Kasabay ng pagbubuntis Iya Villania, may COVID-19

ni Lolet Abania | January 10, 2022

Nagpositibo sa test sa COVID-19 ang host na si Iya Villania.

Sa kanyang Instagram post ngayong Lunes, ipinakita ni Iya ang larawan ng kanilang sitwasyon sa bahay, kung saan ang tatlong anak na sina Primo, Leon, at Alana ay nakatingin sa kanyang mula sa isang glass door na naghihiwalay sa kanila para mag-isolate na.

“Drew and I are still hanging onto that little chance that maybe the kids are spared,” caption ni Iya sa IG post.

Ginawa ito ni Iya para na rin sa mga magulang na pinagdaraanan ang katulad na sitwasyon, aniya, “have to endure not hugging and kissing their children.”

Ani pa ng Kapuso host matapos na malamang positive siya sa COVID-19, “this was the hardest thing to accept.”

“Primo gets it, Leon is okay too because he follows his kuya’s lead, but Alana?? Boy, it broke my heart to see her cry for me and not being able to console her even for a bit,” pag-amin ni Iya.

“My tip? Try not to cry!!!! Coz the tears will only cause nasal congestion and lengthen recovery!” paliwanag ni Iya sa mga nanay dumaranas ng gaya niya.

“I know, I know… ang hirap! Man, I CRIED!!! But you have to get over it as soon as you can and get in that speed car towards recovery for your family,” dagdag niya.

“Kapit guys! There’s a whole bunch of us! We can do it!” sabi pa ni Iya.

Noong nakaraang Lunes, inanunsiyo nina Iya at ng asawang si Drew Arellano na buntis siya sa ikaapat na baby nila.

285 PNR personnel, may COVID-19

ni Lolet Abania | January 10, 2022

Aabot na sa 300 personnel ng Philippine National Railways (PNR) ang nagpositibo sa test sa COVID-19 matapos ang ginawang antigen test sa kanila habang nasa isolation na ang mga ito.

“’Yung ating huling bilang na 261, ngayon po ay 285 na at continuing po ang ating testing lalo na sa passenger-facing employees,” ani PNR spokesperson Atty. Celeste Lauta sa isang interview ngayong Lunes.

Ayon kay Lauta, sa 285 personnel na may COVID-19, 58 ay “passenger-facing” o iyong may exposure sa mga pasahero.

“Karamihan naman po ay non-passenger facing,” ani Lauta, subalit aniya, sapat pa ang mga staff nila para makapag-operate.

Sinabi ni Lauta na ang PNR ay mayroong humigit-kumulang sa 1,700 personnel, kabilang na ang mga service providers.

Tiniyak naman ni Lauta sa mga pasahero ng PNR na bawat train ay kanilang dini-disinfect matapos ang kada biyahe nito.

“Bago siya bumalik sa susunod niyang biyahe,disinfected na po iyon,” saad pa ng opisyal.

Bukod dito, isinasagawa rin ang mahigpit na health protocols sa loob ng tren at paligid ng mga istasyon.

“Kaya tayo nagka-conduct ng random testing sa ating mga pasahero ay para makita natin ‘yung data or ‘yung sample namin kung meron nang mga positibo sa aming mga mananakay,” wika ni Lauta.

Ayon pa kay Lauta, nitong Biyernes sinimulan na rin ang random testing at magpapatuloy pa ito.

“Yun ang magde-determine kung ano ang magiging rekomendasyon natin sa Department of Transportation kung ibabalik ang pagsuot ng face shield,” ani pa ni Lauta.

TUTOK COVID-19

by BULGAR ONLINE | January 10, 2022

Para sa update, manatiling nakatutok: bulgaronline.com/tutok-covid19