Para raw sa katahimikan ng pamilya… SHARE NI GABBY LOPEZ SA ABS-CBN, IBINENTA NA KAY RAMON ANG

ni Julie Bonifacio @Winner | August 11, 2026

Photo: File / Wikimedia

Ibinenta na ni Eugenio ‘Gabby’ Lopez III at ng kanyang pamilya ang kanilang 25.68% stake sa Lopez, Inc. kay Ramon Ang.

Sa pamamagitan ng holding company na Crème Investment Corp. ay nagkaroon ng 25.68% si Ang sa Lopez, Inc., kung saan bahagi ang ABS-CBN, gamit ang kanyang kumpanyang Ilumina Investment Holdings, Inc..

Hindi inihayag ang eksaktong halaga ng bentahan. Pero kung ano ang dahilan ay malinaw na naihayag ni Gabby.

“The first is my family. This dispute has not been good for any of us, or for the people who work in our companies. This allows us to take a step towards the restoration of family peace. The second is that it allows me to channel our family’s resources into businesses aligned with our personal mission. 

“We will announce more on this in due time. Our families have known Ramon a long time. I am confident he will be a good partner to Lopez, Inc.,” sabi ni Gabby.

Sa panig ni Ramon, nilinaw niya na mananatili ang kontrol ng mga Lopez sa kumpanya at binili niya ang kanyang share sa kanyang sariling kapasidad bilang kaibigan ng lahat ng panig.

Pahayag ni Ramon, “I have known the Lopez family for decades. Not one branch of it, but all of them. I am a friend to each, and I intend to stay that way. I came in because I believe in these businesses, and because a steady partner at the table can be good for everyone around it. 

“The family branches that continue to hold the controlling majority of Lopez, Inc., will continue to lead it. My interest is that the group comes out of this stronger.”

Prior to this, may mga naiulat na magsasanib-puwersa umano sina Ramon Ang at Manny Pangilinan sa pag-take over sa ABS-CBN. 

Kaya ang ibang mga netizens ay hinahanap ang partisipasyon ni Pangilinan sa naganap na bentahan between Gabby and Ramon.

“The next question: What is Manny Pangilinan’s actual role in this deal?”

“Parang out of the picture na. Besides, MVP already owns the previously Lopez-held Meralco.”

Ano’ng nangyari?

---

Bilyonarya na raw siya…

“NAKU, WOW! LORD, THANK YOU!” — DIMPLES

BEST friend ng mga famous female celebrities, ito ang isa sa mga naging imahe ni Dimples Romana sa showbiz. Kaya naman, curious ang marami to find out bakit ang most of the well-known actresses sa bansa ay super-love siya.

“Kasi ‘di po ako sumasagot sa mga tanong,” sabay tawa ni Dimples noong makausap namin sa Tara, Kapatid! Midyear Mediacon & Trade Celebration ng TV5.

“At saka, siguro, ang mabuting kaibigan para sa kanila is standing by them and being able to hold forth. Kasi, kahit naman gusto nilang i-share sa atin ang buhay nila, ibigay na natin sa kanila ‘yun. Kasi, tayo naman ay may kani-kanyang pinagdaraanan sa buhay,” lahad ni Dimples.

Reynang-reyna ang peg ni Dimples sa TV5 ngayon. Bukod kasi sa kanyang Gud Morning Kapatid (GMK), napapanood din si Dimples sa serye nina Kathryn Bernardo at James Reid titled Someone, Someday (SS).

May nagsabi nga na bilyonarya na si Dimples.

“Naku, wow! Lord, thank you. Well, I have three kids. So, I have to make sure na lahat ng ginagawa ko ay para sa mga anak ko,” reaksiyon ng aktres-TV host.

Kahit graduate at nagtatrabaho na bilang pilot ang anak na babae ni Dimples, meron pa raw siyang baby boy na palalakihin at pag-aaralin.

“Kaya nga po I’m so happy with TV5. They have given me new ways to practice my craft and to be in the news. I’m so excited that I get to do the news with TV5,” diin pa ni Dimples.

Payo sa mga kapwa artista… KRIS: ‘WAG MAG-AASAWA ‘PAG WALA PANG IPON

ni Erlinda Rapadas @Teka Nga | August 11, 2026

Photo: IG / Kris Bernal

Hindi pinagsisihan ni Kris Bernal kung pinili niyang magpahinga muna sa showbiz nang magdesisyon siyang magpakasal sa Chinese businessman na si Perry Choi. Naging full-time wife at mom siya at nagkaroon ng negosyo.

Ganunpaman, hinahanap pa rin niya ang masayang mundo ng showbiz at ang muling makaarte. Masuwerte rin siya na very supportive ang kanyang mister at pinagbigyan siyang bumalik sa showbiz.

Muling naramdaman ni Kris ang pagiging celebrity. Marami siyang naging guestings sa mga TV shows ng GMA-7. Naging matatag at stable ang kanyang kita at nabibili niya ang lahat ng kanyang gusto.

