6,630 bagong kaso ng COVID

ni Madel Moratillo | June 13, 2023

Nakapagtala ng 6,630 kaso ng COVID-19 ang Department of Health sa bansa nitong nakaraang linggo.

Sa datos ng DOH, mula Hunyo 5 hanggang 11, ang arawang average na kaso ng impeksyon ay 947. Mas mababa ito ng 27% kung ikukumpara sa naitala mula Mayo 29 hanggang Hunyo 4.

May 112 namang bagong nadagdag sa listahan ng severe at kritikal habang may 5 ang nadagdag sa nasawi. Pero ayon sa DOH walang naitalang nasawi mula Mayo 29 hanggang Hunyo 11. Sa 5 deaths na ito, 4 ang namatay noong Mayo at 1 noong Marso.

878 bagong kaso ng COVID

ni BRT | June 12, 2023

Nakapagtala ang Pilipinas ng 878 na bagong kaso ng COVID-19 kaya umabot na sa 4,154,190 ang nationwide caseload, ayon sa Department of Health

Pagkalipas ng dalawang araw, ang bilang ng mga bagong kaso ay mas mababa sa 1,000.

Sa kasalukuyan, ang bilang ng mga aktibong kaso ay 11,644, habang ang recovery tally ay 4,076,065.

Nananatili sa 66,481 ang bilang ng nasawi sa bansa.

Sa nakalipas na dalawang linggo, ang National Capital Region ang may pinakamataas na bilang ng bagong kaso na may 4,439, sinundan ng Calabarzon na may 3,132, Central Luzon na may 2,108, Western Visayas na may 1,369, at Cagayan Valley na may 1,006.

Kaso ng COVID Arcturus, 4 na

ni Madel Moratillo | May 13, 2023

Posibleng mayroon na umanong local transmission ng XBB.1.16 o Arcturus variant ng COVID-19 sa bansa.

Sa isang pahayag, sinabi ng Department of Health na ito ay dahil sa wala ng makitang

link ng kaso sa international cases.

Wala rin umanong nakitang history ng exposure sa mga bagong kaso nito.

Sa pinakahuling genome sequencing may 3 pang bagong XBB.1.16 ang natukoy.

Dahil d'yan umabot na sa 4 ang kabuuang kaso nito sa bansa.

Sa biosurveillance report ng DOH, kabilang ang mga ito sa 207 bagong subvariant ng Omicron at iba pang lineages na natukoy sa ginawang sequencing mula Abril 26

hanggang Mayo 6.

Sa 159 na natukoy na XBB kabilang ang 72 na XBB.1.9.1 cases, 35 na XBB.1.5 cases, 13 na XBB.1.9.2 cases, at 4 na XBB.1.16 cases o Arcturus.

May 27 rin na BA.2.3.20, 1 BA.5, 13 na iba pang Omicron sublineages at 1 hindi pa tukoy na lineage