Outpatient Mental Health Package ng PhilHealth

ni Fely Ng @Bulgarific | Mar. 6, 2025

Hello, Bulgarians! Ang PhilHealth ay nakatuon sa holistikong pagtugon sa mga pangangailangan sa healthcare ng bawat Pilipino.

“Nais naming ipaabot na kahit hindi nakikita ang inyong daing, may PhilHealth na magbibigay ng suporta at alaga sa iyo. Ito po ay alinsunod sa mga prayoridad ng ating Pangulong Marcos,” saad ni Dr. Edwin M. Mercado, PhilHealth Acting President and CEO. 

Sa pamamagitan ng Outpatient Benefits Package ng PhilHealth para sa Mental Health [PhilHealth Circular 2023-0018], ang mga miyembro at dependent na may edad 10 pataas, ay maaari na ngayong ma-access ang mga serbisyong sumasaklaw sa mga paunang pagsusuri, follow-up na konsultasyon, diagnostic test, at psychosocial support. Sinasaklaw nito ang mga kondisyon tulad ng depression, psychosis, epilepsy, mga karamdaman sa pag-iisip at pag-uugali ng bata at kabataan, dementia, at mga panganib sa pananakit sa sarili o pagpapakamatay, bukod sa iba pa.

Dahil dito, ang mga nangangailangan ng espesyal na pangangalaga ay binibigyan ng access sa mga interbensyon mula sa mga psychiatrist, neurologist, at psychologist. Nagbibigay ang PhilHealth ng taunang coverage ng Php9,000 para sa pangkalahatang serbisyo sa kalusugan ng isip at Php16,000 para sa espesyal na pangangalaga.

Maaaring ma-access ng mga miyembro ang mga benepisyong ito sa anumang accredited facility na nagbibigay ng general mental health services. Kabilang sa mga pasilidad na ito ang mga rural health units (RHUs), city o municipal health offices, Level 1 at 2 hospitals, Department of Health (DOH) Medicine Access Program-mental health access sites, at stand alone mental health clinics.

Sa kabilang banda, ang mga espesyal na serbisyo sa mental health ay puwedeng ma-access sa mga akreditadong Level 2 at 3 hospital na may specialized staff, custodial care facilities, at mga national specialty center na identified ng DOH.

“We recognize the importance of accessible mental health services for every Filipino. Kaya naman, katuwang din natin ang Kagawaran ng Kalusugan sa patuloy pang pagpapalawig ng ating mga serbisyo para sa kalusugang pangkaisipan. We are calling for more providers to participate and make these services within reach of Filipinos with mental health struggles,” dagdag pa ni Dr. Mercado.  

Higit pa sa Mental Health package, hinihikayat ng PhilHealth ang mga indibidwal na nakararanas ng mental health distress na gamitin ang mga available na 24/7 crisis hotlines, kabilang ang National Center for Mental Health hotline sa 0917-899 8727 o 989-8727, para sa agarang counseling.

Ang PhilHealth ay nananatiling nakatuon sa pagpapalakas ng imprastraktura ng serbisyo sa mental health ng bansa at pagtiyak na ang de-kalidad na pangangalaga ay naa-access sa lahat ng Pilipinong nangangailangan nito. Para sa iba pang mga katanungan sa MH benefit package at mga benepisyo, maaaring tawagan ng mga miyembro ang sumusunod na 24/7 touch point: (02) 866-225-88; mobile numbers 0998-857-2957, 0968-865-4670, 0917-1275987 o 0917-1109812.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga plano para sa taong 2025 ng SSS

ni Fely Ng @Bulgarific | Mar. 4, 2025

Hello, Bulgarians! Inanunsyo ng Social Security System (SSS) na ito ay nagsusumikap upang mas mapabuti ang mga serbisyo para sa mga pensyonado, para bawasan ang rate ng interes sa mga programa nito sa salary/calamity loan, at upang ituloy ang self-employed coverage. 

Mas magandang serbisyo para sa mga pensyonado. Sinabi ni SSS President and Chief Executive Officer Robert Joseph M. De Claro, “We are reviewing our guidelines on the Annual Confirmation of Pensioners (ACOP) Program in relation to manner of compliance, requirements, and other verification processes toward making the experience more convenient to pensioners.”  

Aniya, ang naturang pagsusuri ay bilang reaksyon sa karanasan at sentimyento ng mga retirement pensioners na naninirahan sa Pilipinas na 80 taong gulang pataas na kailangang sumunod sa kasalukuyang mga alituntunin sa ACOP sa ilalim ng SSS Circular No. 2023-013 na may petsang 21 Disyembre 2023 upang matiyak ang patuloy na pagtanggap ng kanilang pension benefit. Ang hindi pagsunod ay magreresulta sa pagsususpinde o pagkansela ng benepisyo. Sa pagtatapos ng 2024, mayroong 157,493 na mga pensyonado ang SSS.

