"Basura mo, pag-asa ko: Galing basura, gawing kabuhayan”... Pasig’s waste to wealtlh revolution, ilulunsad na sa pamumuno ni ate Sarah!

ni Chit Luna @News | Apr. 25, 2025

“Mula tambakan hanggang tagumpay,” iyan ang pananaw at adhikain para sa Luntiang Kinabukasan ng Pasig.

Ang programang ito ay higit pa sa pisikal na proyekto—dito ang bawat basura ay may bagong silbi.

Sa pamumuno ni Sarah Discaya, ang basura ay hindi na lamang itinatapon—ito ay binibigyang saysay.

Sa Brgy. Pinagbuhatan sa Pasig nakatakdang itayo ang Recycling and Waste-to-Energy Manufacturing Hub. Layong gawing kabuhayan ang dating tinatawag na basura, na magtataas ng antas ng pamumuhay ng bawat Pasigueño sa pamamagitan ng mas malinis na kapaligiran at mas maraming oportunidad.

Ayon sa Section 22 ng Local Government Code, may kapangyarihan ang mga lokal na pamahalaan na pumasok sa mga proyekto na direktang nakikinabang ang mamamayan.

Gamit ang prinsipyong ito, isinusulong ni Ate Sarah ang pagtatayo ng pasilidad na hindi lamang sasagot sa isyu ng basura, kundi magbibigay din ng kabuhayan at kuryente.

Ang mga plastic at solid waste materials ay ire-repurpose bilang eco-bricks at construction materials, pati na rin ang household products, school supplies, at kagamitan sa opisina. Lahat ng ito ay gawa mula sa basura—ngunit kalidad at gawang Pasig, para sa Pasig.

Hindi rin matatawaran ang benepisyo sa enerhiya. Ang mga hindi na kayang i-recycle na basura ay gagamitin sa isang waste-to-energy system na magpo-produce ng malinis na kuryente.

Makatutulong ito sa pagpapatakbo ng barangay facilities, pag-iilaw sa mga lansangan, at pagbawas ng electricity costs para sa maliliit na negosyo.

Bukod sa kita, makatutulong din ito sa pagtipid ng gobyerno sa gastos sa basura.

Bilang suporta sa adbokasiya ng tamang pamamahala ng basura, isasagawa rin ang malawakang information campaigns, school-based eco-programs, at barangay clean-up drives. Sa tulong ng mga paaralan at community groups, ipapaabot sa kabataan at komunidad ang kahalagahan ng zero waste lifestyle at pagkakaroon ng malasakit sa kapaligiran.

Higit pa sa teknolohiya, binibigyang-halaga rin ng proyekto ang paglikha ng trabaho para sa lahat. Bubuksan ang mga oportunidad para sa solo parents, senior citizens, persons with disabilities (PWDs), at kabataang naghahanap ng kabuhayan.

Magkakaroon sila ng libreng skills training, certification, at access sa livelihood programs gamit ang recycled materials—isang pangmatagalang hakbang tungo sa self-sufficiency.

Plataporma para sa maayos na daloy at kaligtasan sa kalsada... Sarah Discaya: Modernisasyon ng traffic system at imprastruktura

ni Chit Luna @News | Apr. 24, 2025

Pasig City – Sa gitna ng patuloy na pagsisikip ng mga pangunahing lansangan sa Pasig, inilalatag ni Sarah Discaya ang modernisasyon ng traffic system at imprastruktura bilang sentro ng kanyang plataporma.

Para kay Ate Sarah, mahalagang tugunan ang lumalalang suliranin sa trapiko upang mapabuti ang kalidad ng buhay at mapanatili ang kaayusan sa lungsod.

Ilan sa mga proyektong planong ipatupad ay ang pag-install ng sensor-based traffic system, pagpapalawak at rehabilitasyon ng mga kalsada, pagtatayo ng vertical parking at pagbuo ng alternatibong ruta upang maiwasan ang bottleneck sa mga kritikal na daanan.

Kasama rin dito ang pagtatayo ng modern command control, traffic system at response teams na gagamit ng real-time data.

Sa pamamagitan ng integrasyon ng smart systems, inaasahang magkakaroon ng mas episyente at sistematikong transportasyon, partikular tuwing rush hour.

