Z Benefit Package ng PhilHealth para sa mga sumailalim sa kidney transplantation

ni Fely Ng @Bulgarific | June 27, 2025

Hello, Bulgarians! Ang sakit sa bato o Chronic Kidney Disease (CKD) ay isa ngayon sa mga pangunahing sakit sa bansa — isa sa bawat tatlong Pilipino ay posibleng magkaroon nito. Dahil sa mahabang gamutang kaakibat nito, naaapektuhan ng sakit sa bato ang iba’t ibang aspeto ng buhay ng mga pasyente: ang kanilang mga trabaho, kalidad ng pamumuhay, at lalo na ang kanilang mga naipundar.

Kaya naman sa direktiba ng Pangulong Ferdinand R. Marcos, Jr., patuloy na pinalalawig ng  Philippine Health Insurance Corporation (PhilHealth) ang mga benepisyo nito lalo na para sa pagpapa-dialysis, kidney transplantation, at ngayon, ang tuluy-tuloy na gamutan at pagpapasuri ng pasyente upang mapanatiling tagumpay ang operasyon.

Nais ng ahensya na maging dito ay wala nang alalahanin ang ating mga kababayan nang sa gayo’y pagpapalakas na lamang ang kanilang tututukan. Kaya naman, ibinabahagi ang dalawang bagong benepisyo ng PhilHealth: Z Benefits Package para sa Post-Kidney Transplantation Services, isang para sa mga bata at isa sa mga mas nakatatandang nakatanggap ng bagong bato (kidney) mula sa mga donor.

Sa ilalim ng bagong benepisyo para sa mga bata, ilan sa mga babayaran ng PhilHealth ay:

1. Php73,065 sa kada buwan na immunosuppressive medications para sa unang taon at Php41, 150 kada buwan sa mga susunod na taon;

2. Hanggang Php45, 570 na kada buwan na drug prophylaxis o antibiotic para makaiwas sa impeksyon;

3. Php37,585 sa bawat tatlong buwan na pagpapalaboratoryo para sa unang taon at Php14,078 naman sa kada tatlong buwan para sa mga susunod na taon; at maraming pang ibang serbisyong nakadetalye sa polisiyang ilalabas ng PhilHealth.

Para naman sa mga mas nakatatanda, edad 19 o higit pa, ilan sa mga babayaran ng PhilHealth ay:

1. Php40, 725 sa kada buwan na immunosuppressive medications;

2. Php18, 932 para sa anim na buwan na gamutan;

3. Php 11,242 para sa bawat tatlong buwan na pagpapalaboratoryo para sa unang taon at Php8,125 naman sa kada tatlong buwan para sa susunod na taon; at iba pang mga serbisyong nakadetalye sa polisiyang ilalabas ng PhilHealth.

Sa ilalim ng parehong post-Kidney Transplant Services benefits ay makatatanggap na rin ng suporta ang mga nagmagandang loob na mag-donate ng kanilang bato. Ang mga living donors para sa mga bata at mga mas nakatatanda ay parehong makatatanggap ng Php1,900 para sa kada anim na buwan na pagpapalaboratoryo at monitoring mula sa PhilHealth. Ang kalinga at suportang hatid para sa donors ay bunga na rin ng pagkaunawa ng kahalagahan ng komunidad sa pagseseguro ng kalusugan ng lahat.

Kaya naman patuloy na pinaiigting ng PhilHealth ang paglilingkod upang makapaghatid ng isang mabilis, patas, at mapagkakatiwalaang agabay sa bawat Pilipino.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Maynilad, suportado ang Brigada Eskwela 2025

ni Fely Ng @Bulgarific | June 24, 2025

Hello, Bulgarians! Nagpaabot ng suporta ang West Zone concessionaire Maynilad Water Services, Inc. (Maynilad) sa humigit-kumulang 50 pampublikong paaralan sa Metro Manila at Cavite para sa Brigada Eskwela 2025 program ng Department of Education (DepEd), na nagbibigay ng mga gamit sa paglilinis at suporta sa hydration upang tumulong sa paghahanda ng mga campus para sa pasukan ngayong taon.

