Nanggaya sa kanya bilang Ciala Dismaya… SARAH DISCAYA, GUSTONG MAKA-FACE-TO-FACE SI MICHAEL V

ni Erlinda Rapadas @Teka Nga | October 5, 2025

Photo: YT YouLoL

Bukod kay Ogie Alcasid, isa sa magiging special guests sa 30th anniversary episode ng Bubble Gang (BG) ay si Vice Ganda. Kaya inaabangan ito ng mga loyal viewers kung magbe-blend ang comedy ni Vice sa kinagisnang comedy ng cast. 

Swak kaya ang brand of comedy nina Michael V. at Vice Ganda?

Espesyal at napaka-warm ang pag-welcome kay Vice Ganda sa BG at kakaibang experience ito para sa kanya dahil makakatrabaho niya ang mga OG cast ng longest-running gag show sa telebisyon. 

Kung sanay si Vice sa pagiging stand-up comedian, si Michael V. naman ay bihasa sa sitcom at gag show.

Samantala, labis na ikinagulat ng cast ng BG ang tsikang tumawag ang staff ni Sarah Discaya sa GMA-7 at humihiling ng face-off kay Michael V. Aliw na aliw daw si Sarah nang mapanood sa BG ang pag-spoof ni Michael V. sa kanya bilang si “Ciala Dismaya”.

Tiyak na riot ang mga eksena kapag nag-face-off sina Sarah Discaya at ‘Ciala Dismaya’ sa Bubble Gang.

---

‘Di raw madali ang halos 8 yrs. na relasyon…

AIKO, 4 BUWAN PINAG-ISIPAN ANG BREAKUP KAY CONG. JAY KHONGHUN 

LABIS na pinanghinayangan ng mga netizens ang paghihiwalay nina Aiko Melendez at Congressman Jay Khonghun. 

Almost 8 years ding tumagal ang kanilang pagmamahalan at maraming pagsubok silang nalagpasan. 

Naging malapit si Cong. Jay sa dalawang anak ni Aiko na sina Andre at Marthena, kaya inakala ng lahat na tatagal at magiging matatag ang kanilang relasyon.

Parehong public servant sina Aiko at Cong. Jay. Konsehala ng 5th District ng Quezon City si Aiko, habang congressman naman ng 1st District ng Zambales si Jay. 

Ayon na rin sa inilabas na statement ni Aiko Melendez, hindi naging madali ang desisyon niyang tapusin ang relasyon nila ni Cong. Jay. Apat na buwan niya itong pinag-isipan at tinimbang ang lahat. Maayos ang kanilang paghihiwalay at walang third party involved. 

Sa isang hiwalay na interview, nilinaw ni Konsehala Aiko na sa loob ng mahigit 7 taon na kanilang relasyon ni Cong. Jay, hindi sila nag-live-in. May sariling bahay ang aktres sa QC at dito siya nakatira kasama ang dalawang anak. Pumupunta lang siya noon sa Subic, Zambales upang tulungan sa kandidatura si Jay.

Kaya sinagot ni Aiko ang mga bashers na tinatawag siyang kabit o mistress ng congressman. Nang magkakilala sila ni Jay, nasa proseso na ng annulment ang kasal nito sa kanyang ex-wife. Mabagal lang ang naging proseso kaya hindi agad na-annulled ang kasal ni Cong. Jay nang sila ay naging magkarelasyon na.

Well, kahit nauwi sa paghihiwalay, nanatiling magkaibigan sina Aiko Melendez at Cong. Jay Khonghun. Gayunpaman, may ilang nagsasabi na maaaring isa sa mga dahilan ng kanilang hiwalayan ay ang magkaibang pananaw sa takbo ng pulitika. May nagkomento rin na baka sa sobrang kaabalahan ng aktres sa pagiging konsehala sa Kyusi ay hindi na niya nabibigyan ng panahon si Cong. Jay. 

Ano nga ba?

---

Ex, may asawa’t anak na…

ANDREA, NA-TRAUMA KAY DEREK, WA’ PA RING BF

MARAMI ang nagtataka kung bakit hanggang ngayon ay wala pang ipinakikilalang boyfriend ang Kapuso actress na si Andrea Torres. 

Maganda naman ito, sexy, sweet at disente. Malakas ang karisma ni Andrea at hindi happy-go-lucky girl. Puwede siyang ipagmalaki ng kahit na sinong lalaki na makakarelasyon niya.

