Ancajas, may epektibong teknik kontra Mexican

ni Gerard Peter - @Sports | April 10, 2021

Muling mabubuhay ang mabigat na rivalry sa pagitan ng Filipino at Mexico sa pagtutuos sa ibabaw ng ring nina International Boxing Federation (IBF) super-flyweight champion Jerwin “Pretty Boy” Ancajas at Jonathan Javier “Titan” Rodriguez sa Sabado ng gabi (Linggo sa Pilipinas) sa Mohegun Sun Arena sa Uncasville, Connecticut sa Estados Unidos.

Naniniwala si MP Promotions President at international matchmaker Sean Gibbons na ang pagtatapat nina Ancajas (32-1-2, 22KOs) at Rodriguez (22-1, 16KOs) ay muling bubuhay sa mabigat na kasaysayan ng pagbabasagan ng mukha ng Filipino laban sa mga Mehikano, kung saan ang nag-iisang eight division world champion na si Manny “Pacman” Pacquiao at mga Mexican legends na sina Marco Antonio Barrera, Erik Morales at Juan Manuel Marquez ang nagsindi ng paglagablab ng bakbakan sa pagitan ng dalawang lahi.

“It’s gonna be a Mexican Filipino rivalry, when the Mexicans fight the Filipinos, it taking up to another level,” pahayag ni Gibbons sa nakalipas na virtual press conference noong isang buwan. “There is something about that the Senator (Pacquiao), Barrera, Morales and Marquez all develop this rivalry,” dagdag ni Gibbons.

Aminado ang boxing promoter na hindi madaling katapat ang Mexican boxer na mayroong six-fight winning streak, kung saan lima sa laban nito ay nagtapos sa knockout victory. Subalit, tiwala ang American matchmaker na magagawa pa ring mapagtagumpayan ng 29-anyos na Panabo, Davao del Norte-native ang kanyang kalaban.

“I’m cautiously optimistic never look past anybody, but I believe Jerwin’s will skills will pay the bills, I think Rodriguez is a tough progressive game guy but at the end of the day Jerwin’s been a champion now for over 5 years and I see him winning possibly later in the fight,” wika ng 54-anyos na tubong Oklahoma City.

Malaki ang paniniwala ng dating professional boxer-turn matchmaker/promoter na magiging epektibo ang diskarte at istilong gagamitin ng 5-foot-6 na Filipino southpaw laban sa 25-anyos na San Luis Potosi, Mexico fighter gaya ng ginawa niyang pagpapasuko sa kanyang ika-7th at 8th title defense kina Japanese Ryuichi Funai nung May 4, 2019 sa Stockton, California at Miguel Gonzalez ng Chile noong Disyembre 7, 2019 sa Auditorio GNP Seguro sa Mexico, pareho sa loob lamang ng 6th rounds ng 12 round championship match.

Bernaldez, pinabagsak ang Mexican sa non-title bout sa U.S.

ni Gerard Peter - @Sports | April 5, 2021

Nakamit ni Sanman lightweight prospect Mark “Machete” Bernaldez ang kanyang ikalawang sunod na panalo sa panahon ng coronavirus disease (Covid-19) pandemic sa ibang bansa matapos pabagsakin si Mexican Hector Ruben Ambriz Suarez sa 6t round ng non-title bout na Got talent IX, Marso 24 sa Media Pro Studios, Medley, Miami, Florida sa Estados Unidos.

Ipinatikim ng 26-anyos na tubong-Butuan City ang pambihirang malupit na kanang hook kay Suarez upang mapabagsak ito sa 2:31 ng 6th ng 8th round fight para matikman ang 2nd victory sa tatlong laban sa Estados Unidos. Itinigil ni referee Samuel Burgos ang laban matapos hindi na makabangon pa ang Mexican boxer buhat sa nasabing patama, para igawad kay Bernaldez (22-4, 16KOs) ang technical knockout victory laban kay Suarez (12-13-2, 6KOs).