Hindi rin nawawala sa kanyang plano ang pagpapabuti ng transport infrastructure para sa kaligtasan ng lahat. Kabilang dito ang maayos na pedestrian at bike lanes, pati na rin ang pagsasaayos ng drainage system upang maiwasan ang pagbaha na madalas ding nagiging sanhi ng mabagal na daloy ng trapiko.

Isinusulong din ni Ate Sarah ang kapakanan ng maliliit na sektor gaya ng Tricycle Operators and Drivers Association (TODA).

Kabilang sa kanyang mga adbokasiya ang pagbibigay ng mga pagsasanay, benepisyong pangkabuhayan, at modernisasyon ng mga sasakyang ginagamit sa pampasaherong transportasyon.

Para kay Ate Sarah, ang tunay na pag-unlad ay nakasalalay hindi lamang sa mga gusali at kalsada, kundi sa pagsasama-sama ng teknolohiya, tapat na serbisyo, at malasakit sa bawat Pasigueño.

Para kay Ate Sarah, ang modernisasyon ng lungsod ay hindi pangarap lamang, kundi isang planong konkretong maisasakatuparan sa pamamagitan ng sama-samang pagkilos.

EcoPasigueño: Proyektong pangkalikasan para sa malinis at ligtas na lungsod — Walang baha, walang peligro!

ni Chit Luna @News | Apr. 23, 2025

Sa gitna ng papalapit na halalan, isinusulong ni mayoral candidate Ate Sarah Discaya ang isang malawakang kampanyang pangkalikasan na may layuning gawing mas ligtas at malinis ang buong lungsod ng Pasig—isang konkretong hakbang upang mapabuti ang kalikasan at kalusugan ng komunidad.

Isa sa mga pangunahing proyekto ni Ate Sarah ay ang pagtatayo ng isang makabago at environment-friendly na pasilidad para sa pamamahala ng basura.

Ayon kay Ate Sarah, malaking tulong ito upang maiwasan ang pagbaha sa lungsod, lalo na tuwing tag-ulan.

"Ang ganitong uri ng imprastruktura ay bahagi ng mas malawak naming plano para sa mas ligtas at organisadong pamayanan," ani Discaya.

Hindi lamang proper waste disposal ang tinututukan ng kampanya—kasama rin ang regular na pagsasagawa ng mga misting at fogging sa mga barangay.

Katuwang si Ate Sarah sa pagsisikap na ito upang mapuksa ang mga pinamumugaran ng mga lamok at maiwasan ang pagkalat ng mga sakit gaya ng dengue.

"Kalinisan ay kaligtasan," ang paulit-ulit na paalala niya sa kanyang mga barangay visit.

Bilang dagdag-suporta sa waste management program at bahagi ng kanilang community service at sa tulong ng St. Gerrard Charity Foundation at ni Kuya Curlee, dalawang garbage haulers sa Brgy. Dela Paz ang kanilang ipinagkaloob na patuloy na pinakikinabangan ng barangay.

Ayon sa kanila, ito ay bahagi ng kanilang mas malawak na community service.

“Ang malinis na kapaligiran ay mabuti sa kalusugan, kaya ito ang aming misyon,” wika ni

Kuya Curlee.

Kasama rin sa adbokasiya ni Ate Sarah ang rehabilitasyon ng flood control systems, partikular ang mga pumping stations na hindi na gumagana nang 100%.

Layunin niyang ibalik ang full capacity ng mga ito upang maprotektahan ang mga residente sa panahon ng malalakas na pag-ulan.

Nangako rin si Ate Sarah na paiigtingin ang pagpapagawa at pagkukumpuni ng mga drainage systems sa lahat ng barangay.

Aniya, ang pag-aayos ng daluyan ng tubig ay hindi lamang magdudulot ng ginhawa kundi magsisilbing proteksyon sa mga pamilyang Pasigueño laban sa peligro ng pagbaha at waterborne diseases.

Umaasa si Ate Sarah na hindi lamang ang kalikasan ang mapapangalagaan, kundi pati na rin ang kalusugan, kaligtasan, at kalidad ng pamumuhay ng bawat taga-Pasig.

Sa kanyang panawagan: "Kay Kuya Curlee at Ate Sarah, Alaga Ka!" – ipinapakita nila na ang paglilingkod ay may puso, direksyon, at tunay na malasakit.