And yet, mukhang na-trauma sa pag-ibig si Andrea nang mag-break sila ni Derek Ramsay. Nagpakasal at nagkaroon na ng anak si Derek kay Ellen Adarna, pero si Andrea ay wala pang bagong pag-ibig. 

May ilang nagtatanong kung ano na ang nangyari sa nali-link sa kanya noon na isang rich businessman na foreigner. Medyo may-edad nga lang ang guy, pero magiging maganda ang future ni Andrea kung ito ang kanyang pakakasalan.

Sey naman ng ilang netizens, baka may love life si Andrea pero gusto niyang maging pribado kaya hindi niya ito ipino-post sa social media. Deserve naman ni Andrea Torres ang lumigaya sa pag-ibig, pero may kani-kanyang panahon ang lahat. 

Nalilibang naman ang aktres dahil aktibo na naman siya sa kanyang showbiz career. Napapanood siya sa seryeng Akusada ng GMA-7.

---

NAIPAAYOS na ni Alex Gonzaga ang kanyang ilong kaya kampante siya sa bagong hitsura. Bumalik na sa dati ang korte ng kanyang ilong kaya hindi na siya nag-aalala pa. 

Nagbiro si Alex na ang isusunod naman niyang ipagagawa sa Belo Clinic ay ang enhancement ng kanyang boobs, isang bagay na hindi pinayagan ng kanyang mister na si Lipa Vice-Mayor Mikee Morada.

Hindi kailangan na maging ‘boobsie’ si Alex dahil tanggap naman ng kanyang mister kung ano ang hitsura at pagkatao niya. 

Samantala, hindi na gaanong nape-pressure ngayon si Alex kapag natatanong tungkol sa pagbubuntis. Malaki ang pananalig niya sa Diyos at naniniwala siyang ipagkakaloob sa kanila ni Mikee ang idinadasal nilang ‘little bundle of joy’ sa tamang panahon.

Naririyan naman ang mga anak ng kanyang Ate Toni Gonzaga na sina Seve at Polly na puwede niyang hiramin kapag nasa mood siyang maging tita o yaya.

Kaya can afford ng mga luxury items, Mavy… ASHLEY, NAGSALITA NA SA PAGKAKAROON DAW NG DOM

ni Erlinda Rapadas @Teka Nga | September 28, 2025

Photo: FB / Ashley Ortega

Ang laki ng ipinagbago ng personalidad ngayon ng Kapuso actress na si Ashley Ortega. Umaapaw ang kanyang self-confidence at nagkaroon ng kakaibang aura pagkatapos niyang maging house guest sa Pinoy Big Brother Celebrity Collab Edition. 

Si Ashley ang itinuturing na BFF ni Shuvee Etrata.

Sa kanyang mga guestings at interviews, positive things na lang ang gusto ni Ashley na pag-usapan. Kaya nang mag-guest siya sa Fast Talk with Boy Abunda (FTWBA), hindi na siya nag-comment tungkol kay Kyline Alcantara at sa dating relasyon nito kay Mavy Legaspi na BF niya ngayon.

Basta happy si Ashley sa closeness niya kay Mavy at sa pamilyang Legaspi.

Aminado si Ashley na may mga bashers na nagkakalat ng maling tsismis sa kanya. Inakusahan siyang p*kpok at may ‘DOM’ (dirty old man) kaya afford niya ang mga luxury items. 

Itinanggi ito ni Ashley Ortega dahil ang lahat ng kanyang naipundar ay kanyang pinaghirapan, at wala siyang sponsors.

---

EXCITED na si Ogie Alcasid sa kanyang guesting para sa 30th anniversary ng Bubble Gang (BG). After 12 years ay magre-reunion sila ng BFF niyang si Bitoy (Michael V.). 

Taong 2013 nang iwanan ni Ogie ang BG at pumirma ng kontrata sa ABS-CBN.

Nagmarka sa BG ang team-up nina Ogie at Michael V. bilang Yaya at Angelina — si Bitoy ang yaya at si Ogie ang bratty niyang alaga. 

May ilang viewers ng BG ang nagre-request sa GMA Network na sana, bukod kay Ogie ay i-guest din sa 30th anniversary sina Rufa Mae Quinto, Ara Mina, Wendell Ramos, Antonio Aquitania at Sef Cadayona.