Kaya payo ni Kris sa mga single girls ngayon sa showbiz, huwag sumubo agad sa pag-aasawa kung hindi pa financially stable. Huwag magmadali na basta i-give-up ang career kung hindi pa handa.

Sa kanyang kaso, na iniwan ang career dahil sa pag-ibig, masuwerte siyang muling nakabalik sa showbiz. 

Tama rin ang pinili niyang maging life partner, mahal na mahal siya at nasusunod ang lahat ng kanyang gusto.

Ngayon, kahit na hindi siya ang bida sa serye, maganda ang exposure niya sa telebisyon. Uso na naman siya.

---

Bukod kina Marian at Dingdong…

BEA AT VINCENT, INAABANGANG MAG-GUEST SA GGV NI VICE

MULING pumirma ng kontrata si Vice Ganda sa Kapamilya Network, kaya tuluy-tuloy pa rin siya sa noontime show na It’s Showtime (IS) matapos mapabalitang na-suspend siya rito.

Well, hula ng mga netizens ay ibabalik ang Gandang Gabi Vice (GGV) show niya, pero sa GMA-7 ito mapapanood. 

Wala pang kumpirmasyon mula sa mga bossing, pero ito rin ang naririnig naming gagawin ni Vice para sa Kapuso Network.

Posibleng sina Marian Rivera at Dingdong Dantes ang mga unang guests ng show. Posible rin na pumayag na mag-guest si Bossing Vic Sotto dahil may movie sila na entry sa Metro Manila Film Festival (MMFF) 2026. 

At bongga kung maiimbita ni Vice Ganda ang bagong kasal na sina Bea Alonzo at Vincent Co.

---

BFF, uninvited… 

DIMPLES, ‘DI NAPIGA SA NAGING SECRET WEDDING NINA BEA AT VINCENT

ISA si Dimples Romana sa mga dinumog ng entertainment press sa Tara Kapatid! 2026 Midyear Media and Trade Celebration ng TV5. 

Mag-best friend sina Dimples at Bea Alonzo, kaya marami ang nagtataka o nagtatanong kung bakit hindi siya naimbita at nasabihan tungkol sa magaganap na civil wedding nina Bea at Vincent Co. Hindi ba siya na-offend at nagtampo?

Well, sey ni Dimples, wala siyang tampo at hindi rin na-offend kung hindi man naimbita sa kasal. Magkaibigan sila ni Bea kaya nagkakaintindihan sila sa maraming bagay.

Basta happy siya para kay Bea na natagpuan na nito ang kanyang ‘the one’. Alam ni Dimples na kakayanin nito ang bagong yugto at journey sa kanyang buhay-may-asawa.

Bilang isang matapat na kaibigan, ayaw nang magdetalye ni Dimples sa inside story ng civil wedding, kaya hindi siya napilit ng media na magsalita tungkol sa buhay ngayon ni Bea bilang Mrs. Co.

Samantala, may bagong morning news show si Dimples Romana sa TV5, ang Frontline sa Umaga, na ini-relaunch ng network ngayong Agosto 10. Kasama niya rito sina Ed Lingao, Chiqui Roa-Puno, Angela Lagunzad-Castro at Andrei Felix.

Kasama rin si Dimples sa bagong series na Someone, Someday (SS) na pinagbibidahan nina Kathryn Bernardo at James Reid, with Maja Salvador.

Bukod diyan, nasa Gud Morning Kapatid din si Dimples, kaya sa tatlong shows siya napapanood sa Kapatid Network. 

---

MAY magaganap na crossover sa programang Fast Talk with Boy Abunda (FTWBA) at sa afternoon soap na Born to Shine (BTS). 

Magiging bahagi si Abunda ng serye dahil sa pagge-guest ni Zephanie sa Fast Talk bilang si Jennie, na humiwalay na sa kanyang grupo at nagdesisyon na mag-solo.

Pipirma na siya ng kontrata sa isang malaking recording company. Nagpasalamat si Zephanie kay Boy Abunda dahil bukod sa mabait at matulungin, niregaluhan pa nito ang grupo niya sa BTS ng damit na isusuot nila sa taping.

Thankful din si Zephanie sa mga lead stars ng serye na sina Manilyn Reynes, Vina Morales, Sheryl Cruz, Tina Paner, Smokey Manaloto, Michael Sager at iba pa sa suportang ibinibigay sa mga baguhang tulad niya.

Sobrang hurt nang magtaksil sa kanya… HEART DIAMOND RING NA BIGAY NG EX, IDINONEYT NI HEART SA CHARITY

ni Mercy Lejarde @Talkies | August 11, 2026

Photo: IG _iamhearte

Ibinahagi ni Heart Evangelista ang kanyang pananaw tungkol sa pagseselos at pagiging independent sa isang relasyon.