Pinuri ni Sanman Promotions chief operating officer (CEO) Jim Claude Manangquil ang naging panibagong tagumpay ng dating ALA boxer na nagpaplanong bigyan pa ito ng mas malalaking laban sa susunod. “Great Performance for Mark. Where looking for another big fight for him,” saad ni Manangquil sa mensahe nito sa Bulgar Sports.

Nasundan ng 5-foot-6 boxer ang isang impresibong panalo kay Julian Evaristo Aristule (34-15, 17KOs) noong Oktubre 17, 2020 sa Manual Airtime Community Center Theater sa Miami, Florida na nagtapos sa 3rd round TKO. Hindi naging maganda ang panimula ng pagbabalik U.S. ni Bernaldez nang daigin ito ni Amercian Albert Bell sa The Bubble sa MGM Grand na nagresulta sa 10th round unanimous decision noong Hulyo 2, 2020.

Natamo ang 25-anyos mula Ensenada, Baja California, Mexico ng ika-9 na pagkatalo simula noong Enero, 2018.Sa takbo ng mga laban, maagang nagpakitang gilas ang Filipino boxer ng magpatama ito ng mga malalakas na hooks at straights sa simula pa lang ng laban. Sinubukan namang ipitin ni Suarez si Bernaldez sa gilid kasunod ng mga kumbinasyong suntok, subalit bigo itong masaktan ang Filipino boxer na palaging naiiwasan ang atake nito.

12th gold medal, nakamit ni De Los Santos; Lim may dual title

ni Gerard Peter - @Sports | March 31, 2021

Nakamit ni dating two-time Southeast Asian Games medalist Orencio James “OJ” De Los Santos ang kanyang ika-12th gintong medalya ngayong taon, habang muling nagpamalas ang teen sensation na si Fatima A-Isha Lim Hamsain sa pagkapanalo ng kambal na titulo sa 2021 Kamikaze Karate E-Tournament.

Pinatumba ng 31-anyos anyos na dating national team member si Domont Matias Moreno ng Karate-Do Biel-Bienne ng Switzerland sa pamamagitan ng 25-24.5 iskor sa championship round ng e-kata Individual Male Seniors event, ngunit bago rito ay dinaig niya si Alfredo Bustamante ng Miyagiken International Karate Academy ng U.S. sa semifinals bout.

Ito na ang ika-48 titulo ng 8-time national games champion kasunod ng panalo sa 2nd leg ng Budva Winner-Adria Cup, 2nd Leg ng E-Karate World Series, #2 Katana Intercontinental league Paris, 2nd leg ng Sportsdata e-tournament World series, Adidas US Karate Open E-Tournament nung isang buwan, habang nanalo rin ito ng gintong medalya sa Athlete’s E-Tournament Series #1, at Budva Winner-Aria Cup #1 eTournament, habang nakuha nito ang pinakamataas na puntos sa online-virtual competition sa 1st leg ng Katana International League.

“I’m very happy winning my 12th gold medal; I really plan to continue the streak and maintain the no. 1 spot. Not only that, but I’m also very proud of my kata student Fatima, who just won double gold in the U16 and U18 female category of the same tournament,” wika ni De Los Santos sa panayam ng Bulgar Sports sa online messaging.

Hindi naman mapigilan sa pagningning ang 14-anyos mula Cayetano Memorial Science and Technology High School nang ibulsa ang magkahiwalay na gold medal sa e-kata Individual Female under-18 nang pabagsakin si Elisa Dominijanni ng A.S.D.Roma 12 ng Italy sa final round via 24.7-23.8, habang muli nitong tinalo ang Italian karateka sa e-kata Individual Female Under-16 event sa iskor na 24.8-23.6

Sa nakalipas na 2nd leg ng Budva Winner-Adria Cup ay kumana ito ng tig-isang gold at bronze saunder-16 women’s kata at U-18 category. Bumanat rin ito ng kambal na gintong medalya sa 2nd Leg ng E-Karate World Series.