Ipinaliwanag din ni De Claro, “Our review of the current guidelines and profile of pensioners include analysis of age and geographical distribution of SSS pensioners, all possible means for ACOP compliance, and available SSS resources to facilitate convenient and easy compliance – including visit to home address by designated SSS branch or office personnel.” 

Mas mababang interest rate para sa salary at calamity loan. Nasa pipeline rin para sa 2025 ay ang pagbabawas ng interest rate sa salary loan at calamity loan programs ng SSS. Sa kasalukuyan, ang rate ng interes para sa mga naturang programa ay nasa 10% kada taon.

“Given the consistent, solid performance of SSS’ investment portfolio, it is now timely to revisit the interest rate of our salary and calamity loan programs toward reducing it to increase the cash proceeds from loan applications by qualified SSS members,” pahayag nito.

Ang taunang Return on Investment (ROI) ng SSS mula 2021 hanggang 2024 ay nasa pagitan ng 5.8% hanggang 6.6%, kahit na sa panahon ng COVID-19 pandemic.

Ituloy ang coverage ng mga self-employed. Binanggit pa ni De Claro, “We will also pursue better collection compliance from other groups of workers, particularly self-employed professionals (e.g., Accountants, Doctors, Engineers, etc.), by coordinating and meeting with the Professional Regulation Commission (PRC) to discuss opportunities for cooperation and ensure SSS coverage of such workers.” 

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Pinakamataas na dibidendo, idineklara ng Pag-IBIG Fund

ni Fely Ng @Bulgarific | Mar. 3, 2025

Hello, Bulgarians! Idineklara ng Pag-IBIG Fund ang pinakamataas na halaga ng dibidendo para sa ipon ng mga miyembro nito sa Chairman’s Report 2024 na ginanap noong Huwebes sa Philippine International Convention Center.

Para sa 2024, ang Pag-IBIG Fund ay nag-ulat ng P55.65 bilyon sa kabuuang dibidendo, na minarkahang pinakamalaking payout sa 44-taong kasaysayan ng ahensya. Dahil dito, umakyat sa 6.6% ang dividend rates para sa Regular Savings, habang ang Modified Pag-IBIG 2 (MP2) Savings rate ng ahensya ay tumaas sa 7.1%.

“For nearly five decades now, this institution has empowered individuals and families to find, acquire, and build the homes they aspire for - all in a system founded on trust, integrity, and shared opportunity,” sabi ni Pangulong Ferdinand R. Marcos Jr. sa isang mensahe. “This Chairman’s Report 2024 stands as proof of how your unwavering commitment has grown the contributions entrusted to your care, enabling every hardworking Filipino to achieve their dream homes. Let us remain steadfast in creating a strong, secure, and inclusive Pag-IBIG Fund that uplifts communities and ensures no Filipino is left behind in this era of Bagong Pilipinas.”

Ang Pag-IBIG Fund ay nagtala ng panibagong banner year, kung saan ang 2024 netong kita nito ay umabot sa P67.52 bilyon -- na 36% ang pagtaas mula sa P49.79 bilyon noong 2023. Nalampasan din ng ahensya ang P1 trillion mark sa kabuuang asset, na nagsara sa taon ng P1.069 trilyon.

Binigyang-diin ni Department of Human Settlements and Urban Development Secretary Jose Rizalino Acuzar, na namumuno sa 11-member Pag-IBIG Fund Board of Trustees, ang namumukod-tanging pagganap at matatag na kalagayang pinansyal ng ahensya. 

“Pag-IBIG Fund has once again marked 2024 as one of its best-performing years, achieving record highs in both total assets and net income. This accomplishment directly benefits our members, as we declared P55.65 billion in dividends -- equivalent to 82.71% of our net income, exceeding the 70% dividend requirement by law,” sabi ni Acuzar. “With our strong performance, sound investments and robust finances, we are well-equipped to continue providing our members with responsive benefits, and advance our efforts under the Pambansang Pabahay para sa Pilipino Program, ensuring that more Filipino workers can access affordable homes.”

Samantala, binigyang-diin ni Pag-IBIG Fund Chief Executive Officer Marilene C. Acosta ang record-setting performance ng ahensya noong 2024. Binanggit niya na ang Pag-IBIG ay naglabas ng P129.73 bilyon na home loan, na tumulong sa 90,640 miyembro na makakuha ng bago o mas magandang bahay. Nakakolekta rin ang ahensya ng kabuuang P132.81 bilyon na membership savings -P73.74 bilyon na kung saan ay boluntaryong naipon sa ilalim ng Upgraded at MP2 Savings -- at nag-disburse ng P70.33 bilyon na cash loan para tumulong sa mahigit 3.2 milyong miyembro.

“Truly, when Pag-IBIG Fund performs well, our members benefit the most,” pahayag ni Acosta. “We take great pride in our record-high achievements in 2024, which reflect our commitment to helping members achieve their dream of homeownership, find relief in trying times, and save for a brighter future. We remain steadfast in safeguarding our members’ contributions and ensuring they yield the best possible returns -- because our members deserve nothing less than the highest level of public service and the most prudent stewardship of their hard-earned savings.”

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.