MARIEL, TODO-TANGGOL KAY SEN. ROBIN, NA-BASH KAHIT BIRTHDAY

ni Janiz Navida @Showbiz Special | August 11, 2026

Photo: IG _marieltpadilla

Forty-second birthday kahapon, August 10, ng misis ni Sen. Robin Padilla na si Mariel Rodriguez-Padilla.

Pero bagama’t inulan ng pagbati si Mariel mula sa mga kapatid na Muslim ni Sen. Robin, hindi siya pinatawad ng mga bashers ng mister.

Nag-viral kasi ang dating video reels ni Mariel na lumabas nu’ng 2022 pa, kung saan ipinagmamalaki niya si Sen. Robin at ipinagtatanggol sa mga bashers nito na graduate ng Criminology ang asawa, at kahit daw nu’ng panahong nakakulong pa dahil sa illegal possession of firearms ay “nakapagpasa” na raw ng batas dahil sa mga naging karanasan nito sa loob ng Bilibid, kaya qualified daw na maging senador.

May mga netizens na nag-react sa sinabi ni Mariel at inakusahan itong “b*bo” tulad ng asawang senador.

Naglabas ng pahayag si Mariel bilang paglilinaw sa mga sinabi niya sa lumang video reels at simula ng caption ng post niya, “Common sense is most uncommon.”Ipinaliwanag niya rito na hindi naman niya literal na ibig sabihing si Robin ang nagpasa ng batas dahil talaga namang hindi pa ito senador that time. 

Ang ibig daw niyang sabihin, “His experience was being cited to show that even before becoming a senator, he had firsthand experience of how laws—and changes in laws—can directly affect a person’s life.” 

Gayunman, sa kabila ng paglilinaw ni Mariel, meron pa ring mga hindi nakaunawa sa kanya at kahit nga birthday niya, pinagsalitaan siya nang masasakit.

Ilan sa mga komentong nabasa namin sa isang entertainment page…

“Etong si Mariel, kulang ng iodized salt. Bagay na bagay sila ni Robin.”

“Kung ako sa 'yo, Mariel, mag-live selling ka na lang sa bagong mansion n’yo ni Binoe.”

“Hirap na hirap si Mariel ilusot. LoL. Pa-glutha drip ka na lang sa Senado ulit. Dali! LoL!”

“In short, diarrhea of the mouth. Fake info sinabi n’ya kaya walang sense. Ang hina ng comprehension n’ya kasi ang labo ng sinasabi n’ya sa video na ‘yun. No wonder talaga pumasa si Robin sa standards nito kasi kulang din sa sustansiya ang pag-iisip.”

Tsk! ‘Yan talaga ang hirap ‘pag nasa pulitika ang asawa, damay ang pamilya. Pero alam naman na ni Mariel ‘yan, kaya for sure, alam na rin niyang i-handle ang mga bashers ni Sen. Robin. 

---

Maysakit ang role, kinarir… 

GERALD, BIGLANG PAYAT DAHIL SA MOVIE

ISA si Gerald Santos sa mga celebrities na dumalo sa ginanap na special advance screening ng Chinese box office hit movie na Dear You (A Love Letter to Grandma) last August 5 sa IMAX Theater sa SM Mall of Asia.

Sinalubong si Gerald sa lobby ng mga officers ng Federation Of Filipino Chinese Chambers Of Commerce & Industry, Inc. (FFCCCII) sa pangunguna ng president nitong si Mr. Victor Lim, kasama ang mga board members na sina Mr. Eddie Cobankiat at Wilson Flores ng Kamuning Bakery.

Nakausap namin si Gerald after ng screening at aniya, sobra siyang naka-relate at na-appreciate niya nang husto ang story ng Dear You, na showing on August 12 sa mga sinehan. Isa itong family drama kung saan kinailangang mag-abroad ng ama ng tahanan para mabigyan ng magandang buhay ang kanyang pamilya.

Minsan na rin kasing naging OFW si Gerald nang matagal siyang manatili abroad at naging bahagi ng Miss Saigon musical stage play.

Naka-relate siya sa malaking sacrifice na naranasan ng bidang aktor sa Dear You kaya napaluha pa raw siya sa ilang eksena ng movie.

Samantala, malaki ang ipinayat ngayon ni Gerald at aniya, para ‘yun sa kanyang bagong pelikulang Liwanag at Dilim na sana raw ay makapasok sa MMFF 2026.

Tungkol ito sa biopic ni Emilio Jacinto na ang direktor ay ang manager niyang si Rommel Ramilo.

Napanood na namin ang trailer ng pelikula at malalaking artista pala ang sumuporta rito kay Gerald tulad nina Alden Richards, Aljur Abrenica at Angel Aquino.