Sa pakikipag-ugnayan sa mga local government unit at DepEd school division, nag-donate ang Maynilad ng iba’t ibang disinfecting supplies, 87 refrigerated drinking fountain, at 260 pack ng bottled water sa mga pampublikong paaralan sa mga lungsod ng Valenzuela, Malabon, Manila, Quezon City, Caloocan, Las Piñas, Muntinlupa, Makati, Imus, at Bacoor. Ang inisyatiba na ito ay bahagi ng patuloy na pakikipagtulungan ng kumpanya sa pagsisikap ng gobyerno na mapabuti ang kapaligiran ng mga mag-aaral.

“We are pleased to support Brigada Eskwela once again, as it aligns with our sustainability agenda to promote health, education, and overall well-being in the communities we serve,” pahayag ni Maynilad Chief Sustainability Officer Roel S. Espiritu. “By helping to create safe and welcoming school environments, we hope to empower more Filipino children to grow and thrive.”

Bilang karagdagan sa mga pagsisikap nito sa Brigada Eskwela, ang Maynilad ay nag-ayos ng mga drink-and-wash station sa 20 pampublikong paaralan ngayong taon. Magsasagawa rin ito ng W.A.S.H. (Water, Sanitation, and Hygiene) education session at reading caravan sa pamamagitan ng Daloy Dunong program, sa pakikipagtulungan nito sa sister companies sa ilalim ng MVP group.

Ang Maynilad ang pinakamalaking private water concessionaire sa Pilipinas in terms of customer base. Ito ang concessionaire ng Metropolitan Waterworks and Sewerage System (MWSS) para sa west zone ng Greater Manila Area, na binubuo ng mga sumusunod na lugar: Ang mga lungsod ng Maynila (lahat maliban sa mga bahagi ng San Andres at Sta. Ana), Quezon City (west ng San Juan River, West Avenue, EDSA, Congressional, Mindanao Ave.; ang hilagang bahagi simula sa mga Distrito ng Holy Spirit & Batasan Hills), Makati (west ng South Super Highway), Caloocan, Las Piñas, Malabon, Muntinlupa, Navotas, Parañaque, Pasay, at Valenzuela — lahat sa Metro Manila, gayundin ang lungsod ng Cavite, Bacoor at Imus, ang mga munisipalidad ng Kawit, Noveleta at Rosario, pawang nasa lalawigan ng Cavite.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

SSS at DOH Caraga, nagkasundo para sa social security protection ng mga JO at COS worker

ni Fely Ng @Bulgarific | June 18, 2025

Hello Bulgarians! Nilagdaan ng Social Security System (SSS) ang isang Memorandum of Agreement (MOA) kasama ang Department of Health (DOH) Caraga Region upang matiyak ang social security protection ng 200 Job Order (JO) at Contract of Service (COS) na manggagawa ng huli. 

Sa ilalim ng SSS KaSSSangga Collect Program, ang mga JO at COS na manggagawa ng DOH Caraga ay nakarehistro bilang mga self-employed na miyembro ng SSS. 

Samantala, ang DOH Caraga Region ang mamamahala sa pagkolekta at pag-remit ng kanilang Social Security (SS) at Employees’ Compensation (EC) kontribusyon sa SSS Butuan Branch sa pamamagitan ng automatic salary deduction scheme upang masiguro ang kanilang benepisyo at loan eligibility.

Sinabi ni SSS Acting Vice President for Mindanao North Division Benigno J. Dagani Jr., partikular na target ng KCP ang Job JO at COS na mga manggagawa mula sa local government units (LGUs), National Government Agencies (NGAs), State Colleges and Universities at iba pang organisadong grupo mula sa professional sector. 

Ipinaliwanag din ng opisyal na ang programa ay nagsisilbi rin sa mga regular na empleyado na dating nagtatrabaho sa pribadong sektor. 

Maaari nilang piliing i-activate muli ang kanilang membership sa SSS sa pamamagitan ng pagpapalit ng kanilang membership type mula sa employed to voluntary at magpatuloy sa pagbabayad ng kontribusyon sa pamamagitan ng salary deduction. 

Simula Marso 2025, ang SSS Butuan Branch ay may 36 participating partner sa ilalim ng KCP at pipirma ng kasunduan sa tatlong iba pang NGAs sa pagtatapos ng unang semestre ng 2025.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.