1,878 bagong kaso.. 9 dedbol sa COVID

ni Madel Moratillo | May 8, 2023

May 9 katao ang naitala ng Department of Health (DOH) na nasawi dahil sa COVID-19.

Ito ang iniulat ng DOH isang araw matapos ideklara ng World Health Organization (WHO) na tapos na ang global health emergency dahil sa COVID.

Nakapagtala rin ng 1,878 bagong kaso ng sakit.

Dahil dito, pumalo na sa 10,195 ang aktibong kaso ng COVID sa bansa.

May naitala namang 735 na nakarekober mula sa sakit.

Sa kabuuan, umabot na sa 4,100,868 ang tinamaan ng sakit sa bansa habang 66,453 naman ang bilang ng nasawi.

COVID, 'di na global health emergency — WHO

ni Madel Moratillo | May 7, 2023

Binawi na ng World Health Organization (WHO) ang global health emergency declaration sa COVID-19.

Gayunman, babala ni WHO chief Tedros Adhanom Ghebreyesus, hindi ito nangangahulugan na wala na ang panganib na dala ng virus.

Pwede pa rin umanong ibalik ang emergency status kung magbago ang sitwasyon.

Dahil dito, pupulungin ng Department of Health (DOH) ang Inter-Agency Task Force against COVID-19 para matukoy ang mga pagbabago sa ipinatutupad na minimum health standards sa bansa.

Sa isang pahayag sinabi ng DOH na lahat ng kanilang gagawing aksyon ay nakabatay sa proklamasyon ng WHO.

Anumang mapagkasunduan ng IATF ay ihihingi umano ng approval sa Pangulo.

COVID cases, tumaas

ni BRT | April 30, 2023

Tumaas pa sa 14.3% ang COVID-19 positivity rate sa Pilipinas o porsyento ng nagpopositibo sa virus mula sa mga indibidwal na nasuri ayon sa independent monitoring group na OCTA Research.

Base sa data mula sa Department of Health (DOH), iniulat ni OCTA Research fellow Dr. Guido David, Jr. na nakapagtala ang bansa ng 858 na bagong dinapuan ng sakit, 525 ang bagong gumaling at nasa 5,293 aktibong kaso at wala namang nasawi.

Mayroon ding 331 COVID-19 cases ang naitala sa National Capital Region, 55 sa Laguna at 49 sa Cavite.

Samantala, nananatili namang mababa ang naitalang nasawi at hospitalization rate sa Metro Manila na nasa 22%.

Una rito, inirekomenda ng World Health Organization (WHO) na dapat mapanatiling mas mababa sa 5% ang COVID positivity rate upang matiyak na kontrolado ang hawahan ng coronavirus.