Sa last episode ng The People Have Spoken (TPHS) sa GMA-7 last Saturday, tinanong si Heart kung ano ang mas pipiliin niya sa isang asawa — sobrang seloso o taong walang pakialam sa kanya.

Sagot ni Heart, “Agree ako ru’n sa walang pakialam, kasi ‘di productive ‘yung seloso. Parang, in a way, competition din ‘yun. Kung seloso, it can be with a person, it can be with your career.

“Mas gusto ko nang walang pakialam para maabot ko rin ‘yung pangarap ko. Ikaw din, gawin mo ‘yung kailangan mong gawin. That’s independence, guys.”

Samantala, isa rin sa mga itinanong kay Heart ay kung ano ang gagawin niya sa mga regalong ibinigay ng isang dating dyowa na nagtaksil sa kanya at hindi naging maayos ang kanilang paghihiwalay.

Inamin ni Heart na personal para sa kanya ang tanong, bago niya ibinahagi ang isang karanasan tungkol sa isang dating nagbigay sa kanya ng heart diamond ring.

Sagot ni Heart, “Una, ano’ng ginagawa ko? Masyadong personal, pero ibibigay ko. Show naman natin ‘to.

“Merong nag-propose sa akin dati. ‘Di naman s’ya official na proposal, pero binigyan n’ya ako ng heart na diamond, na tatlong diamond na pinagsama-sama.

“Sobrang heartbroken ko, ipinamigay ko s’ya sa charity.”

Well, at least, may napasaya at natulungan ang heart diamond ring ni Heart, ‘di ba naman, madlang people?

---

10 taon nag-aral ng Interior Design… 

NIKKI, PROUD NA NAKA-GRADUATE SA SECOND DEGREE BAGO NAG-EDAD 40

BINAHAGI ng aktres na si Nikki Gil ang mga larawan kasama ang kanyang asawa at dalawang anak kasabay ng kanyang pagtatapos sa kolehiyo.

Nagtapos si Nikki ng Bachelor of Science in Interior Design sa SoFA Design Institute, kung saan nakatanggap siya ng Highest Distinction at Best Thesis Award.

Sa kanyang post, ibinahagi ni Nikki ang pinagdaanan niya sa loob ng sampung taon bago niya tuluyang nakamit ang kanyang degree.

Aniya, “10 years, two kids, one pandemic, countless deadlines, and a whole lot of ‘Lord, please see me through this,’ prayers later.

“I started this journey in 2016, never knowing just how much LIFE would happen along the way. I had days when I wondered if I would ever actually finish. But God is good! He knew every season, every delay, every prayer.

“And what a surprise to end this chapter with an award for Highest Distinction and another for Best Thesis.

“Let this be your reminder that it’s never too late to pursue your dreams. Take it from

Tita Nikki, who earned her second degree before turning 40!

“To God be the glory!”

Amen to that, Nikki! Isang malaking congratulations sa ‘yo!

---

Misis ni PBBM, sobrang touched…

FL LIZA, SINORPRESA NG CAKES  NINA KRIS AT MGA ANAK

ISANG maagang birthday surprise ang natanggap ni First Lady Liza Araneta-Marcos mula sa aktres-TV host na si Kris Aquino at sa mga anak nitong sina Josh at Bimby noong Linggo.

Ibinahagi ni Liza sa kanyang social media account ang kanyang pasasalamat kina Kris, Josh, at Bimby matapos siyang padalhan ng mga birthday cake.

“Thank you, Kris, Josh & Bimby for the lovely advanced birthday cakes! Such a thoughtful surprise that truly warmed my heart. Feeling very blessed,” saad ni Liza sa kanyang post.

Magdiriwang ng kanyang ika-67 kaarawan si First Lady Liza Araneta-Marcos sa Agosto 21, 2026.

---

PATOK sa mga netizens at music fans ang 2018 dance-pop single ni Kyle Echarri na Pangako, na kasalukuyang trending bilang dance challenge at lyric-video edit sa TikTok (TT) at ngayon ay pumasok na rin sa Hot 100 chart ng Billboard Philippines bilang No. 94.

“This song is almost 8 years old but thank you everyone who’s listening to it again,” post ni Kyle sa X (dating Twitter).

Masaya namang sumagot ang mga fans ni Kyle at pinuri ang timeless appeal ng kanta at hinikayat din ang singer-actor, na unang nakilala bilang contestant sa The Voice Kids Philippines Season 2 (TVKPS2), na maglabas muli ng album.

Mula ang Pangako sa komposisyon ni Gabriel Tagadtad, inareglo ni Theo Martel, at ipinrodyus ni StarPop label head Roque ‘Rox’ Santos. Naging bahagi ito ng self-titled album ni Kyle na inilabas din noong 2018. Una niyang inawit ito nang live sa 2018 MYX Music Awards sa Araneta Coliseum.

‘Yun lang, and I thank you.