Kauna-unahang COVID-19 positive na aso sa US, pumanaw na

ni Thea Janica Teh | July 31, 2020

Isang 7-year-old german shepherd mula sa Staten Island, New York ang kauna-unahang

nagpositibo sa COVID-19 sa United States at ito ay pumanaw na noong July 11 matapos ang 3 buwang pakikipaglaban sa sakit.

Hindi pa malinaw kung namatay ba si Buddy dahil nahawa ito sa kaniyang amo na si Robert Mahoney ng COVID-19 o namatay ito dahil sa lymphoma.

Ayon sa dalawang beterenaryo na tumingin sa medical record ni Budy mula sa National

Geographic, sinasabing ito ay maaaring namatay dahil sa cancer.

"It's unclear whether cancer made him more susceptible to contracting the coronavirus, or if the virus made him ill, or if it was just a case of coincidental timing" sabi sa isang magazine.

Nagkasakit umano ang aso noong April at iniisip na ni Mahoney na siya ay positibo sa virus, ngunit Mayo na ng makakita ang pamilya ng veterinary clinic na nagkumpirma na positibo ito sa COVID-19.

Noong June 2, kinumpirma ng US Department of Agriculture na si Buddy ang kauna-unahang aso na nagpositibo sa COVID-19 sa US. May nakita umano itong mga sintomas ng respiratory illness at inaasahan na gagaling ito agad.

Ngunit, hindi it nangyari. Sa kuwento ni Allison Mahoney, sinabi nito sa National Geographic na noong July 11, naglalabas na ng clotted blood si Buddy.

Hindi umano mandatory na sumailalim sa test ang mga hayop na naninirahan kasama ng kanilang mga amo na nagpositibo sa virus kaya hindi tiyak kung ilan ng hayop ang

nakakuha ng virus at nakararanas din ng iba pang sakit.

Dilaw na pagong, unang beses namataan sa India

ni Thea Janica Teh | July 23, 2020

Isang magsasaka mula India ang nakahuli ng yellow turtle na kung saan ay pinaghihinalaan ng mga eksperto na kabilang sa albinism.

Habang nagtatrabaho sa bukid sa Sujanpur sa Balasore District ng Odisha, nakita ni

Basudev Mahapatra ang pagong at napagdesisyunang iuwi sa kanilang bahay.

Agad ding ibinigay ni Mahapatra ang pagong sa forest official para mapag-aralan.

Ayon kay Siddhartha Pati, executive director ng Association for Biodiversity Conservation, ito ang kauna-unahang pagkakataon na makakita siya ng ganitong uri ng pagong.

Kalimitang nakikita ang flapshell turtle sa Pakistan, Sri Lanka, India, Nepal, Bangladesh at Myanmar. Ang pagong na nahuli ay hinihinalang may 1 ½ o 2 taon na.

Bahagi ni Pati, kadalasan silang nagre-rescue ng mga pagong at alimango at pinakakawalan din sa tubig. Ngunit, ito ang unang pagkakataon na makahuli sila ng ganitong pagong sa Odisha.

Ipinaliwanag naman ni Pati na ang dahilan kung bakit ito dilaw ay dahil sa albinism. Ito ay isang disorder kung saan wala o kaunti ang tyrosine pigment nito. "Also, sometimes a mutation takes place in the gene sequence or there is a deficiency of tyrosine."

Sa ngayon ay pinakawalan na ng awtoridad ang pagong sa Balasore.

Dolphins, killer whales pumapalaot sa Bohol waters

ni Lolet Abania | July 14, 2020

Pumapalaot ang maraming dolphins at killer whales sa katubigan ng Garcia Hernandez Bohol province kasabay ng pagbubukas ng local tourist activities matapos na ipatupad ang modified general community quarantine protocols.

Nakuhanan ng video ng turistang si John Brian Galendez ang paglangoy ng mga dolphins at orcas na hindi karaniwang nakikita sa Bohol.

“Sobrang saya po. ‘Di ko po ine-expect na ganoon po makikita naming kasi ano po, ‘yong mga cousins ko po, naliligo lang kami sa baybayin. Tapos hindi nmain alam na makapunta kami doon sa aming paroroonan,” sabi ni Galendez.

Ayon sa mga residente, una silang nakakita ng marine mammals noong June 29. Ilang dekada na mula nang huli silang makakita ng orcas sa lugar.

Isang opisyal mula sa Department of Environment and Natural Resources ang nagsabi na may tatlong rason na nakakakita ng dolphins at orcas sa Bohol.

Ayon kay Environment undersecretary Benny Antiporda, isang dahilan ng papunta ng marine mammals sa Bohol ay sanhi ng pagkawala o maaaring sa climate change. “Change noong lamig or init noong tubig ‘no sinusundan din ng mga isda ‘yan na kung saan sila magiging comfortable, doon sila pumupunta,” sabi ni Antiporda.

Maaaring ang mammals ay naghahanap ng pagkain sa lugar.

“Positive na nakikita natin dito becuase of ECQ, dumami ‘yong isda natin dito. Pinagbawal din ‘yong mga mamamalakaya, yung mga mangingisda natin kung kaya’t nagkaroon ng chance mag-produce ang mga isda at dumami sila… maraming breeding ground dito ‘yong ating mga isda na nakikita naman din natin patungo ngayon ‘yong malalaking isda dahil naghahanap ng pagkain,” sabi pa ni Antiporda.