Well, sana nga ay mapili ito for MMFF 2026 dahil tiyak na tatatak kay Gerald ang role niya rito bilang si Emilio Jacinto.

---

Ipinagkakalat ng manager ng ibang artista… SIKAT NA YOUNG ACTRESS, MALANDI, MAHILIG SA LALAKI, TODO-PATOL KAHIT SA MAY-ASAWA

BLIND ITEM:

IMBIYERNA ang manager ng ilang sikat na artista sa sikat na young actress na magaling umarte at nagbibida sa serye.

Kuwento ng aming source, dinig na dinig niya kung paano i-bad mouth ng manager ang young actress nang may isang client na gustong kumuha rito para maging endorser ng kanilang produkto.

Dating nasa kuwadra ng manager ang young actress, na ngayon ay nasa pangangalaga na ng ibang talent manager.

At dahil ilang taon ding hinawakan ng manager ang young actress, alam na alam niya ang ugali nito.

Sabi ng source, sinabihan daw ng manager ang client na ‘wag kuning endorser ang magaling na young actress dahil hindi wholesome ang image nito. Malandi raw ang young actress at mahilig sa lalaki. Inisa-isa rin nito sa client ang mga nakarelasyon at naugnay sa young actress, na ‘yung isa ay may-edad nang pamilyadong guwapong aktor na naging tatay pa niya sa isang serye.

Hindi naman daw seryosong relasyon ang namagitan sa dalawa kundi tamang flirting at tikiman lang.

Naku, ‘pag nakarating ito sa bagong manager ng young actress, hindi kaya giyerahin ang dating mayhawak sa kanyang alaga?

Well, sabi nga, walang secret na ‘di nabubunyag.  

Para may resibo panampal sa mga bashers… PAGLILIBOT NI AIKO SA MGA INULAN, IBINI-VIDEO NI ONEMIG

ni Reggee Bonoan @Sheet Matters | August 11, 2026

Photo: IG _aikomelendez

Paborito talagang gawan ng isyu si Konsehala Aiko Melendez ng 5th District of Quezon City ng kanyang mga kalaban sa pulitika dahil for the nth time ay sinabihang may troll account siya para roon ilagay ang mga puna niya sa mga kasamahan.

Sabi ni Konsi Aiko sa kanyang Facebook (FB) account kahapon nang tanghali, “Kung may gusto kayong patunayan, sa trabaho at serbisyo na lang sana. ‘Wag n’yo na akong idamay sa paggawa ng mga page na kayo-kayo rin naman ang naglalaban, tapos sa akin ipapasa at ipapalabas na ako ang nasa likod.

“‘Di ko kailangan ng page o trolls para sabihin ang gusto kong sabihin. Sarili kong account at sarili kong paninindigan lang ang ginagamit ko (pray emoji),” katwiran ng konsehala.

Ipinagdiinan pa ni Aiko, “Marami akong alam, pero pinipili kong manahimik. ‘Di lahat ng bagay, kailangang patulan o ipaliwanag.

“Gusto ko lang magtrabaho nang maayos at makatulong sa mga tao. Sayang ang oras sa gulo, mas mabuti pang gamitin natin sa serbisyo.

“Ingat sa ulan. God bless sa ating lahat.”

Namo-monitor namin ang galawan ng ilang public servants sa ilang araw ng pag-ulan sa Quezon City at isa si Konsi Aiko sa mga nakita naming naglilibot sa kanyang mga constituents para kumustahin ang lahat at magbigay ng mga kakailanganin sa ganitong panahon. 

Kung hindi kami nagkakamali ay kasama niya sa paglilibot ang boyfriend niyang si Onemig Bondoc bilang support sa pagtulong nito at higit sa lahat, ito rin ang nagbo-voice over para ilarawan ang laman ng video. 

Nabanggit pa ni Onemig na nilalagnat si Aiko sa araw na namamahagi siya ng tulong, pero mas inuna nito ang mga kabarangay.

Kailangang idokumento ng konsehala ang bawat kilos niya sa pagtulong para may resibo siya kapag ginawan siya ng mas matinding isyu ng mga bashers niya.

---

Kahit OA naman…

MARVIN, HAPI NA PINAGKAKAKITAAN PA RIN NILA NI JOLINA ANG LOVE TEAM NILA

NAKAKATUWA ang tambalang Marvin Agustin at Jolina Magdangal dahil napanatili nila ang kanilang magandang samahan kahit na siguro minsan ay umaabot na sa birong personal. Pero dahil idinaan nga sa biro ay walang sumeryoso.

