ang maling ulat sa EVALI o electronic cigarette or vape associated lung injury outbreak sa United States ay dapat ihiwalay sa nicotine vaping.

Kinumpirma ng Cancer Research UK na walang kumpirmadong kaso ng popcorn lung na iniulat sa mga taong gumagamit ng mga e-cigarette sa UK, at ang mga vape ay hindi nagdudulot ng ganitong pinsala sa baga.

Binanggit din ng UKVIA ang pinakabagong datos mula sa Action on Smoking and Health (ASH), isang public health charity, na nagpapakita na halos 4.5 milyong matatanda sa Great Britain ang gumamit ng vaping para bawasan o ganap na ihinto ang paninigarilyo.

Itinuturing ng National Health Service (NHS) ang vaping bilang isa sa mga pinakaepektibong paraan para huminto sa paninigarilyo, habang ang Office for Health Improvement and Disparities ay nag-ulat na ang vaping ay karaniwang tulong na ginagamit ng mga tao para tumigil sa paninigarilyo.

Si James Tucker, pinuno ng pagsusuri sa kalusugan sa Office for National Statistics (ONS) ay nagsabi na ang vaping ay may pangunahing papel sa pagbabawas sa antas ng paninigarilyo sa buong UK.

Ang isang komprehensibong pagsusuri ng Cochrane, isang pandaigdigang network ng mga mananaliksik sa kalusugan, na tumingin sa datos mula sa mahigit 300 klinikal na pagsubok at kinasangkutan ng higit sa 150,000 katao, ay nagpapakita na ang e-cigarette ay kabilang sa mga pinakaepektibong tulong na magagamit para huminto ang mga naninigarilyo.

Itinanggi din ng UKVIA ang ugnayan sa pagitan ng regular na vaping at paninigarilyo. Ayon sa isang report ng ASH UK, ang vaping ay napatunayang hindi isang "gateway” sa paninigarilyo.

Nabanggit sa nasabing ulat na habang ang paggamit ng e-cigarette ay tumaas sa England sa pagitan ng 2010 at 2021, ang antas ng paninigarilyo ng mga kabataan ay patuloy na bumaba sa parehong panahon.

Sinabi ng ASH UK na ito ay hindi sumusuporta sa gateway hypothesis sa antas ng populasyon.