Samantala, pumalo na ng mahigit 3 milyong views ang ginawang parody ni Michael V. tungkol sa Discaya couple na sangkot sa flood control scandal ng Department of Public Works and Highways (DPWH). 

Maraming humanga sa pagiging henyo ni Michael V. na gumawa ng parody ni Sarah Discaya bilang si Ciala Dismaya. Maging si Ogie Alcasid ay tumawag kay Bitoy nang mapanood niya ang parody na ikinatuwa niya.

---

Bukod sa bahay sa Australia… DREW AT IYA, MAY REST HOUSE NA SA TANAY, RIZAL

MALAPIT nang buksan ang Casa Arellano, ang rest house nina Drew Arellano at Iya Villania na nasa Tanay, Rizal. Mala-Baguio at Tagaytay ang ambiance ng rest house at tiyak na magugustuhan ng mga bakasyunista na naghahanap ng malamig at tahimik na kapaligiran. 

Balak nina Drew at Iya na ipa-rent sa mga bakasyunista ang kanilang rest house sa Tanay for extra income.

Magaling humawak ng pera ang mag-asawang Drew at Iya. Simple lang ang kanilang lifestyle kaya nagagawa nilang makaipon at makapag-invest ng mga properties. May apartment na rin sila sa Sydney, Australia. 

Doble ang sipag ngayon nina Drew at Iya dahil may lima silang anak na dapat itaguyod.

Kumikita sila sa kanilang mga endorsements kasama ang kanilang mga anak. May regular show din si Drew sa GMA-7, ang Biyahe ni Drew (BND) na napapanood tuwing Linggo ng gabi, 6:15 PM sa GTV. Si Iya Villania naman ay may segment na Chika Minute sa 24-Oras.

---

ALL-STAR cast ang pelikulang Kontrabida Academy (KA) na idinirek ni Chris Martinez. Bibihira ang ganito kalaking casting ng pelikula na napagsama-sama ang magagaling na kontrabida sa movie industry. 

Kasama rito sina Celia Rodriguez, Jean Garcia, Gladys Reyes, Pinky Amador, Odette Khan, Rez Cortez, Michael de Mesa, Baron Geisler atbp..

Kakaiba rin ang istorya ng KA dahil mistulang acting workshop ang takbo ng kuwento. 

Nasa lead cast ng movie sina Eugene Domingo (Uge), Barbie Forteza at Jameson Blake. 

Tinitiyak ni Uge na maaaliw ang mga manonood ng kanilang pelikula sa Netflix.

Madir, hanggang emote na lang na ‘di nakikita ang anak… KATHRYN AT MAYOR MARK, SA CONDO SA BGC DAW NAGLI-LIVE-IN

ni Erlinda Rapadas @Teka Nga | September 26, 2025

Photo: FB Kathryn Bernardo / Mayor Mark

TODO-REACT ang mga fans at supporters ni Kathryn Bernardo sa umiikot na balita na diumano’y nagli-live-in sila ng boyfriend niyang si Lucena Mayor Mark Alcala. 

Sa isang condo raw sa BGC, Taguig sila magkasama, at doon din madalas na nakikitang namamasyal sa gabi hanggang madaling-araw.

Pero ang ipinagtataka ng mga netizens ay bakit kailangan pang ilihim nina Kathryn at Mayor Mark, gayung pareho naman silang single? 

Anytime, puwede nilang aminin ang kanilang relasyon sa publiko, maliban na lang kung pamilyado na si Mayor Mark Alcala.

Si Kathryn naman ay nasa tamang edad na at natural lang na magkaroon na siya ng nobyo, lalo na matapos ang breakup nila ni Daniel Padilla. Hindi rin naman maaapektuhan ang career niya kahit aminin pa niya ang relasyon nila ni Mayor Mark. Kahit pa siguro magpakasal na si Kath, tiyak na tanggap pa rin siya ng kanyang mga fans.

Pero tanggap kaya ni Mommy Min kung totoo ngang nakikipag-live-in na si Kathryn sa nobyong mayor? Mukhang matagal nang hindi nagkikita si Kathryn at ang kanyang mommy dahil sa latest post ni Mommy Min sa Instagram (IG), may mga hugot ito ng kanyang pangungulila sa bunsong anak. Wala na bang komunikasyon ang mag-ina?

---

Todo-suyo, ayaw nang makita ng ex-GF…

GERALD, MALAKI ANG KASALANAN KAY JULIA

Finally, nagsalita na si Gerald Anderson tungkol sa kumakalat na balita na ang volleyball player ng Cignal HD Spikers na si Vanie Gandler ang third party sa hiwalayan nila ni Julia Barretto.