Kasi naman itong si Marvin, laging binibiro si Jolina, tulad sa nakaraang Tara, Kapatid! Midyear Media and Trade Celebration ng TV5, nabanggit niyang mga anak nila ng ‘labtim’ niya ang dalawang batang nasa loob ng MVP Studio para panoorin ang mama nila. Kaya naman, agad-agad siyang sinaway ng aktres.

For sure, aware naman na ang mag-aama ni Jolina na palabiro ang labtim nito kaya hinahayaan na lang at saka para malaman din ng lahat na nananatiling malapit na magkaibigan ang dalawa at makakatulong ito sa kanilang upcoming TV series na Mommy Guard (MG) na mapapanood simula sa susunod na buwan, Setyembre.

Anyway, aktibo na ulit ang mga supporters ng MarJo love team dahil may mga nababasa kaming excited sila sa pagsasama ulit ng kanilang idolo. Kaya si Jolina ay labis na nagpasalamat sa lahat dahil nandiyan pa rin sila at pasalamat ding natupad ang isa pa niyang pangarap.

Nag-post si Jolina sa kanyang Instagram (IG) account nu’ng isang gabi.

Aniya, “Sa launch ng Mommy Guard sa Trade Event, mas tumindi ang pakiramdam ko na unti-unti nang natutupad ang proyektong matagal ko nang idinasal. Sa totoo lang, sobra akong overwhelmed at punong-puno ng saya.

“Napakarami nang taon ang lumipas, pero hanggang ngayon ay hindi pa rin ninyo ako iniwan, ganu’n din ang labtim kong si @marvinagustin. Ang sarap isipin na kahit kami ay nag-pursue na ng aming mga kanya-kanyang buhay ay nabibigyan pa rin kami ng pagkakataon na magsama at gumawa ng malalaking proyekto tulad nito.

“Habambuhay kong pahahalagahan ang pagmamahal at tiwalang ipinagkaloob ninyo sa amin. Patuloy akong magsisikap na mag-evolve kasama ang mga taong walang sawang naniwala at sumuporta sa amin sa pagdaan ng mga taon, habang buong-puso ring tinatanggap at pinapahalagahan ang mga bagong nakikiisa sa aming paglalakbay.

“Taos-puso akong nagpapasalamat sa buong TV5 Management at sa aking @starmagicphils Family sa napakalaking pagkakataong maibahagi muli sa mga manonood ang aking talento at maipakita kung sino na ako ngayon, bilang isang artista at bilang isang tao.

“Maaaring nostalgia ang naiisip ninyo palagi sa akin at sa aming dalawa pero wish ko na makapaghatid kami ng mas marami pang dahilan upang mas maging makulay ang pagsasama natin lahat.

“This is really it! #MommyGuard soon on @tv5manila Excited na ‘ko.”

In fairness, napangiti naman kami sa teaser ng MG kahit na OA pa rin ang MarJo, pero iyon kasi ang brand nila, eh, kaya hindi ‘yun mababago dahil doon sila sumikat at kumita sa lahat ng projects nila. Kaya hanggang ngayon ay marami pa ring may gusto sa kanila, na tulad nga ng sabi ni Marvin, malapit na silang mag-50-anyos ay pinagkakakitaan pa rin nila ang kanilang love team. Why not, ‘di ba?

Anyway, mapapanood na ang Mommy Guard sa TV5 sa Setyembre, mula sa direksiyon ni Roman Perez, Jr. at kasama rin sina Roxanne Guinoo, Dominic Ochoa, Cedric Juan at Susan Africa.

Ang iba pang ka-join sa serye ay sina Dominic Ochoa, Pearl Gonzales, Amo Wilding, Nathalie Apollo, Patrick Ballesteros, Celyn David, Geraldine (Ge) Villamil, Ankie (Angkir) Gray, Tabs Sumulong, GB Labrador, Inah Evans, Hershey Neri, Migo Manikan, Quin Carrillo at Ian Mark Kamangkang.

Habang baha everywhere… “MAGANDANG ARAW PO SA MGA YUMAMAN SA FLOOD CONTROL” — EDU

ni Beth Gelena @Bulgary | August 11, 2026

Photo: IG _realedumanzano

Sunud-sunod ang patama ni Edu Manzano tungkol sa flood control controversy.

Post niya sa Facebook (FB) page niya, “Dati, ‘pag may bagyo, halos lahat ng baha, nasa TV.

Ngayon, sa social media na natin nakikita ang mga kalsadang lubog at mga taong hanggang tuhod ang tubig.

“Napapaisip tuloy ako... Bakit?

