ni Mercy Lejarde @Talkies | July 18, 2026
Photo: IG _iamkarendavila
Nagka-postpartum pala ang aktres na si Angelica Panganiban matapos manganak sa unica hija nila ni Gregg Homan na si Bean, ayon sa ibinahagi niya sa panayam sa YouTube (YT) channel ng broadcast journalist na si Karen Davila.
Sa panayam, tinanong siya ni Karen, “Did you experience postpartum?”
Sumagot si Angelica, “Yes.”
Sinundan ito ni Karen ng tanong na, “How?”
Ikinuwento ni Angelica ang ilan sa mga naging hamon niya bilang bagong ina.
“Nahirapan akong magpadede. As in, dumudugo ang breast ko. Akala ko, ‘pag ginanu’n mo lang, dedede na. ‘Di pala,” ani Angelica.
Tanong pa ni Karen, “Ano ‘yung mga concerns mo sa kanya (Baby Amila)? Gusto mo, matalino, gusto mo, ganito? That’s all with food and nutrition?”
Sumagot si Angelica na ang pinakamahalaga para sa kanya ay ang kalusugan ng kanyang anak.
“Oh, yes. Ako, ayoko s’yang magkasakit. S’yempre, may support ng vitamins, good food, nutrition, milk, at lifestyle. Pero ‘yun talaga ang lagi kong ipinagdarasal. Prayers, sa prayers ako umaasa. Parang, ‘Naku, Lord, alam Mo kung ano ang laman ng puso ko.
“Alam Mo kung ano lang ang kaya ko. So please, ‘wag sakit. Kasi ‘yung talino, feeling ko, kaya ko pa ‘yun. Ipa-tutor ko, kaya ko. ‘Yung pagiging bibo, parang meron talaga s’ya — ang daldal, ang bibo. Pero ‘yung health, ako pa naman, sakitin,” sey ng aktres.
Well, tumpak, dahil health is wealth.
NAGBAHAGI ang komedyanteng si Ate Gay ng pinakabagong update tungkol sa kanyang kalagayan sa pamamagitan ng kanyang social media post.
Ayon kay Ate Gay, nadagdagan ang kanyang mga araw ng CyberKnife treatment at aabot na sa anim ang kabuuang sessions niya.
Aniya, “Nadagdagan ako ng isa pang araw ng CyberKnife bukas, Friday, Monday at Wednesday. Bale, 6 sessions na. Inaalis nila nang bongga ang bukol ko.
“Salamat sa Poong Maykapal at sa anghel na ipinakilala Niya sa akin. May nutritionist-dietitian akong gumagabay sa akin. Napakapalad ko dahil isa sa mga doktor ko ang direktor ng Asian Hospital. May doktor din akong tumitingin sa boses ko.
“Kaya sa mga nagkokomento tungkol sa pagkain, pahinga at pagpupuyat ko, ang mga doktor ko ang pinakikinggan ko. Natutuwa sila na nagpe-perform pa rin ako, basta ‘wag ko lang kalimutang magpahinga at kumain. Wala raw bawal—maaari kong kainin ang anumang gusto ko.
“Salamat po.”
Praying for your fast recovery, Ate Gay.
NAGSALITA na ang aktres-singer na si Tuesday Vargas sa kanyang Facebook (FB) page matapos makatanggap ng mga mapanuring komento mula sa ilang kapwa-pintor tungkol sa kanyang mga obra.
Sa kanyang post, sinabi ni Tuesday, “‘Yung mga nagpipinta rin dito na kung maka-comment, eh, akala mo sila lang anak ng Diyos—wala akong pake kung ‘di kayo nagagandahan.
“Ang sining ko ay para sa akin. ‘Di ako gumuguhit para sa mga kagaya n’yo na walang ginawa kundi patayin ang pangarap ng mga sumusubok.
“Kung walang pumapansin sa artwork n’yo, ‘wag ako ang pag-initan n’yo. Wala akong goal na i-please ang lahat, lalo na ang mga kagaya n’yong makikitid ang isip.
“You call yourselves artists, and yet you trample on those trying to improve their skills and showing their vulnerability to the world through art? Ano’ng klaseng ugali ‘yan? Wala kang ability to clap for others?
“Uulitin ko—art is therapy for me. I am doing this for me. Sana, naturuan ka ng mama mo. If you don’t have anything nice to say, shut up.”
Korek, Tuesday! Ang pagpipinta ay nakapagpapagaan ng isip at talagang nakaka-relaks.