Ayon kay Gerald, hindi niya kilala nang personal si Vanie. Mahilig lang daw siyang manood ng volleyball, kaya inakala ng marami na ito ang ipinalit niya kay Julia.

Ganunpaman, inamin ni Gerald na malaki ang nagawa niyang kasalanan kay Julia, kaya humihingi siya ng tawad sa dating nobya at sinusuyo pa rin niya, kahit ayaw na siyang makita ng aktres.

Ang tanong ng marami ngayon, kung hindi si Vanie ang dinarayo ni Gerald sa panonood ng women’s volleyball, sino sa mga players ang kanyang natitipuhan? Kaya ba niyang aminin ito at ilantad sa publiko? 

Hanggang kailan paiiralin ni Gerald ang kanyang pagiging chickboy? May balak pa ba

siyang magpakasal kung sakali?

Well, for sure, magiging maingat na ang susunod na babaeng mauugnay kay Gerald Anderson. He’s not the marrying type at hindi pa talaga handang maging seryoso sa pakikipagrelasyon.

---

Kuya nila, kahit namatay na…

GRETCHEN AT CLAUDINE VS. MARJORIE, TULOY

MARAMI ang nag-aabang kung darating sina Gretchen at Claudine Barretto sa burol ng panganay nilang kuya na si Mito Barretto. Si Marjorie ang punong-abala sa pag-aasikaso sa wake ng kanilang kuya.

Alam ng publiko na may gap pa rin sina Gretchen at Claudine kay Marjorie na hanggang ngayon ay hindi pa nase-settle. Noong burol ng kanilang ama sa Heritage Park, nagkaroon ng eksena ang magkakapatid na Gretchen, Marjorie, at Claudine. Namagitan pa noon si dating Pangulong Rodrigo Duterte. 

Mula noon ay hindi na nagkaroon ng pagkakataon na magkita at magkaayos ang tatlo.

Mahal na mahal nina Gretchen, Marjorie at Claudine ang kanilang Kuya Mito. Siya na kasi ang tumayong padre de familia nang yumao ang kanilang ama. 

Maging ang mga anak ni Marjorie na sina Dani, Julia, Claudia at Leon ay naging malapit sa kanilang Tito Mito, kaya ganoon na lamang ang kanilang lungkot sa biglaang pagpanaw nito.

Tiyak na hindi titiisin nina Gretchen at Claudine ang kanilang Kuya Mito. Gagawa sila ng paraan upang makiramay sa pamilyang naiwan ng kanilang kuya. 

Marami namang malalapit sa pamilya Barretto ang umaasa at nagdarasal na sana ay magkaayos na ang magkakapatid alang-alang sa ikatatahimik ng kanilang Kuya Mito.

---

MARAMI ang naghahanap kay Heart Evangelista sa ginanap na Trillion Peso March Rally sa EDSA Shrine, Luneta at Camp Aguinaldo. Maraming celebrities ang lumabas upang iparamdam ang kanilang disgusto sa nagaganap na katiwalian sa flood control scandal ng Department of Public Works and Highways (DPWH). 

Bilyun-bilyong halaga ang involved sa mga projects at may mga pulitikong sangkot sa katiwalian. 

Pero si Heart, mas minabuti na lamang ang manatili sa loob ng kanyang bahay. Nakarating kasi sa kanya ang balita na kapag pumunta siya sa rally, huhubaran siya at kakaladkarin ng mga raliyista. 

Inalala ni Heart ang kanyang kaligtasan. Hindi man niya kagustuhan, nadadamay siya sa kanyang mister na si Sen. Chiz Escudero. Marami ang dismayado ngayon kay Sen. Chiz, at si Heart ay inaakusahang ‘nepo wife’ dahil sa kanyang collection ng mga luxury bags, shoes at jewelries. 

Ilang beses nang naipaliwanag ni Heart na may sarili siyang pera at properties na naipundar bago pa siya nagpakasal kay Sen. Chiz Escudero. Maliwanag sa kanilang prenup agreement na kung anuman ang kanyang naipundar noong dalaga pa siya ay hiwalay iyon sa mga properties ni Sen. Chiz. 

Hanggang ngayon ay kumikita siya dahil sa kanyang mga endorsements at sa pagrampa niya sa fashion week ng New York at Paris.