“Sa gitna ng napakalaking isyu ng ghost at questionable flood-control projects, bakit nawala na naman ang atensyon dito?

“Bakit puro sa impeachment lang nakatuon ang gobyerno at hindi pati sa mas malawak na korapsyon sa flood control? Lagpas isang taon na. Puro kwento pa rin at pangako. 

“Ito ba ay dahil sa mga personalidad na sangkot sa korapsyon sa flood control ay mga tao rin na may impluwensya o may pagmamay-ari ng mga media company? 

“Kaya ba tahimik ang mga dating bumabatikos ng baha? 

“Follow the water. Follow the money. Ask WHY.”

Isa pang post nito: “Magandang araw po sa mga yumaman sa flood control. Sana dry kayo, komportable at enjoy na enjoy sa perang hindi naman sa inyo. Kami na po ang bahalang lumangoy. #NOCOLOR #neverforget.”

Dahil sa ilang araw na pagbuhos ng ulan, maraming lugar na naman sa Metro Manila at iba’t ibang probinsiya ang binabaha ngayon. 

Kaya maraming netizens ang naka-relate sa sentimyento ni Edu at ito ang mga komento nila… 

“Sir Edu, paano ibabalita, may maleta sa baha?”

“I’m happy someone with great reach like Edu has the balls to call out these networks and to remind everybody na wala pa ring nakukulong sa mga sangkot sa flood control issue.”

“Because Digong shut down and crippled ABS-CBN and all their satellite resources. That’s why.”

“Baka may busal ang bibig nila.”

“Baka bawal mag-report ng baha, may utos sa taas, may payola.”

“When will the flooding stop?

Every time heavy rain comes, people ask the same question: ‘When will the flooding in the Philippines stop?’ Our mountains are not just landscapes. Forested watersheds play a critical role in managing rainfall. Trees, vegetation, soil, wetlands, and natural drainage systems help intercept rain, increase infiltration into the ground, slow surface runoff, and regulate the movement of water toward rivers and communities below.

“Protect the watershed. Protect the mountains. Protect the communities downstream. Flood prevention begins upstream.”

“Mas malaking kalaban kasi si Sara kesa sa flood control, kasi ‘pag ‘di ‘yan na-impeach, tapos tumakbong pangulo at manalo (‘wag naman sana, please?), ‘di lang sa baha lulubog ang Pilipinas, baka maging probinsiyudad na lang talaga tayo ng China.”

“Nasa news naman, both GMA and ABS-CBN.. baka kasi ibang channel ang pinapanood mo. Hahaha!”

Ganern?!

---

Nainip, muntik na raw layasan ang showbiz… 

ALEXA, 16 YRS. BAGO GUMRADWEYT SA PAGIGING STARLET 

TANGGAP ni Alexa Ilacad na isa lang siyang starlet noon.

Sa isang panayam, nabanggit niyang muntik na siyang mag-quit sa showbiz.

Aminado siyang dumating siya sa puntong naisip niyang baka hindi talaga para sa kanya ang industriya dahil napakatagal niyang hinihintay ang malaking break.

Mahigit 16 taon na raw siya sa showbiz, parang delayed gratification daw ang nangyari o baka kailangan muna niyang maghintay dahil hindi pa siya handa noon.

Sey niya, “Baka if I experienced it any earlier, baka hindi ako handa. Maybe I wouldn’t be equipped to deal with it, unlike ngayon. Baka ngayon talaga ako handang-handa to receive all of the blessings na ibinibigay sa akin.” 

Ngayon daw, tanggap na niya kapag may naririnig siyang sinasabihan siyang starlet.

Sey niya, “Kasi most people would argue na, ‘Ang tagal mo na, starlet ka pa rin. Ang tagal mo na, ganyan ka pa rin.’”

Ang mahalaga raw sa kanya ay  nananatili siyang nakikita at nagawa niyang patuloy na baguhin ang sarili sa paglipas ng mga taon.

Aniya pa, “Well, I’d be lying if I said na ‘di ako nainip. I’d be lying if I said na never ko naisip na mag-quit — or na baka hindi ito para sa akin. I would think about that all the time. Kasi nga, ang tagal. Ang tagal talaga.

“Samantalang some people get it so quickly. Some people, unang taon pa lang, nakukuha na nila lahat ng mga pinapangarap ko. So minsan, napapaisip ako na, ‘Ah, baka ‘di ‘to ‘yung para sa akin. Maybe this is God’s sign na I should start doing something else with my life.’”

Ngayon, pakiramdam ni Alexa ay handa na siya. Naniniwala siyang dumating ang mga oportunidad sa kanya sa tamang panahon dahil mas equipped na siyang harapin ang mga ito.